ISAIA 7:23 - AMÜSÜH HÜM CL Bible (BSI)

²³ Ju nimung kurungaso 1000 lapung, shotoyinchi 1000 dünkhi ju, khingphu tüsho ayangrungnü chakdoabahbah.

ISAIA 7:23 Iomraidhean Croise

THRÜNTAN 3:18

Ayangbo tüsho thrümthrukbe nü thsungkheaknü akhiukshihbah, tüsho mükeak ching yo wokephüyak tsühbah.

ISAIA 32:10

Kam khülang anükhüh hobah nüsa reangkeamde larübo ajanbah; tümüde kurungaso murho, sangaso yimlukhi mülade alabah.

ISAIA 5:10

Tümüde kurungasolu lushih 10nü pungdüchi 8 lang akhiukbah tüsho müjih tramduhkhühnü keluhkhüh lang akhiukbah.

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

ISAIA 7:24

Khürünü sanglüh tüsho hühzo shuhbah ju ching yübah, tümüde alo alala khingphu tüsho ayangrungbo labah;

JEREMIA 4:26

Inü kheah, tüsho kheahang, Atungpuh bukakhiukkhinü amüdang lo ju loshelo kamabah tüsho kiuto alala thsümünimabah.

EZEKIEL 12:20

Mihtsürü lakhi kiutobo thsümünima yapbah tüsho lomi zhikrangkhündo alabah. Judüki I Atungpuh de arünü mükheahbah.

HOSEA 2:12

Inü anihbe kurungasobo tüsho khubasodungbo thsümünimjihbah, küpü dünkheak alibenü tha, “ I kilim jihkhi I mihkhahmo ah.” Inü jurü murung kamshihbah tüsho mütüm shiwühbonü atsühbah.

HOSEA 9:6

Arünü athsümünim chingnü tsokhikhi she, Ijipnü arü bemukhungbah; Memphisnü arü kiuyuka bahbah. Khingphunü arü shotoyinchi kukrukbo mükühbah; ayangbo arü khimyambo ching labah.

MATHI 21:33

“Shihdanglimyu püpü: Kurungasolu putungrü khülang lakheah. Apinü ju mükamde shahwün ayün, ju ching anitpung kiu tüsho aheangsadam khülang thsü. Judüki apinü kurungasolu ju thulu-thsürü khürü kilim amüche jihbah hantsah yü.

IBRI 6:8

Tüshe ayangbo le thrümthrukbebo mukhuhsho, ju yihnüpü mülakhi tüsho muthrua bahpü thüninde lah; akheam ching a ju takabahpü lah.