ISAIA 64:6 - AMÜSÜH HÜM CL Bible (BSI)

⁶ Isa alala mümüsührü nangde kamdo, tüsho isa thiyurolungki rhimo alala amüneankhi khim nangde lah. Isa alala sangyü nangde kamshihchoh, tüsho isa amülimnü apung nangde isa yünde tsochoh.

ISAIA 64:6 Iomraidhean Croise

2 SAMUEL 22:46

Khiungkerübo mulong dükheakabah, tüsho arü chipibo chingnü ajande akhiuk.

JOB HU H T ANYU 14:4

Shepünü mümüsühkhi chingnü amüsüh kukruk yihkhitkhukla? She müla.

JOB HU H T ANYU 25:4

Dale küde thsah mihtsürü khülang Thrünpuh miki thiyuro lakhukpü? Küde thsah aliberünü azübekhi tsangkhita lapü?

JOB HU H T ANYU 40:4

Kheahang, I müthülün; inü nü ki tümü aloba? I khahnü I mün kheak hümlah.

MUNGSHIKHÜN 1:4

Mihbukmuyukbo jude yung, tüshe apungnü yünde atsokhi hirüp ruk ah.

MUNGSHIKHÜN 14:4

Amütsü rhimorü alala mükheahmudu müla shi, sherübonü yikhap tsühkhi nangde I mihtsürü tsühabahcho, tüsho Atungpuh ki müjicho?

MUNGSHIKHÜN 51:5

Kheahang, amülimkhi ching zübedo, I neak ching I benü I mübünkeangde kam.

ISAIA 1:28

Tüshe azhihrü tüsho aneakrübo rukhühnü adükheakbah, tüsho sherünü A TU N GPU H bahyukchonü muyuabahbah.

ISAIA 1:30

Tümüde nü a ayü sheabahkhi thülamdung nangde, tüsho ke mülakhi ayündo nangde alabah.

ISAIA 43:22

Tütüshe nünü I ki müji, O Jakob; tüshe nünü I khia lakheah, O Israel!

ISAIA 46:12

I ki aniang, nüsa mulong müküprü, nüsa sherü abekhitpü chingnü limshude la:

ISAIA 48:1

Ha aniang, O Jakob yamkhün, sherü Israel mungnü jia la, tüsho shepü Juda tsühsoniuso chingnü arükhea; shepünü Atungpuh tamde thiyuchihchimkhea, tüsho Israel Thrünpuh jikhea, tüshe thiyuro yungsho alungki ching yung.

ISAIA 50:1

Atungpuhnü ha thachoh: Inü nü be thiyia tsoshihkhi abah-hüm küching la? Yungsho inü nü yinkhi I sho putungpuh ju shepü a? Yung, nü neakbo dünkheaknü nü yinkheah, tüsho nünü alakmihkhibo dünkheak nü be tsoshihkheah.

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

ISAIA 53:6

Isa alala namfimihnunubo nangde tsophülapdo; isa alala nihbuh limro rholodo, tüsho Atungpuhnü isa alala mülimkhibo api kheak zojih.

ISAIA 6:5

Tüsho inü tha, “ I ayokhe, I mülatsan, tümüde I a münküp mümüsühkhi mihtsürü ah, tüsho I a münküp mümüsühkhi mihtsürü bolung lah: tütüshe I müknü Wuto Atungpuh , kiulongthsüpuh ngüdo!”

ISAIA 8:17

Inü Atungpuh aleangbah, shepü miro Jakob yamkhün kheaknü jikla, tüsho inü api kheak mulonglambah.

DANIEL 9:13

Mosa yakzan ching thrüta lakhi nangde ha thsümütsü alala isa kheak arüdo, tütüshe isa neakbo chingnü rholode tüsho nü thiyuro anide isanü Atungpuh isa Thrünpuhnü amulongkhi müyim.

HOSEA 4:19

Arübo ju apungnü yünde atsobah, tüsho arünü shuhmülanga kingaünkhibonü arü kheak achih handarübah.

HOSEA 7:7

Arü alala mokin nangde lamlamlah, tüsho arünü arü yakzanshuhrübo aniuabahchoh. Arü kiulongthsürü alala lungabahdo; arü shenü she I ki müji.

LEVI 13:12

Tüsho aphamnü küp mide, tukthsübuh ju aku chingnü amüphü khiungde misho,

ZEKARIA 3:3

Kheakü Jihusua ju yunirü miki zhipchoki amüneankhi khimmih yihbah alakheah.

ROMRÜ KILIM PAULNÜ ATHRÜTKHI KIHÜM HUHTANYU 7:18

I kheak, I mih ching atsü tümü müla de inü mükheahlah. Inü alim rhimopü lümchoh, tüshe ju mürhimokhuk.

ROMRÜ KILIM PAULNÜ ATHRÜTKHI KIHÜM HUHTANYU 7:24

I a küdükhüh masühkhi mihtsürü a! Shepünü ha ashekhi pang chingnü I bekhitba?

FILIPI 3:9

tüsho yakzan yande I küdahnü thiyuro-lungki kamkhi yung tüshe Khrista ching akin hode akin kheak ningkihkhi Thrünpuh kilimnü arükhi thiyuro-lungkinü I api kheak ngübah;

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

AMIKHEAKAKHIUKKHI 7:13

Judüki azothsürü bolung khülangnü I ki keokhi, “Harü shulünkhim amüye yihkhibo ha sherü a, tüsho arü küchingnü arükhea?”