ISAIA 65:4 - AMÜSÜH HÜM CL Bible (BSI)

⁴ shepü kiuyukbo lung bincho, tüsho azhing ching kiuyukbo ching lacho; shepünü kheaknu shih tsühcho, tüsho arü phühbo ching athraneanbe kelam la;

ISAIA 65:4 Iomraidhean Croise

ABEKHIT 23:19

Nüsa lo chingnü akhuh asokhi sangaso Atungpuh nüsa Thrünpuh yam ching hande arang. Mihnu nunu abe niuhke ching dükhiung.

ABEKHIT 34:26

Nüsa lo chingnü akhiukkhi akhuh asokhi sangaso atsüdakbe Atungpuh nüsa Thrünpuh yam ching hande arang. Mihnu nunu abe niuhke ching dükhiung.”

ISAIA 66:17

Sherünü kheaknu shih, athraneanbebo tüsho phihnu tsühkhi bolung sangthsü dunglim ayündo ching yüpü nihbuh küdah thsüde tsangkhitchonü, arü rukhühnü adükheakbah, Atungpuhnü thachoh.

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

EZEKIEL 4:14

Judüki inü tha, “Jude yung, Wuto Atungpuh ! Inü küyimkishe I müneana mükheah. I athunu kinü kheakü khiungde inü küyimkishe ashekhi yungsho mütüm shiwühbonü athonakkhi mütsühakheah. Mümüsühkhi shih tümü she I mün ching yüzah-a mükheah.”

LEVI 11:7

Tüsho kheaknu, tümüde abiuo dübeaklah tüshe apinü mukhiuhkhitloa mümüjak, ju nüsa thsungkheaknü mümüsüh.

ZEKARIA 9:7

Inü amün chingnü thiyih tüsho ahübo dükeak chingnü athraneanbebo hande atsobah; ha kheaküshe isa Thrünpuh thsungkheak aningkhi larü thsübah; ha Juda ching guk khülang ruk labah, tüsho Ekron ju Jebusrü ruk labah.

WÜHKHE 19:11

Shepünü ashemi kheak qiubanü api nimung thüne mümüsühkhi labah.

MATHI 8:28

Küyimki api püpü thrip Gadara lomi lim arükhea, amünean me yüzahkhi mihtsürü mahne kiuyukbo chingnü api kilim arü. Ju limro shenü muhokhukpü thsüde ane ju khide amütsü lakheah.

LUKNÜ ATHRÜTKHI THIYUSHEAK-ATSÜ HUHTANYU 8:27

Tüsho api alo kheak dükükhichoki kiuto chingnü amünean mebo lakhi mihtsürü khülangnü ju ching api shoru; tümüde kim ashang apinü khimmih müyih tüsho thüyam yungde kiuyukbo lung lakheah.

YUZÜNGTHALO 14:21

Nüsanü tümükhüh akeangnü ashekhi dütsüh; nüsanü ju nüsa kiuto ching lakhi hanrü ki jihpü kuklah, junangde apinü ju tsühbah, yungsho nüsanü ju khiungkerü ki yinjang; tümüde nüsa ju Atungpuh nüsa Thrünpuh kilim amüsüh mihtsürü ah. Nüsanü mihnu nunu abe niuhke ching dükhiung.

YUZÜNGTHALO 14:3

“Nünü athraneanbe mungji tümü she dütsüh.

YUZÜNGTHALO 14:8

Tüsho kheaknu she nüsa thsungkheaknü mümüsüh, tümütüsho abiuo dübeaklah tüshe sangrung mümüjak; nünü jurü shiwüh dütsüh yungsho ashemi düqiu.

YUZÜNGTHALO 18:11

rükyu tharü, mesherü, me asukachihrü yungsho asherü jirü mülabeah.