ISAIA 64:3 - AMÜSÜH HÜM CL Bible (BSI)

³ Küyimki nünü isanü mükkin mülakhi atrebe rhimokhea, nü aki, awungbonü nü miki ajan.

ISAIA 64:3 Iomraidhean Croise

2 SAMUEL 7:23

Thrünpuhnü api mihtsürü müngühnü trükshih tüsho ju thrünpuhbo yankhitde api mung thsüa lupü tüsho arü thsungkheak ato tüsho atrebe rhimopü, api mihtsürü thsüpü rhokhitpü yükhi, nünü Ijip chingnü rhokhitkhi nü mihtsürü Israel nangde alomi ching püpü trükshih she la?

MUNGSHIKHÜN 106:22

Ham lo ching amüyinsahbe rhimobo, Amürüm Keto ki atrebebo.

MUNGSHIKHÜN 66:3

Thrünpuh ki thaang, “Nü rhimobo küdükhüh atrebe la! Nü wu tokhi hode nü riribonü nü ki mükhümbah.

MUNGSHIKHÜN 66:5

Arang tüsho Thrünpuh rhimobo kheahang; apinü mihtsürü tsührübo kilim rhimokhi atrebe lah.

MUNGSHIKHÜN 68:8

alomi ajan; thüningbonü she Thrünpuh miki tsüng akishih; Sinai she Israel Thrünpuh miki aphap.

MUNGSHIKHÜN 76:12

Apinü yakzanshuhrübo me thsümünimchoh; alomi kiulongthsürübonü api trechoh.

ABEKHIT 34:10

Tüsho Atungpuhnü tha, “Kheahang, inü tangzüng khülang thsüchoh. Alomi alala ching yungsho trükshih bolung mürhimoakheahkhi nüsa mihtsürü alala miki inü mihmüyinsahbebo rhimobah; nüsa rukhüh lakhi mihtsürübonü I Atungpuhnü nüsa thsungkheak atrebe rhimokhi ngübah.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

ISAIA 64:1

O nünü yinmi chakashungbah akikhülaa, junangde awungbonü nü miki niukbah–

HABAKKUK 3:3

Teman chingnü Thrünpuh, Amüsühbuh Khülang Paran müzüng chingnü arü. Api müretahkhinü thüningbo muhiudo tüsho api shikhinü alomi mide lakheah.

HABAKKUK 3:6

Apinü tukloa zhip tüsho alomi niuk; apinü kheah tüsho trükshihbo ajanshih. Lün lakhi müzüngbo shuh-a ajan; jipü limtsah limrobo bede lün lakhi wungbo keamyuk.

YUZÜNGTHALO 10:21

Api ju nünü mungshi jihpü lah, tüsho api ju harü ato tüsho atrebe rhimobo nü müknü ngüde arhimokhi nü Thrünpuh ah.

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?