ISAIA 7:6 - AMÜSÜH HÜM CL Bible (BSI)

⁶ Isanü Juda azhihde wutubah Jirusalem yanabahanü tüsho isa thsungkheak yankhia luanü tüsho ju ching Tabeel tsührü kiulongthsüpuh kamshihanü;

ISAIA 7:6 Iomraidhean Croise

1 KIULONG THSÜRÜ 12:16

Küyimki kiulongthsüpuhnü arü ki mani de Israel alalanü angükhea, mihtsürübonü kiulongthsüpuh ki alo, “David lung isa tümü shihcham la? Jesse tsührü lung isa tümü yamrüplurüp müla. Nüsa khimyambo lim yüang, O Israel! Kheakü nüsa nihbuh yam lim kheahang, O David.” Jumonü Israelnü arü khimyam lim yüabah.

2 KIULONG THSÜRÜ 11:2

Tüshe kiulongthsüpuh Joram tsührübe tüsho Ahazia achi Jehoshebanü Ahazia tsührü Joash bea lu, tüsho alaksahpü lakhi kiulongthsüpuh tsührü bolungnü jika bebah tso; alibenü api le akümrü yappung khiungshak ching zo. Hanangde alibenü api Athalia kheaknü ram, junangde api mülaksah;

2 KIUTHSÜYUKHEAN 13:8

“Tüsho kheakü David tsührübo khah ching Atungpuh kiulongthsü azhihkhukbah de nüsanü lümlah, tümütüsho nüsa mih hihlah tüsho Jeroboamnü nüsa thsungkheak suna moshi nunu thsükhi thrünpuhbo nüsa lung lah.

2 KIUTHSÜYUKHEAN 21:7

Tümütüsho apinü David kheak tangzüngkhinü Atungpuhnü David yamkhün müdükheakshih, tümütüsho apinü api le api tsühsoniusobo kilim lünnü tsünpung khülang jihpü alokhi.

2 KIUTHSÜYUKHEAN 28:5

Jumonü Atungpuh api Thrünpuhnü anihbuh Siria kiulongthsüpuh khah ching jih, apinü anihbuh kuk tüsho api mihtsürü ahihdo rama lubah Damaska ching arü. Api ju Israel kiulongthsüpuh khah ching she jih, apinü ahihdo laksahde api kuk.

MUNGSHIKHÜN 21:11

Arünü nü azhihde amütsü lümkhi thsüthsü she, tüsho mihbukmuyuk lümkhi asahsah she arünü akuk müngü;

MUNGSHIKHÜN 83:3

Arünü nü mihtsürü azhihde ramde lümkhi thsüchoh; nünü akümdokhi azhihde arünü azhihchoh.

MÜCHITMUDU 19:21

Mihtsürü mulong ching lümkhi hihde lah tüshe Atungpuh lümthiyannü rhimochoh.

ISAIA 7:1

Uzzia tsührü, Jotham tsührü Ahaz, Juda kiulongthsüpuh nimungbo ching, Siria kiulongthsüpuh Rezin tüsho Remalia tsührü Israel kiulongthsüpuh Pekanü Jirusalem yanpü wutu, tüshe müyankhuk.

ISAIA 7:5

Tümütüsho Siria lung Ephraim tüsho Remalia tsührünü nü azhihde amütsü tha,

ISAIA 7:7

jumonü A TU N GPU H Thrünpuhnü ha thachoh: Hoju akuk müngü, tüsho müdünji.

ISAIA 8:6

Tümütüsho ha mihtsürübonü keamde abukkhi Shiloa ke thsunglo, tüsho Rezin le Remalia tsührü trekhinü niuthünak;