ISAIA 65:23 - AMÜSÜH HÜM CL Bible (BSI)

²³ Arünü akeangkeang ching mürhimo, yungsho thsümütsü thsungkheak tsührü müzübe; tümüde arübo Atungpuhnü müngühjihkhi münü labah, tüsho arü tsühsoniusobo she ju ruk labah.

ISAIA 65:23 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

THRÜNTAN 17:7

Tüsho nü le nü dunglim nü tsühsoniusobo Thrünpuh thsüpü, inü I le nü tüsho nü dunglim nü tsühsoniuso lünbo dükeak akheam müla tangzüng zobah.

JOB HU H T ANYU 21:8

Arü tsührübo arü miki tsakamde lah, tüsho arü münü arü mük ki lah.

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ISAIA 49:4

Tüshe inü tha, “ I akeangkeang ching rhimodo, tümü mülakhi tüsho akeangkeang ching I sühmüh bahdo; tüshe I ngüpü lakhi Atungpuh lung lah, I thsambah I Thrünpuh lung lah.”

ISAIA 55:2

Tümüde nünü yikhap yungde püpü thsungkheak sho bahcho, tüsho reangmükeampü thsungkheak nünü rhimocho? Kümkangde I ki aniang, tüsho tümü atsüanü tsühang, tüsho birikhi tsühyungpü ching nü me asühang.

ISAIA 61:9

Arü tsühsoniusobo trükshih bolung mükheahbah, tüsho arü münübo mihtsürü bolung mükheahbah, arü ngürü alalanü arübo ju Thrünpuhnü müngühjihkhi mihtsürü de amükheahbah.

ISAIA 66:22

Tümüde inü athsüpü lakhi yinmibo aso tüsho alomi aso I miki aninga labah, Atungpuhnü thachoh; junangde nü tsühsoniusobo tüsho nüsa mung aninga labah.

EZEKIEL 36:29

Inü nü mümüsühkhibo alala chingnü nü khümkhitbah, tüsho inü hi jihbah tüsho muzhomopungde akamshihbah tüsho nü kheak khümzung mülashih.

LEVI 26:20

Nüsa sühmüh akeangkeang ching bahbah, tümütüsho nüsa lonü hi makhiukshih tüsho sangdungbonü aso masojih.

LEVI 26:22

Inü nüsa azhihde mütüm shiwüh dükhebah, tüsho jurünü nüsa tsührübo nguhsahbah, nüsa yo akam-shiwüh nguhsahbah; arünü nüsa anükhüh lang aningshihbah tüsho nüsa limdungtobo zhikabahshihbah.

LEVI 26:29

Nüsanü nihbuh tsührü le tsührübebo shih tsühbah.

HAGGAI 1:6

Nüsanü hihde mükheando, tüshe nükde yimludo; nüsanü tsühchoh, tüshe küyimkishe nüsa bukmüthsü; nüsanü yungchoh, tüshe küyimkishe nüsa kethürimüri; nüsanü khim phuyuchoh, tüshe sheshe mülamlam, tüsho nüsanü mulomüthsükhi ju akhün bitkhi qiuqiu ching yukpü mulomüthsüchoh.

HAGGAI 2:19

Jakam ching müjih khürü aninga la shi? Kurungaso, khubasodung, tsarümkiu tüsho oliv-dungnü kheaküshe tümü maso de? Khihninü ründe inü nüsa müngühjihbah.

MALAKI 3:10

Thürü shihcham alala zowupung ching hande arang, junangde I yam ching tsühyungbe labah, tüsho hanü I rükakiang, Wuto Atungpuhnü thachoh; inü nüsa thsungkheak thüning ripitbo khimshuhbah müngühmühi mikhiukde bukkhishihnahnü kheahang.

YUNIRÜBO RHIMO 2:39

Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

ROMRÜ KILIM PAULNÜ ATHRÜTKHI KIHÜM HUHTANYU 4:16

Jumonü alokhikhi ju akin hode arüchoh, junangde alokhikhi ju mihmüthsüm kheak labah tüsho yakzan yande alarü kilim lang yung tüshe Abraham akin ching larü api tsühsoniuso alala ki alokhibah tümüde api isa alala abuh ah.

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

GALATIA 3:29

Tüsho nüsa Khrista yo thsüsho, alokhikhi ayannü nüsa ju Abraham müjih tüsho yamrüplurüp lurü ah.