ISAIA 66:19 - AMÜSÜH HÜM CL Bible (BSI)

¹⁹ tüsho inü arü bolung amütsan khülang zobah. Arü bolungnü inü trükshihbo ching arhang larü yüshihbah, Tarshish lim, Put, tüsho Lud–sanglüh kiprü– Tubal tüsho Javan lim, I mungthu tüsho I müretah müngükhi limshu keyean lomibo ching; tüsho arünü trükshih bolung I müretahkhi khipkhitbah.

ISAIA 66:19 Iomraidhean Croise

THRÜNTAN 10:13

Mizraim tsühsoniusobo ju Ludirü, Anamrü, Lehabrü, Naphturü,

THRÜNTAN 10:2

Japheth tsührübo: Gomer, Magog, Madai, Javan, Tubal, Meshek, tüsho Tiras.

THRÜNTAN 10:22

Shem tsührübo: Elam, Asshur, Arphaxad, Lud tüsho Aram.

THRÜNTAN 10:4

Javan tsührübo: Elisha, Tarshish, Kittim, tüsho Dodanim.

THRÜNTAN 9:27

Thrünpuhnü Japheth lomi mükahde kamshang; Japheth a Shem khimyambo ching lashang, tüsho Kanan ju api yo azhorü thsüshang.”

1 KIUTHSÜYUKHEAN 1:11

Mizraim kheaknü Ludim, Anamim, Lehabim, Naphtuhim,

1 KIUTHSÜYUKHEAN 1:7

Javan tsührübo: Elisha, Tarshish, Kittim tüsho Rodanim.

1 KIUTHSÜYUKHEAN 16:24

Api müretahkhi trükshih bolung, api amüyinsahbe atsü rhimobo mihtsürü bolung khipkhitang.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 18:3

Nüsa alomiküp ching larü alala, nüsa sherü alomi kheak lacho, küyimki amütsan riphin khülang awungbo kheak shuhkihbanü, kheahang! Küyimki hulipungpung mütbanü, aniang!

ISAIA 18:7

Ju kim ching Wuto Atungpuh kilim, mihtsürü ashang tüsho küpshahshah, trede alakhi mihtsürü aphüni tüsho limshu, wulakhi tüsho akuk ngükhi trükshih, ayungbonü chamnakbah alakhi lomi ching larünü Wuto Atungpuh mung lapung Zion Müzüng ching thsambahbo handarübah.

ISAIA 2:16

Tarshish sangkung alala azhihde, tüsho akhamkhi khahrhimo alala azhihde.

ISAIA 29:24

Tüsho sherünü me ching lakmih-a lanü anikhitkhi ching arübah, tüsho sherünü arhunganimchonü thsangdankhi leangkhibah.

ISAIA 42:12

Arünü Atungpuh kilim müretahkhi jihshang, tüsho keyean lomibo ching api mungshi thashang.

ISAIA 42:4

Apinü alomi ching thiyuro mülashihyi khiungde, api sühkeakeade mükam yungsho müzünak; tüsho keyean lomibonü api thsangyukhi thsungkheak aleanglah.

ISAIA 43:6

Inü dukulim thabah, “Tsoshang,” tüsho düjinglim, “Dütholo; I tsührübo limshu chingnü tüsho I tsührübebo alomi akheam chingnü bedarang–

ISAIA 49:1

I ki aniang, O keyean lobo, tsüde aniang, nüsa limshu mihtsürübo! müzübechokinü Atungpuhnü I jikheah, I be nuyam ching lachoki apinü I mung jijihkheah.

ISAIA 49:12

Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

ISAIA 49:22

Atungpuh Thrünpuhnü ha thachoh: “ Inü nahde trükshihbo ki I khah shuhkihbah, tüsho mihtsürü ki I yo riphin thokihbah; tüsho arünü nü tsührübo arü khüh kheaknü handarübah, tüsho nü tsührübebo arü dubuh kheaknü ashuhbah.

