ISAIA 65:24 - AMÜSÜH HÜM CL Bible (BSI)

²⁴ Arünü müjiyide inü alobah, arü asukachihde lachoki inü asobah.

ISAIA 65:24 Iomraidhean Croise

THRÜNTAN 24:15

Apinü müthakhamyide, Rebeka adubuh kheak kephüh shuhbah akhiuk. Alibe ju Abraham niurü Nahor le aniube Milka ane tsührü Bethuel tsührübe lakheah.

2 KIULONG THSÜRÜ 19:20

Judüki Amoz tsührü Isaianü Hezekia kilim yüshihde tha, “A TUN GPU H , Israel Thrünpuhnü ha thachoh: Asiria kiulongthsüpuh dünkheak nünü I ki tamkhüntamnükhi inü sodo.

MUNGSHIKHÜN 32:5

Judüki inü nü ki I neak kheang; inü amülim rhimokhibo müram. Inü jurü nü ki thakhitpü pungkhi, tüsho nünü I neak alala bahjih.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

ISAIA 30:19

Atsütsü, O Zion ching mihtsürübo, Jirusalem ching larübo, nüsa kheaküa mütrip. Nüsanü azhikhi düsheak ching apinü tsükjide nüsa ki müthsümbah; küyimki apinü asoba, apinü nüsa ki alobah.

ISAIA 41:17

Küyimki zhochihrü tüsho müthsümülarünü ke yimba, tüshe ju ching mülaba, tüsho kethürinü arü mulo kungba, I Atungpuhnü arü ki alobah, I Israel Thrünpuh nü arü mübahyuk.

ISAIA 55:6

Api ngüpü lachoki Atungpuh yimang, api thüninde lachoki api ki jiang;

ISAIA 58:9

Judüki nünü ajibah, tüsho Atungpuhnü alojihbah; nünü arung thsungkheak zhibah, tüsho apinü athabah, Ha kheak I lah. Nünü nüsa bolungnü sangkap, yingkhing athsokhi, amütsü yihkhita bahsho,

ISAIA 59:1

Kheahang, akhümkhitpü thsüde Atungpuh khah khide mükhih, yungsho asopü thsüde api nükhün müpeang.

DANIEL 10:12

Apinü I ki tha, “Dütre Daniel, tümüde nünü alü anikhitpü tüsho nü Thrünpuh miki azhihayihpü nü lümkhi jihkhi akhuhbe nimung chingnü, nü yubo sodo, tüsho nü yubo hode I arükheah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

MARK 11:24

Jumonü inü nüsa ki thachoh, tümüpürü nüsanü tamkhüntamnüde akheangbanü nüsanü jurü leangkhipü akin laang, tüsho nüsanü jurü ngübah.

YUNIRÜBO RHIMO 4:31

Küyimki arünü tamkhüntamnükhea, arü rukhüh mukhungkhi dangpung ju niuk; tüsho arü alala Amüsüh Menü mide kambah Thrünpuh yu thapü mulong tode tha.