ISAIA 7:13 - AMÜSÜH HÜM CL Bible (BSI)

¹³ Judüki Isaia nü tha: “ Kheakü aniang, O David yamkhün! Nü thsungkheaknü mihtsürü khikhi khide ninilah de, nünü I Thrünpuh she keaksahshihba de?

ISAIA 7:13 Iomraidhean Croise

THRÜNTAN 30:15

Leanü alo, “Nünü I niubuh bede atsokhinü musuhdah de? Nünü I tsührü yo mandrak she aluba de?” Rachelnü tha, “Jumonü nü tsührü yo mandrak dün apinü khihre nü lung müyambah.”

2 KIUTHSÜYUKHEAN 21:7

Tümütüsho apinü David kheak tangzüngkhinü Atungpuhnü David yamkhün müdükheakshih, tümütüsho apinü api le api tsühsoniusobo kilim lünnü tsünpung khülang jihpü alokhi.

MUNGSHIKHÜN 45:5

Kiulongthsüpuh riribo mulong ching nü hühzobo züpzüplah; mihtsürübo nü khüp keamchoh.

ISAIA 1:14

Nüsa khinu asobo tüsho akhukhitkhi thüniobo I menü thraneanlah; arübo I hahmülang khülang kamdo, arü hankhinü I khiabahdo.

ISAIA 1:24

Jumonü Wuto Atungpuh , Israel yo Wutonü thachoh: Ah, inü I riribo kheak I bukakhiukkhi dungkihbah, tüsho I riri kheak I royimbah!

ISAIA 22:22

Inü api dubuh kheak David yamkhün yo mükhipmürabe yihkihjihbah; junangde apinü akhimshuhbah, tüsho shenü mürih; tüsho apinü arihbah, tüsho shenü mükhimshuh.

ISAIA 25:1

O Atungpuh , nü I Thrünpuh ah; inü nü shuhkihbah, inü nü mung shibah; tümüde nünü adüsonü lüma zokhi thülünde tüsho tsükjide amüyinsahbe rhimodo.

ISAIA 43:24

Nünü I khilim shonü niungyidung muthulojih, yungsho nünü alaksahkhi müdangnü I reangmükeamshih. Tüshe nü neakbonü I hah mülangshihdo; nü amülimbonü I khishihdo.

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

ISAIA 7:12

Tüshe Ahaz nü tha, Inü mükheang, tüsho inü Atungpuh rükmaki.

ISAIA 7:2

Küyimki Sirianü Ephraim kheak arihkhi David yamkhünnü asokhea, Ahaz tüsho api mihtsürü mulong ju murung ching sangdungbo apungnü ayünkhi nangde ajan.

JEREMIA 21:12

O David yamkhün! Atungpuhnü ha thachoh: Yapsu aban thiyuro rhimoang, tüsho khürü rükyuka larü ajunorü khah chingnü bekhitang, jude yungsho I bukakhiukkhi mo nangde ayübah, tüsho shenü müyihmütde nüsa rhimo amütsübo thsungkheaknü atakbah.

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

JEREMIA 6:11

Tüshe I a Atungpuh bukakhiukkhinü milah; inü ju marümkhuk. Ju kiudunglimro azürübo kheak dungkihang, tüsho athunurü mukhungkhi kheak she; niube niubuh tüsho shinbe shinbuh chido lude atsobah.

EZEKIEL 16:20

Tüsho nünü I kilim zübejihkhi tsührübo tüsho tsührübebo lu tüsho sangthsübo kilim tsühyungpü nangde shuhmülanga jih. Nü müzammüramkhi musuh de?

EZEKIEL 16:47

Nünü arü limrobo ching lang atsahkhi yung tüsho arü athraneanbe rhimobo lang akheahkhikhi yung, tüshe nü limrobo alala ching nahde arü kheaknü nü amütsübe kam.

EZEKIEL 34:18

Nüsa thsungkheaknü rim atsü tsühkhi musuhdah de, tüshe nüsa jingnü nüsa rim aningkhi junakba de? Küyimki nüsanü ke amüsüh yungbanü, nüsanü nüsa jingnü aningkhi rhuzhihzhihba de?

EZEKIEL 6:9

Judüki arü ramde ayükhi trükshihbo ching atsokhitrünü I lümkhitbah–künangde arü müzammüram mulongbonü I mulong tukthsüshihkhea, küpü I kheaknü rholode atsokhea, tüsho arü mükjibonü arü sangthsübo kheah-a mürühkhea. Arünü arhimokhi amütsü thsungkheak tüsho arünü athraneanbe rhimokhi alala arünü amukhiukbah.

AMOS 3:13

Aniang, tüsho Jakob yamkhün azhihde thiyumütsan jihang, Atungpuh Thrünpuh , Wuto Thrünpuhnü thachoh:

MALAKI 2:17

Nüsanü nüsa yubonü A TU N GPU H khishihdo. Tütüshe nüsanü, “ Küde thsah isanü api khishihkhi? Isanü amütsü rhimokhi alala Atungpuh miki atsü lah, tüsho apinü jurü ching asühchoh. Yungsho thiyuro Thrünpuh küching la?” de thachoh.

WÜHKHE 16:13

Niuhke tüsho mukhuke bukde alakhi Ijip lo chingnü isa bekhitbah sunglo ching laksahpü thsükhi, tüsho nünü isa kurungkheak atungrü thsükhi ha anikhüh ah de lümchoshi?

WÜHKHE 16:9

Nüsa Israelrü Thrünpuh hode Israel boto chingnü chamkhita Atungpuh arüngyam ching rhimopü api miki yüpü, tüsho boto tankihshihpü thsüde arü miki zhipshihpü thsükhi nüsanü khide ninilah de lümcho de?

LUKNÜ ATHRÜTKHI THIYUSHEAK-ATSÜ HUHTANYU 1:69

tüsho api yamlarü David yam ching apinü isa thsungkheak akhümkhit juh shuhkih,

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

IBRI 3:10

Jumonü inü ju lün kheak I bukakhiuk, tüsho tha, ‘Arünü arü mulong ching kamruhroro tsophülapchoh; arünü I limrobo mümükheah.