ISAIA 51:5

I yo thiyuro-lungki phünide lah, I yo akhümkhit wukhiukdo tüsho I khahbonü mihtsürübo yakzan shuhbah; keyean lomibonü I aleangchoh tüsho I khah kheak arünü mulonglamchoh.

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 52:15

Junangde apinü trükshih ahihdo müyinnimshihbah; api dünkheaknü kiulongthsürübo arü mün yihdobah; tümütüsho arü ki müthakhi arünü angübah, tüsho arünü musokhi anikhitbah.

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

ISAIA 60:9

Tümüde keyean lomibonü I aleangbah, Tarshish sangkungbo akhuhlah, nü tsührübo limshu chingnü bedarüpü, arü lung shotoyinchi tüsho suna, Atungpuh nü Thrünpuh tüsho Israel Amüsüh Thrünpuh mung thsungkheak, tümütüsho apinü nü müretahshihdo.

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.

ISAIA 65:1

I mükeokhirünü I yimde alakheah, I müyimrünü I ngükhit. I mung müjirü trükshih kilim inü tha, “ I ha ching lah, I ha ching lah.”

JEREMIA 46:9

Mikhuh yüang, O khorabo, tüsho yingyingde alihang, O khora-lolungbebo! Thirithsürübo mikhuh yüshang: Tsung shuhrü Ethiopia tüsho Put, sanglüh hünkihrü Ludim,

EZEKIEL 27:10

Persia, Lydia tüsho Libya amüzhak thirithsürübo nü bonungrü lakheah; arünü tsung tüsho yinchikuthran nü kheak wuh-a zo; arünü nü kilim mungthu jih.

EZEKIEL 27:13

Javan, Tubal, tüsho Mesheknü nü lung shothsümolodo; arünü nü thsungkheak yinzüyindopü azhorü tüsho müwayinchi phühlungbo müthriachih.

EZEKIEL 30:5

Ethiopia, Libya, Ludia, Arabia, Kub alala, tüsho müship lomi mihtsürü alala Ijiprü lung nukshangnü akeambah.

EZEKIEL 32:26

Meshek tüsho Tubal ju ching lah, tüsho arü boto alala, arü kiuyukbo alala mükamde lah, arü alala tsütamübah, nukshangnü alaksahkhi lah; tümüde arünü rhangdung lapung lomi ching atrebe bushih.

EZEKIEL 39:1

Tüsho mihtsürü tsührü, Gog azhihde müchitang, tüsho thaang: Atungpuh Thrünpuhnü ha thachoh: Inü nü azhihlah, O Gog, Meshek tüsho Tubal akubeato yakzanshuhrü!

EZEKIEL 39:6

Inü Magog tüsho keyean khümkhita larübo kheak mo yüshihbah; tüsho I Atungpuh de arünü mükheahbah.

DANIEL 11:18

Jushu apinü keyean lomibo kilim rholobah, tüsho ahihdo yanbah. Tüshe limthobuh khülangnü api bukmükekhi akheam thsüshihbah; atsütsü api bukmükekhi api kheak yülobah.

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

ZEPHANIA 3:10

Ethiopia ayungbo hode alakhi chingnü, I kingaünrübo inü hiumüzütshihrünü I kilim kingaün hande arübah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

MARK 16:15

Tüsho apinü arü ki tha, “Alomiküp alala ching yüang tüsho mihtsürübo alala ki thiyusheak-atsü thsangyuthsangraang.

LUKNÜ ATHRÜTKHI THIYUSHEAK-ATSÜ HUHTANYU 2:34

Simeonnü arü müngühjih tüsho abe Mari ki tha, “Khungarü ha Israel ching ahihkhüh thsümünimpü tüsho khümkhitpü Thrünpuhnü amokhitkhi lah, tüsho azhihde athapü amütsan khülang labah,

ROMRÜ KILIM PAULNÜ ATHRÜTKHI KIHÜM HUHTANYU 15:21

Ha thrüta lah, “Api dünkheak sherü ki müthakheanü arünü angübah, tüsho küyimkishe api dünkheak musorünü anikhitbah.”

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,