ISAIA 66:18 - AMÜSÜH HÜM CL Bible (BSI)

¹⁸ Tümüde inü arü rhimobo tüsho arü lümkhi mükheahlah, tüsho trükshih le thiyutha alala bemukhungpü I arüchoh; tüsho arünü arübah I müretahkhi ngübah,

ISAIA 66:18 Iomraidhean Croise

JOB HU H T ANYU 42:2

Nünü alala thsükhuklah de inü mükheahlah, nü lümkhi tümünü she müzhipdokhuk.

MUNGSHIKHÜN 139:2

Nünü I binkhi tüsho asürükhi mükheahlah; nünü I lümkhi limshu chingnü mükheahlah.

MUNGSHIKHÜN 67:2

Junangde alomiküp lüpdükhinü nü lümkhi mükheahbah; trükshih alalanü nü akhümkhit mükheahbah.

MUNGSHIKHÜN 72:11

Kiulongthsürü alalanü api miki mükhümbah; trükshih alalanü api tankihbah.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MUNGSHIKHÜN 82:8

Asürang, O Thrünpuh, alomi mahkhapang; tümüde nünü trükshihbo alala yamrüplurüp lubah.

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

MUNGSHIKHÜN 94:11

Mihtsürü lümkhi ju akeangkeang de Atungpuhnü mükheahlah.

MUNGSHIKHÜN 97:6

Yinmibonü api thiyuro-lungki khipkhitchoh, tüsho mihtsürü alalanü api müretahkhi ngüchoh.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

ISAIA 37:28

“ Inü nü asürükhi tüsho nü binkhi, nü wukhiukkhi tüsho yüzahkhi, tüsho I azhihde bukakhiukkhi mükheahlah.

ISAIA 40:5

Judüki Atungpuh müretahkhi akhiukbah, tüsho mihtsürü alalanü rukhühnü angübah, tümüde Atungpuh münnü asukdo.”

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 55:8

Tümüde I lümkhibo ju nü lümkhibo yung, yungsho nü limrobo ju I limrobo yung, Atungpuhnü thachoh.

ISAIA 56:8

Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.

ISAIA 57:12

Inü nü thiyuro-lungki tüsho nü rhimobo lahkhita huhbah, tüshe arünü nü murung.

ISAIA 59:7

Arü jing amütsü lim alihchoh, tüsho arünü amülim mülarü thiyih bukshihpü nanachihchoh; arü lümkhibo ju amülim lümkhibo lah, azhikkhi tüsho athsümünim arü limrobo ching lah.

ISAIA 65:2

Inü nimung amuyung mihtsürü azhihrü kilim I khah chungkih, shepü limro amütsü ching nihbuh lümkhi yande tsahcho;

ISAIA 66:10

Jirusalem lung asühachihang, tüsho anihbe thsungkheak asühang, nüsa anihbe muzhorü alala; nüsa anihbe kurungkheak tüzhorü alala asühkhi ching anihbe lung asühachihang.

JEREMIA 16:17

Tümüde I mükjibo arü limro alala kheak lah; arübo I mikinü müjik yungsho arü mülimkhi I mük kinü ramkhia müla.

JEREMIA 3:17

Ju kim ching Jirusalem ju Atungpuh kiulongthsü-binkiu de ajibah, tüsho trükshih alala Jirusalem ching Atungpuh miki mukhungbah, tüsho kheaküa arünü mulong müküpde nihbuh amütsü lümkhi ching müyan.

EZEKIEL 38:10

Atungpuh Thrünpuhnü ha thachoh: Ju nimung lümkhibo nü lüm ching arübah, tüsho nünü amütsü asah khülang thsübah.

EZEKIEL 39:21

Inü trükshih bolung I müretah huhbah; tüsho inü mahkhapkhi tüsho arü kheak I khah yihkihkhi trükshihbonü angübah.

JOEL 3:2

inü trükshih alala bemukhungbah tüsho arübo Jehoshaphat Jindükhün ching bede akibah, tüsho I mihtsürü Israel tüsho I yamrüplurüp dünkheaknü inü ju ching arü mahkhapbah, tümütüsho arünü arübo trükshih bolung hiumüzütshih. Arünü I lomi chamnakdo,

AMOS 5:12

Tümüde nüsanü alakmihkhi küdükhühanü, tüsho nüsa neakbo küdükhüh atoanü inü mükheahlah–nüsa shepünü thiyuro-lungkirü thsünüshihcho, shenü buknim lucho, tüsho chipimurung ching müthsümülarü nimhuh-a bahcho.

ZEKARIA 14:16

Judüki rhangdung larü trükshih alala Jirusalem azhihde arürünü kam aban Wuto Atungpuh , kiulongthsüpuh kingaünpü, tüsho arüngkhimyam thünio mungpü wutubah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 12:25

Jisunü arü lümkhi mükheah tüsho arü ki tha, “Nihbuh azhihde achamnakkhi kiulongthsü aban thsümünimbah, tüsho nihbuh azhihde achamnakkhi kiuto yungsho yamkhün aban müzhipkhuk.

MATHI 9:4

Tüshe Jisunü arü lümkhi mükheahbah tha, “Tümü thsükhi nüsa mulongbo ching amütsü lümcho?

LUKNÜ ATHRÜTKHI THIYUSHEAK-ATSÜ HUHTANYU 5:22

Küyimki arünü akeokhikhi Jisunü anikhitkheanü apinü arü ki tha, “Tümüde nüsanü nüsa mulong ching keokhicho?

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

JOHAN 5:42

Tüshe nüsa kheak Thrünpuh amuzho müla de inü mükheahlah.

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

1 KORINT 3:20

tüsho kheaküshe, “Lümlung larü lümkhibo akeangkeang de Atungpuhnü mükheahlah.”

YUZÜNGTHALO 31:21

Tüsho küyimki amütsübo tüsho thsümütsübo arü kheak arübanü, ha khünnü arü azhihde thiyumütsan thsübah; tümütüsho arü tsühsoniusobonü mümihabah, tümüde inü arü kilim jihpü thiyuchihchimkhi lo lim bede müyüyide arü lümkhi inü mükheahlah.”

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.

AMIKHEAKAKHIUKKHI 2:2

“‘Inü nü rhimobo, nü khuksahkhi, nü arümkheamkhi, tüsho nünü amütsü mihtsürü ki marümkhukkhi tüsho arü küdahnü amüsüh-thsangyurü de ajirü rükakheahkhi mükheahlah, tüshe arübo a yung, tüsho arü arükchih ngükhitdo.

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.