ISAIA 66:23 - AMÜSÜH HÜM CL Bible (BSI)

²³ Khinu aso tüsho amunimung aban, mihtsürü alalanü I miki kingaünpü arübah, Atungpuhnü thachoh.

ISAIA 66:23 Iomraidhean Croise

2 KIULONG THSÜRÜ 4:23

Apinü tha, “Tümüde khihni api kilim yüpü? Ha khinu aso yungsho amuni yung.” Alibenü tha, “Ju atsübah.”

MUNGSHIKHÜN 22:28

Atungpuh ju kiulongthsürü ah, tüsho apinü trükshihbo yakzan shuhchoh.

MUNGSHIKHÜN 65:2

O nü shepünü tamkhüntamnü socho, nü kilim mihtsürü alala arübah.

MUNGSHIKHÜN 65:3

Küyimki neakbonü isa zhidoa lakheanü, nünü isanü alakmihkhibo neak bahjih.

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

ISAIA 19:21

Atungpuhnü anihbuh Ijiprü ki mükheahshihbah; tüsho ju nimung Ijiprünü Atungpuh mükheahbah, tüsho shuhmülanga jihde taka kingaünbah, tüsho arünü Atungpuh ki thiyuchihchimbah tüsho jurü rhimobah.

ISAIA 19:23

Ju nimung Ijip chingnü Asiria khiungde limto khülang labah, tüsho Asiriarünü Ijip ching arübah, tüsho Ijiprünü Asiria ching yübah, tüsho Ijiprünü Asiriarü lungnü kingaünbah.

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

ISAIA 27:13

Tüsho ju nimung Asiria tüsho Ijip ching larü Israelrü ramtsorü alala jilopü hulipungpung mütbah. Arünü arübah tüsho Jirusalem ching amüsüh wung kheak Atungpuh kingaünbah.

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

EZEKIEL 20:40

Tümüde I yo amüsüh müzüng, Israel müzüng kheak, Wuto Atungpuhnü thachoh, ju lomi ching Israel yamkhün lüpdükhinü I tankihbah, tüsho ju ching inü arübo leangkhibah. Ju ching inü nüsa kingaünbo tüsho amokhitkhi nüsa thsambahbo, nüsa yo amüsüh shuhmülanga jihkhi bede yihnüpü labah.

EZEKIEL 45:17

Tüshe taka kingaün, hi kingaün, tüsho ayungbe kingaün, thüniobo, khinu aso, amunibo, Israel yamkhün yo akhukhitkhi thünio alala ching thsungkheaknü kiulongthsüpuh rhimo ha labah: apinü neak kingaün, hi kingaün, taka kingaün tüsho mungtsü kingaünbo Israel dünthsükhipü jihbah.

EZEKIEL 46:1

Atungpuh Thrünpuhnü ha thachoh: Alungbe khikzhakpung ripit aniakhiuklim abinkhi ju rhimopü lakhi nimung thuruk ni rihdoa labah; tüshe amunimung tüsho khinu aso nimung ha khimshuhbah.

EZEKIEL 46:6

Khinu aso nimung apinü lapha mükihkhi moshipung 1 jihbah, tüsho lapha mükihkhi namfimihnunu 6 tüsho namfimihnupung 1;

ZEKARIA 14:14

Judanü she Jirusalem bede keochihbah. Tüsho mühirü trükshih alala lakhit hanmukhungbah–suna, shotoyinchi, tüsho khimmihbo suhdahde alabah.

ZEKARIA 14:16

Judüki rhangdung larü trükshih alala Jirusalem azhihde arürünü kam aban Wuto Atungpuh , kiulongthsüpuh kingaünpü, tüsho arüngkhimyam thünio mungpü wutubah.

ZEKARIA 14:18

Tüsho Ijiprünü wutubah shihcham mulusho arü kilim tsüng marüshih; arüngkhimyam thünio mungpü muwutukhi trükshihbo kheak Atungpuhnü thsümüchikhi arüm-tukthsü arü kheak labah.

ZEKARIA 14:19

Harü ha Ijip thsümüchi tüsho arüngkhimyam thünio mungpü muwuturü trükshih alala thsümüchi labah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

JOHAN 4:23

Tüshe thiyuro kingaünrünü me tüsho thiyuro chingnü Abuh kingaünpü kim arüchoh; tüsho ha kheak lah; tümüde Abuhnü api kingaünshihpü hadürü yimchoh.

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”