ISAIA 66:4 - AMÜSÜH HÜM CL Bible (BSI)

⁴ inü she arü keangrüpü mokhitbah, tüsho arünü atrekhi arü kheak handarübah; tümütüsho inü ajichoki, shenü malo, inü asukchoki arünü mani; tüshe I mük ki arünü amütsü rhimodo, tüsho inü masühkhi mokhit.

ISAIA 66:4 Iomraidhean Croise

2 KIULONG THSÜRÜ 21:2

Atungpuhnü Israel müngüh yankhita bahkhi trükshihbonü arhimokhi yande, apinü Atungpuh miki amütsü rhimo.

2 KIULONG THSÜRÜ 21:6

Apinü atsührü monü taka kingaün, apinü müchityu tha tüsho lümrük thsü, tüsho akhasherü le thümürü ki keokhi. Apinü Atungpuh miki amütsü khide rhimode api bukakhiukshih.

MUNGSHIKHÜN 81:12

Jumonü inü arü nihbuh lümkhi ching tsahshihpü arü mulong müküppü jih.

MÜCHITMUDU 1:24

Tümütüsho inü ji tüsho nünü reanglo, inü I khah chungkhit tüsho shenü manijih,

MÜCHITMUDU 10:24

Mihbukmuyuknü tümü trechonü api kheak arübah; thiyuro-lungkirünü tümü lunechonü amülüjihbah.

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

ISAIA 59:15

Thiyuro mülatsan, tüsho amütsü chingnü rholorü thsümünima lah. Atungpuhnü ha ngüdo, tüsho api masühde kamshih, junangde thiyuro mülakheah.

ISAIA 59:7

Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah.

ISAIA 65:12

inü nukshang kilim nüsa sangkhik thsüjihbah, tüsho nüsa alalanü alaksahpü ki mükhümbah; tümütüsho, küyimki inü ajikhea, nüsanü malo, küyimki inü asukkhea, nüsanü mani, tüshe I miki amütsü tümüanü nüsanü rhimodo, tüsho inü tümü masühnü mokhitdo.

ISAIA 65:2

Inü nimung amuyung mihtsürü azhihrü kilim I khah chungkih, shepü limro amütsü ching nihbuh lümkhi yande tsahcho;

ISAIA 65:3

mihtsürü shepünü I bukakhiukshihde I miro neaneashihcho, shahwünbo ching laksah-a kingaünde tüsho lotaklungbo kheak arhümthüneabe kingaünde;

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

JEREMIA 35:17

Jumonü Atungpuh , Wuto Thrünpuh, Israel Thrünpuhnü ha thachoh: Inü Juda tüsho Jirusalem ching larü alala kheak azhihde athakhi thsümütsü lüpdükhi handarübah; tümütüsho inü arü ki asuk tüshe arünü mani, inü arü ki ji tüshe arünü malo.

JEREMIA 7:13

Tüsho kheakü, nüsanü harü alala rhimokhinü, Atungpuhnü thachoh, tüsho küyimki inü nüsa ki alochode asukkhea, nüsanü mani, tüsho küyimki inü nüsa jikhea, nüsanü malo,

JEREMIA 7:30

Tümüde Juda mihtsürübonü I miki amütsü rhimodo, Atungpuhnü thachoh; I mung tamkhi yam müneanjihde, arünü athraneanbe zodo.

EZEKIEL 11:8

Nünü nukshang trechoh, tüsho nü azhihde inü nukshang handarübah, Wuto Atungpuhnü thachoh.

EZEKIEL 14:4

Jumonü arü ki asukang tüsho thaang, Wuto Atungpuhnü ha thachoh: Küyimki Israelrü khürünü api mulong ching sangthsübo zhipshihba tüsho api miro ki mihbukmuyuk jingmükhelung yukba tüsho wukihrü khülang kilim yübanü, api sangthsü kingaün ato lakhi dünkheak I Atungpuhnü api ki alobah.

EZEKIEL 20:25

Kheaküshe amütsü thiyuzüngbo tüsho arü mülakhukbe yakzanbo inü arü kilim jih;

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

1 SAMUEL 8:19

Tüshe mihtsürübonü Samuel yu anipü reanglo; arünü tha, “Yung! tüshe isa kurungkheak kiulongthsürü khülang zopü isanü mulongkhitdo,