ISAIA 7:20 - AMÜSÜH HÜM CL Bible (BSI)

²⁰ Ju nimung Atungpuhnü nüsa kuyü, jingnam tüsho nüsa mükhühnam she ahütshihpü ke thripkhühnü kuyüliuh– Asiria kiulongthsüpuh– muloa handarübah.

ISAIA 7:20 Iomraidhean Croise

ISAIA 1:5

Tümüde nüsanü kheaküshe laka lupü yimcho? Tümüde nüsanü mutuklode azhihcho? Ku abümnü tukthsülah, tüsho mulong abümnü keahkhichoh.

ISAIA 10:15

Awünü alangzü achebuh kumung yükihba de, yungsho sangrhütbenü arhütbuh azhihde kükheangba de? Shitso khülangnü mihtsürü khülang mushuhkih; mihtsürü khülangnü shitso shuhkihchoh!

ISAIA 11:15

Tüsho Atungpuhnü Ijip keto ngahshihbah; tüsho api pung atak bede keto kheak akhah ayitbah; tüsho keru thüne chamnakbah, tüsho jingnü ahopü limro khülang kamshihbah;

ISAIA 36:1

Kiulongthsüpuh Hezekia kam thürükheak phüyipü ching, Asiria Kiulongthsüpuh Sennakeribnü chipi ayünkhi Juda kiuto alala yanpü atu tüsho yankhit.

ISAIA 8:7

jumonü ju azhihde Atungpuhnü Ayung Keking ato, Asiria kiulongthsüpuh tüsho api müretahkhi alala lude atuchoh; keru alala kumung yükihbah tüsho ayung alala bukmibah;

ISAIA 9:13

Mihtsürübonü arü shikbuh api kilim manguh, yungsho Wuto Atungpuh müyim.

JEREMIA 2:18

Dale Ijip ching Nile ke yungpü yükhinü nü tümü alü ngücho? Yungsho Asiria ching Euphra ke yungpü yükhinü nü tümü alü ngücho?

EZEKIEL 29:18

Mihtsürü tsührü, Babilon kiulongthsüpuh Nebukednezar nü Tair azhihde api bonungrü müküpde rhimoshihchoh; mihbüm aban ku rakrak kamdo tüsho dubuh sühkhido; tütüshe api le anihbuh bonungrünü ju azhihde mihkhah bahkhi dün Tair chingnü tümü she müngü.

EZEKIEL 29:20

Inü apinü arhimokhi dün khinusho nangde api kilim Ijip lomi jihdo, tümütüsho arünü I thsungkheak rhimodo, Atungpuh Thrünpuhnü thachoh.