ISAIA 65:7 - AMÜSÜH HÜM CL Bible (BSI)

⁷ arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

ISAIA 65:7 Iomraidhean Croise

1 KIULONG THSÜRÜ 22:43

Apinü abuh Asa limro alala ching tsah; Atungpuh miki alungki rhimode, apinü ju chingnü manguh; judüalalashe achang dangpungbo lude mutso, tüsho mihtsürübonü kheaküshe laksah-a kingaün tüsho achang dangpungbo kheak rhümthüneabe jih.

1 KIULONG THSÜRÜ 22:44

Jehoshaphatnü Israel kiulongthsüpuh kheak she mungtsü thsü.

2 KIULONG THSÜRÜ 12:3

Judüalalashe, achang dangpungbo müthsümünimde alakheah; mihtsürübonü mutuklode laksah-a kingaün tüsho achang dangpung kheak kingaün jih.

2 KIULONG THSÜRÜ 14:4

Tüshe achang dangpung luka mübah; mihtsürübonü judü lang laksah-a kingaün tüsho achang dangpungbo kheak rhümthüneabe tak.

2 KIULONG THSÜRÜ 15:35

Judüalalashe achang dangpungbo mulukde alakheah; mihtsürübonü judü lang achang dangpungbo kheak laksah-a kingaün tüsho rhümthüneabe tak. Apinü Atungpuh yam ripit akube thsü.

2 KIULONG THSÜRÜ 16:4

Apinü achang dangpungbo, awungbo kheak, tüsho sangdung aphüyak aban khüp laksah-a kingaün tüsho rhümthüneabe tak.

2 KIUTHSÜYUKHEAN 21:11

Kheaküshe apinü Juda awung lomi ching achang dangpungbo thsü, tüsho Jirusalem ching larü müthülünde kamshih, tüsho Juda ju bahkhide tsoshih.

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 13:11

Amütsü-rhimo dünkheak inü alomiküp thsümüchibah, tüsho amülim dünkheak mihbukmuyuk thsümüchibah; inü kükheangküyangrü bukakhiukkhi akheam thsüshihbah, tüsho mihmukhiuh kükheangkhi keamkhishihbah.

ISAIA 22:14

Wuto Atungpuhnü I nükhün ching huhdo: Tsükjide nüsa müsheyi khiungde ha amülim neak mübahjih, Wuto Atungpuh Thrünpuhnü thachoh.

ISAIA 26:21

Kheahang, alomi ching larübo arü amülim dün thsümüchipü Atungpuh api lapung chingnü akhiukchoh; alominü nihbe kheak thiyih bukkhi yihkhita huhbah, tüsho kheaküa alaksahkhi mülüpdo.

ISAIA 28:21

Tümüde Atungpuhnü Perazim wung kheak nangde asürübah, apinü Gibeon jindükhün ching nangde bukakhiukbah–junangde müdünjia kheahkhi amüyinsahbe api rhimo rhimobah.

ISAIA 29:14

jumonü ha mihtsürü kheak niuknimde amüyinsahbe rhimobah. Arü lümlung larü lümkhi dükheakbah, tüsho lümlung anikhitpü lakhi ramabahbah.

ISAIA 3:11

Amülimrü ayokhe! Küdükhüh she arü kuhi amütsü la, tümüde arü khahnü tümü rhimodünü arü kheak rhimobah.

ISAIA 30:13

jumonü ha amülim nüsa thsungkheak rhü achang kheak atrükhi nangde mükitkhita, tüsho zukleangnü akeampü thsüde arübah;

ISAIA 30:14

ha trükhi ju phühdamrü phüh nangde mütsüdakde kingrüpbah, junangde atrüthünakkhi bolung amünkheam ju mokin chingnü mo rhukhitpü yungsho kekhip chingnü ke khipkhitpü thsüde müngü.

ISAIA 57:12

Inü nü thiyuro-lungki tüsho nü rhimobo lahkhita huhbah, tüshe arünü nü murung.

ISAIA 57:7

Khide achang awungbo kheak nünü nü yapkiu kheanga zolah, tüsho ju ching nünü laksah-a kingaünpü wutudo.

