ISAIA 7:18 - AMÜSÜH HÜM CL Bible (BSI)

¹⁸ Ju nimung ching Ijip kenü ching lakhi somünak tüsho Asiria lomi ching lakhi mukhu thsungkheak Atungpuhnü amütbah.

ISAIA 7:18 Iomraidhean Croise

MUNGSHIKHÜN 105:31

Apinü tha, tüsho somünakbo le kurheakbo arü lo alala ching arü.

MUNGSHIKHÜN 118:12

Mukhubo nangde arünü I zündoa lah; arübo ayangrung aniukhi nangde aniuabah; tümüde Atungpuh mung chingnü inü arü thsümünim.

ABEKHIT 8:21

Nünü I mihtsürü müyüshihsho, inü nü le nü yamlarübo, nü mihtsürübo kheak tüsho nü yambo ching somünak boto arüshihbah. Ijiprü yambo tüsho arü zhipkhi alo alala somünakbonü amibah.

ABEKHIT 8:24

Tüsho Atungpuhnü jude rhimo. Pharao yam ching, ayamlarübo yam ching tüsho Ijip lomi alala ching somünaknü thsümünimjih.

ISAIA 13:5

Arübo limshu lomi chingnü arüchoh, thüningbo akheam chingnü, A TU N GPU H bukakhiukkhi thsühnukbonü lomi athrünkhi thsümünimpü lah.

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 5:26

Apinü limshu ching larü trükshih jipü amütsan jihbah, tüsho alomi akheam ching larü mihtsürübo thsungkheak mütbah; ha ching arü arüchoh, athride, nahnahde!

ISAIA 7:17

Asiria kiulongthsüpuh Ephraim, Juda chingnü chamachihkhi nimungnü ründe marükhi hadürü nimungbo nü tüsho nü mihtsürü tüsho nüsa jipürü yamkhün kheak Atungpuhnü handarübah.”

ZEKARIA 10:8

Inü arü jibah tüsho arübo mukhungbah, tümüde inü arü rhokhitdo tüsho akhuhlim nangde arü hihde akambah.

YUZÜNGTHALO 1:44

Tüsho ju wung ching larü Amorrü nüsa azhihde akhiukbahle mukhunü ayankhi ruk nüsa yande müsham, tüsho nüsa Seir chingnü Horma lim yanloa arüshih.

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.

YUZÜNGTHALO 7:20

Kheaküshe Atungpuh nüsa Thrünpuhnü aninga larü, nüsa kheaknü jika larü müdükheakkhamyi khiungde arü bolung mukhutopü yüshihbah.

JIHUSUA 24:12

Amorrü kiulongthsü mahne yankhita bahshihpü inü mukhuto nüsa müngüh yüshih; hoju nüsa nukshang yungsho sanglühnü yung.