ISAIA 66:16 - AMÜSÜH HÜM CL Bible (BSI)

¹⁶ Tümüde Atungpuhnü mo tüsho api nukshang hode mihtsürü alala kheak mahkhapbah; tüsho Atungpuhnü alaksahkhi ahihdo labah.

ISAIA 66:16 Iomraidhean Croise

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 27:1

Ju nimung Atungpuhnü abukakhiukde, ato tüsho amürang nukshangnü aphinkhi ke-rimri ahingkhulukkhi phuruto thsümüchibah tüsho apinü keto ching lakhi ke-phuru laksahbah.

ISAIA 3:13

Atungpuhnü api dünkheak atsangpü asürüchoh; apinü mihtsürü mahkhappü zhipchoh.

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

ISAIA 31:8

Judüki Asiria ju nukshangnü alungbah, mihtsürü nuknü yung; tüsho mihtsürü nukshangnü yungde api muyubah; api nukshang kheaknü atsobah, tüsho api mihtsürü athunubo azhorü kambah.

ISAIA 34:2

Tümüde trükshih alala azhihde Atungpuh bukakhiukchoh, tüsho arü bonungrü alala azhihde mulong zhipzhipchoh; apinü arü shahde dükheakshihdo, apinü arü alaksahpü shuh-a jihdo.

ISAIA 65:12

inü nukshang kilim nüsa sangkhik thsüjihbah, tüsho nüsa alalanü alaksahpü ki mükhümbah; tümütüsho, küyimki inü ajikhea, nüsanü malo, küyimki inü asukkhea, nüsanü mani, tüshe I miki amütsü tümüanü nüsanü rhimodo, tüsho inü tümü masühnü mokhitdo.

JEREMIA 25:31

Achangnü azhikhi düsheak alomi akheam ching alankihbah, tümüde Atungpuhnü trükshihbo azhihde amüneahkhibo handarübah; apinü mihtsürü alala kheak mahkhap handarübah tüsho mihbukmuyuk ju nukshang kheak yihkihbah, Atungpuhnü thachoh.

JEREMIA 25:33

Ju nimung ching Atungpuhnü alaksahkhi ju alomi akheam kheaknü akheam khülim khiungde alabah. Arübo mütüzho, yungsho mushuhmukhung, yungsho kiuyuka mübah; arübo ju alo kheak sünitmujung kambah.

JEREMIA 45:5

Tüsho nü thsungkheak nünü kukruk atobo yimcho de? Jurübo düyim; tümüde mihtsürü alala kheak inü thsümütsü handarübah, Atungpuhnü thachoh; tüshe nü kürü ching yübanü inü nü rhangdung tsokhitshihbah.”

JEREMIA 46:15

Tümüde nüsa thrünpuh Apis tsokhea? Atungpuhnü api nima lungshih.

EZEKIEL 28:18

Nü amülim hihmonü, nü shothsümolo thiyuro mülakhi ching, nünü nü arüngakopungbo münean. Jumonü inü mo nü kheaknü yihkhit; junü nü aniuabah, tüsho nü ngürü alala miki inü nü alo kheak awahbo kamshih.

EZEKIEL 38:17

Atungpuh Thrünpuhnü ha thachoh: Adüso nimungbo ching I yamlarü Israel wukihrübonü arübe nimungbo ching arü azhihde inü bedarüpü kambo müchitkhi ju nü a de?

EZEKIEL 5:15

Küyimki I bukakhiukde tüsho mulong zhipzhipde nü thsümüchibanü, nü mühi lakhi trükshih alalanü atrebah. Arünü nü kheak thraneande luhmünebah.

JOEL 3:2

inü trükshih alala bemukhungbah tüsho arübo Jehoshaphat Jindükhün ching bede akibah, tüsho I mihtsürü Israel tüsho I yamrüplurüp dünkheaknü inü ju ching arü mahkhapbah, tümütüsho arünü arübo trükshih bolung hiumüzütshih. Arünü I lomi chamnakdo,

AMOS 7:4

Atungpuh Thrünpuhnü I ki ha huh: Atungpuh Thrünpuhnü mo mahkhappü arüpü jide alakheah, tüsho hanü asük ato aniuabah tüsho alo aniuabah.

NAHUM 3:15

Ju ching monü aniubah, nukshangnü nü lipkhibah. Hanü nü tangkhonü nangde tsühabahbah. Tangkhobo nangde nü hihde kamdo!

NAHUM 3:3

Khoraberünü müneahchoh, nukshang phürapchoh tüsho thsüh rakrakchoh, ashekhi keamkihchoh, ashemibo mujunglah, ashemi pangbo mükhebin– arübo ju mibo kheaknü mürhelochoh!

ZEKARIA 14:5

Tüsho nüsanü Atungpuh müzüng jindükhün hode atsobah, tümüde müzüngbo dükeak jindükhün ju Azal khiungbah; tüsho nüsanü Juda kiulongthsüpuh nimungbo ching muliuyuk chingnü atsokhi nangde atsobah. Judüki Atungpuh I Thrünpuh lung amüsührü alala bebah arübah.