ISAIA 59:18

Arü rhimobo yande apinü ju ruk jihlobah; api azhihrübo kilim bukakhiukbah, api riribo kilim athrihlobah; keyean lomibo ching apinü athrihlobah.

ISAIA 65:6

Kheahang, I miki ha thrüta lah: Inü zhikde müla, tüshe inü athrihlobah; atsütsü inü nü ki samde athrihlobah,

ISAIA 66:4

inü she arü keangrüpü mokhitbah, tüsho arünü atrekhi arü kheak handarübah; tümütüsho inü ajichoki, shenü malo, inü asukchoki arünü mani; tüshe I mük ki arünü amütsü rhimodo, tüsho inü masühkhi mokhit.

JEREMIA 13:25

Ha nü shihcham, inü nü kilim akhukhitkhi shihcham, Atungpuhnü thachoh, “Tümütüsho nünü I mihabah tüsho akeangkeang ching kin.

JEREMIA 13:27

Inü nü athraneanbebo, nü müzammüram, shihkünde alankhi awungbo tüsho mükeakbo ching machihde shihyinkhi ngüdo. Nü are, O Jirusalem! Külokhüh nü mümüsühde alaba?”

JEREMIA 16:18

Tüsho inü arü mülimkhi tüsho arü neak alü thsüde ajihlobah, tümütüsho arünü athraneanbe sangthsükhi ashemibonü I lomi müneanjihdo, tüsho athraneanbebonü I yamrüplurüp mishihdo.

JEREMIA 5:29

Hadürü thsungkheak inü arü müthsümüchibea de? Atungpuhnü thachoh, tüsho hadürü trükshih kheak inü romüyimbea de?

JEREMIA 5:9

Hadürü dünkheak inü arü müthsümüchiba de? Atungpuhnü thachoh; tüsho hadürü hode inü trükshih kheak romüyimba de?

EZEKIEL 18:6

apinü müzüng arüngakopungbo ching müyimtsüh yungsho Israel yamkhün sangthsübo mükheahsho, apinü anihbuh yamhingrü niuberü mümünean yungsho aliberü khinu shihcham yüchoki anihbe kheak munungsho,

DANIEL 9:8

O Atungpuh , isa le isa kiulongthsürübo, isa yakzanshuhrübo tüsho isa bebuhrünü isanü nü azhihde neak yihbeakkhi hode isa miro müdünkhit.

HOSEA 11:2

Inü küdükhüh api jikheanü judükhüh api I kheaknü tso; arünü Baalbo kilim laksah-a kingaün, tüsho rhümthüneabe sangthsübo kilim jih.

HOSEA 2:13

Inü Baal thünio nimungbo thsungkheak alibe thsümüchibah, küdüki alibenü arü kheak rhümthüneabe jihkhea tüsho yingkhüm le mürelungnü anihbe züt thsükhea, tüsho anihbe muzhorü dunglim yü, tüsho I mihkhea, Atungpuhnü thachoh.

LEVI 26:39

Nüsa sherübo aninga lanü nihbuh neak tüsho jipürü neak dünkheaknü nüsa riri lo ching dükheakbah.

WÜHKHE 32:14

Tüsho kheahang! Nüsanü nüsa buhrübo müthride, lün aso aneak mihtsürübonü Israelrü kheak Atungpuh buk alü akhiukshihpü lah.

LUKNÜ ATHRÜTKHI THIYUSHEAK-ATSÜ HUHTANYU 6:38

jihang, tüsho ju nü kilim jihbah; tsüde adünde, nimde, niukarihde, müleamkhiukde nü khah ching jihbah. Tümütüsho nünü adüna jihkhi chingnü nü adünloa angübah.”

1 TESALONIKA 2:16

ju khiungkerü ki thabah arü khümkhitbah mütsüle de arünü isa zhipdode arhimokheah. Junangde kamruhroro arü neak mujungde kamshih. Tüshe akheam ching Thrünpuh bukakhiukkhi arü kheak arü.