ISAIA 66:15 - AMÜSÜH HÜM CL Bible (BSI)

¹⁵ Tümüde Atungpuh mo ching, tüsho api khora-lolungbebo chitmühean nangde, api bukakhiukkhi jihlopü bukmüshakkhi ching, tüsho apinü thürühkhi motru ching arübah.

ISAIA 66:15 Iomraidhean Croise

MUNGSHIKHÜN 11:6

Apinü mihbukmuyuk kheak mokhih tüsho motaklung akishihchoh; apinü apung ataknü arü thsümüchichoh.

MUNGSHIKHÜN 18:9

Apinü thüning yakrüpbah aki; amo amitingbo ajing khüp lakheah.

MUNGSHIKHÜN 21:9

Api akhiukchoki motrunü nangde arü dükheakshihbah. Atungpuhnü abukakhiukkhi ching arü muyubah, tüsho monü arü aniuabahbah.

MUNGSHIKHÜN 50:3

Isa Thrünpuh arüchoh, apinü zhikde müla, api müngüh amuliube mo lah, api mükamde chinthrüm ato lah.

MUNGSHIKHÜN 68:17

Api lung khora-lolungbe chithürü ahihdo bebah Sinai chingnü amüsüh dangpung lim Atungpuh arüchoh.

MUNGSHIKHÜN 97:3

Api müngüh mo yüchoh, tüsho api riribo mükamphülapde aniuchoh.

ISAIA 10:17

Israel ayin ju mo khülang kambah, tüsho api Amüsüh Khülang motru kambah; ju atakbah tüsho api yangbo le khingphubo nimung khülangnü aniuabahbah.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

ISAIA 31:9

Atrekhinü apinü nihbuh chipi bahbah atsobah, tüsho api torübonü riphin ngübah ajande atsobah, Atungpuhnü thachoh, shepü mo Zion ching la, tüsho shepü motru Jirusalem ching la.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

ISAIA 5:28

arü hühzobo züpzüplah, arü sanglühbo alala hündübümlah, arü khora biuobo molaklung nangde lah, tüsho arü lolungbe-jingbo chitmühean nangde lah.

ISAIA 51:20

Nü tsührübo lungdo, arübo kiudunglimro ku koyubah yaplah, azheang ching shihmüchi nangde arübo Atungpuh bukakhiukkhinü, Thrünpuhnü athürühkhinü mide lah.

JEREMIA 25:37

tüsho mungtsü lomibo thsümünimdo, tümütüsho Atungpuh buk müshakde akhiukkhinü ah.

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

JEREMIA 4:3

Tümüde Atungpuhnü Juda mihtsürü tüsho Jirusalem ching larü ki ha thachoh: Müphünkhi nüsa lo kiuang, tüsho ayangrung ching dühiu.

JEREMIA 46:15

Tümüde nüsa thrünpuh Apis tsokhea? Atungpuhnü api nima lungshih.

EZEKIEL 38:17

Atungpuh Thrünpuhnü ha thachoh: Adüso nimungbo ching I yamlarü Israel wukihrübonü arübe nimungbo ching arü azhihde inü bedarüpü kambo müchitkhi ju nü a de?

EZEKIEL 5:15

Küyimki I bukakhiukde tüsho mulong zhipzhipde nü thsümüchibanü, nü mühi lakhi trükshih alalanü atrebah. Arünü nü kheak thraneande luhmünebah.

DANIEL 11:40

“ Kim akheam ching Ijip kiulongthsüpuhnü api yanbah, tüsho Siria kiulongthsüpuhnü api wu alala, khora-lolungbe, khorabo, tüsho sangkungbo ahihdonü keochihlobah. Apinü düchinü azünkhi nangde lomi ahihkhüh ching yüzahbah.

DANIEL 7:10

Mo ayung khülang bukde la tüsho api kinü bukkhit. Chithürü kheak chithürübonü api tankih, tüsho chithürü thürü kinü chithürü thürü api ki zhip. Mahkhappü kim tankih, tüsho hümbo khimshuh-a lakheah.

HOSEA 8:7

Tümüde arünü apung yangchoh, tüsho arünü chitmühean yimlubah. Hidung ju munoyuk, hanü jim makhiuk; khükikhüh akhiuka lasho, khiungkerünü tsühabahbah.

AMOS 7:4

Atungpuh Thrünpuhnü I ki ha huh: Atungpuh Thrünpuhnü mo mahkhappü arüpü jide alakheah, tüsho hanü asük ato aniuabah tüsho alo aniuabah.

NAHUM 1:6

Api bukakhiukkhi müngüh shenü azhipkhukpü? Api bukakhiukkhi atak shenü arümkhukpü? Api mulong zhipzhip ju mo nangde dungkhitchoh, tüsho api hode lungtobo adütre kamde yihnakchoh.

HABAKKUK 3:8

Nü bukakhiukkhi ju ayungbo azhihde alakhea de, O Atungpuh ? Nü mulong zhipzhipkhi ayungbo azhihde alakhea de? Nünü khora tüsho lolungbebo bechoki nünü keto azhihde bukakhiukkhea de?

ZEKARIA 6:1

Tüsho kheaküshe inü abinkih-a kheah tüsho müwayinchi-müzüng mahne chingnü khora-lolungbe jing akhiukde ngü.

MATHI 22:7

Ju sobah kiulongthsüpuhnü bukakhiuk; apinü anihbuh bonungrübo yüshihbah mihkhukrübo dükheakshih tüsho arü kiuto takabahshih.

YUZÜNGTHALO 28:20

“Nüsanü amütsü rhimode I bahyukkhi dünkheaknü, nüsa müshe khiungde tüsho nahde müdükheak khiungde Atungpuhnü nüsa kheak muthrumünean, ayingyingpü arüshihbah, tüsho nüsanü arhimokhi alala ching thsümütsü lashihbah.

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.