ISAIA 65:6 - AMÜSÜH HÜM CL Bible (BSI)

⁶ Kheahang, I miki ha thrüta lah: Inü zhikde müla, tüshe inü athrihlobah; atsütsü inü nü ki samde athrihlobah,

ISAIA 65:6 Iomraidhean Croise

MUNGSHIKHÜN 107:17

Arünü alakmihkhi hode makhaabah, tüsho arü amülimbo hode thsünüshih.

MUNGSHIKHÜN 109:14

Anihbuh jipürü mülimkhi Thrünpuh miki lümkhitshang, tüsho anihbuh abe neak nankhita dübahshih.

MUNGSHIKHÜN 50:21

Nünü harü rhimodo, tüsho inü zhikde la; I ju nü ruk ah de nünü lüm; tüshe inü nü thürühbah, tüsho jurübo nü miki akhin akhinnü azobah.

MUNGSHIKHÜN 50:3

Isa Thrünpuh arüchoh, apinü zhikde müla, api müngüh amuliube mo lah, api mükamde chinthrüm ato lah.

MUNGSHIKHÜN 56:8

Nünü I küpkhuk mükheahlah; I chikebo nü keluh ching yukchoh; jurübo nü hüm ching müla de?

MUNGSHIKHÜN 79:12

Atungpuh , arünü nü mükhemükimkhi dünkheak püpürü trükshihbo ki thüne ki athrihloang.

ABEKHIT 17:14

Atungpuhnü Mosa ki tha, “Ha mümihpü thsüde hüm ching thrütang tüsho Jihusuanü sode kheang, junangde Amalekrü lümkhitpü yinmi bukkhüpnü shahde nankhita bahbah.”

ISAIA 26:21

Kheahang, alomi ching larübo arü amülim dün thsümüchipü Atungpuh api lapung chingnü akhiukchoh; alominü nihbe kheak thiyih bukkhi yihkhita huhbah, tüsho kheaküa alaksahkhi mülüpdo.

ISAIA 3:11

Amülimrü ayokhe! Küdükhüh she arü kuhi amütsü la, tümüde arü khahnü tümü rhimodünü arü kheak rhimobah.

ISAIA 42:14

Kim ashangkhüh inü mungtsü zodo, inü zhikde lado tüsho tukloa lado; kheakü inü aliberü zübe-thsünükhi nangde inü azhikhitbah, inü sheak dükipbah tüsho sheak thsübah.

ISAIA 59:18

Arü rhimobo yande apinü ju ruk jihlobah; api azhihrübo kilim bukakhiukbah, api riribo kilim athrihlobah; keyean lomibo ching apinü athrihlobah.

ISAIA 64:12

Ha alala dunglim, nü tukloba de, O Atungpuh ? Nü zhikde alaba de, tüsho isa khitode thsümüchiba de?

ISAIA 66:6

Aniang, kiuto ching arhunganimkhi! Arüngyam ching düsheak! Atungpuh düsheak, api riri athrihlochoh!

JEREMIA 16:18

Tüsho inü arü mülimkhi tüsho arü neak alü thsüde ajihlobah, tümütüsho arünü athraneanbe sangthsükhi ashemibonü I lomi müneanjihdo, tüsho athraneanbebonü I yamrüplurüp mishihdo.

EZEKIEL 11:21

Tüshe sherü arü yo sheak mülakhi mejakbo tüsho athraneanbe sangthsübo ki mulong jihchonü, inü arünü arhimokhibo arü nihbuh ku kheak hankihjihbah, Wuto Atungpuhnü thachoh.

EZEKIEL 22:31

Jumonü inü arü kheak I mulong zhipzhip dungkihkheah; arü rhimo dünkheak I bukakhiukkhi monü inü arü thsümünimbah; Atungpuh Thrünpuhnü thachoh.

EZEKIEL 9:10

Jumonü inü arü kheak muzhode mükheah yungsho arü maningshih, tüshe arünü arhimokhi inü arü nihbuh kubo kheak handarübah.”

JOEL 3:4

O Tair tüsho Sidon, tüsho Filistia kewungbo alala, nüsa ju I ki tümü a? Tümükhüh thsungkheak nüsanü I kilim jihlocho de? Nüsanü I kilim jihlosho, inü nüsa ku kheak nüsa rhimobo nahde tüsho niokheamde ajihlobah.

MALAKI 3:16

Judüki Atungpuh wüntrerünü khülangnü khülang ki asukachih. Atungpuhnü ju ani tüsho so tüsho Atungpuh wüntrerü tüsho api mung ching lümrü lümkhitpü hüm api miki thrüta lakheah.

LUKNÜ ATHRÜTKHI THIYUSHEAK-ATSÜ HUHTANYU 6:38

jihang, tüsho ju nü kilim jihbah; tsüde adünde, nimde, niukarihde, müleamkhiukde nü khah ching jihbah. Tümütüsho nünü adüna jihkhi chingnü nü adünloa angübah.”

YUZÜNGTHALO 32:34

Arü riribonü arhimokhi Atungpuhnü lümkhitlah, apinü arü kam dükdü ching thsümüchipü aleanglah.

AMIKHEAKAKHIUKKHI 20:12

Tüsho inü asherü, ato tüsho anini, kiulongthsü-binkiu miki zhipde ngü, tüsho hümbo khimshuh-a lakheah. Hüm püpü, rhangdung hüm she khimshuh-a lakheah. Tüsho arünü arhimokhi yande hüm ching thrüta lakhinü asherübo mahkhap.