ISAIA 66:1 - AMÜSÜH HÜM CL Bible (BSI)

¹ Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

ISAIA 66:1 Iomraidhean Croise

1 KIULONG THSÜRÜ 8:27

“Tüshe Thrünpuhnü alomi kheak lakhukba de? Yinmi tüsho achangbe yinminü she nü mazüh, inü athsükhi ha yam khide mudukke!

1 KIUTHSÜYUKHEAN 28:2

Judüki kiulongthsüpuh Davidnü wusubah arü miki zhip tüsho tha: “I ki aniang, I keoniorübo tüsho I mihtsürübo. Atungpuh tangzüng sangdan zopü, isa Thrünpuh jing dubopung thsungkheak inü thüyam khülang thsüpü lümkhi thsüdo; tüsho athsüpü thsungkheak inü tsanglungdo.

2 KIUTHSÜYUKHEAN 2:5

Inü athsüpü lakhi thüyam ju ato labah, tümüde isa Thrünpuh a püpürü thrünpuhbo kheaknü atobe ah.

2 KIUTHSÜYUKHEAN 6:18

“Tüshe atsütsü Thrünpuhnü mihtsürübo lung alomi kheak lapü? Yinmibo, achangbe yinmibonü she nü mazüh, inü athsükhi thüyam ha küdükhüh she ninila!

MUNGSHIKHÜN 11:4

Atungpuh ju api amüsüh arüngyam ching lah, Atungpuh kiulongthsü-binkiu yinmi ching lah; apinü lüpdükhi ching mihtsürübo kheahchoh; tüsho arü tümü rhimochonü mükheahlah.

MUNGSHIKHÜN 132:7

Isanü api arüngkhimyam ching yüzahanü; isanü api jing dubopung ki kingaünanü.

MUNGSHIKHÜN 99:9

Atungpuh isa Thrünpuh shuhkihang, tüsho api amüsüh wung kheak kingaünang; tümüde Atungpuh isa Thrünpuh ju amüsüh ah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 60:13

Lebanon müretahkhi nü kilim arübah, saipress, juniper, tüsho tsünsang, I arüngyam jak tsüshihpü; tüsho I jing dubopung inü müretahbah.

JEREMIA 23:24

Inü arü müngükhukpü thsüde sherünü ajik dangpungbo ching jikpü kukla? Atungpuhnü thachoh. Inü yinmi tüsho alomi mümi de? Atungpuhnü thachoh.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 12:6

Arüngyam kheaknü atobe khülang ha ching lah de inü nüsa ki thachoh.

MATHI 24:2

Tüsho Jisunü arü ki tha, “Nüsanü harü alala müngü de? Atsütsü inü nüsa ki thachoh: ha dangpung ching lung khülang she maningde keamabahbah.”

YUNIRÜBO RHIMO 17:24

Alomiküp tüsho ju ching lüpdükhi Thrünpuh ju alomi tüsho yinmi Atungpuh ah tüsho khahnü athsükhi arüngyam ching mülachoh.