ISAIA 64:11 - AMÜSÜH HÜM CL Bible (BSI)

¹¹ Isa yo amüsüh tüsho akheahakham arüngyam, küpü ching isa jipürünü nü mung shikhea, ju monü takabahdo, tüsho isa lopung atsübo athsümünimkhibo kamdo.

ISAIA 64:11 Iomraidhean Croise

1 KIULONG THSÜRÜ 8:14

Judüki kiulongthsüpuhnü mühiphülap tüsho Israel boto alala zhipde alachoki arü alala müngühjih.

1 KIULONG THSÜRÜ 8:56

“Apinü alokhikhi nangde api mihtsürü Israel kilim sühakhim jihbuh Atungpuh shiang; apinü ayamlarü Mosa hode alokhikhi atsü thiyu khülang she mülakphah.

2 KIULONG THSÜRÜ 25:9

Apinü Atungpuh yam, kiulongthsüpuh yam, tüsho Jirusalem yambo alala takabah; thüyam atotobo apinü takabah.

2 KIUTHSÜYUKHEAN 36:19

Arünü Thrünpuh yam takabah, Jirusalem chipi kingkheam, kiulongthsürü-yambo alala monü takabah, tüsho shoto pungphurubo alala thsümünim.

2 KIUTHSÜYUKHEAN 6:4

Tüsho apinü tha, “Atungpuh , Israel Thrünpuh shiang, shepü khah hode api münnü I buh David ki alokhikhi dünjishihde tha,

2 KIUTHSÜYUKHEAN 7:3

Küyimki mo tüsho Atungpuh müretah akikhi Israel mihtsürü alalanü angükhea, arünü jing tsahpung kheak arü miro alo lim mükhümde kingaün tüsho Atungpuh ki makshe jihde tha, “Tümütüsho api tsülah, tümütüsho api muzho lünnü lah.”

2 KIUTHSÜYUKHEAN 7:6

Amükeamrübonü nihbuh dangpung kheak zhip. Levirübonü she Atungpuh mungshi jihpü kiulongthsüpuh Davidnü athsükhi khün-khungbe shuhbah tha, “Tümüde apinü muzhokhi lünnü lah.” Arü mikhuh ching amükeamrübonü hulipungpungbo khung; tüsho Israel alala zhip.

ISAIA 63:18

Nü yo amüsüh mihtsürübonü anikhühkheak thsungkheak lakhitkukruk ludo; tüshe kheakü isa azhihrübonü nü arüngyam jungkheamdo.

JEREMIA 52:13

Apinü Atungpuh yam, kiulongthsüpuh yam, tüsho Jirusalem yambo alala tak; atorü yambo alala takabah.

TÜZHOKHI 1:7

Anihbe thsünüde rümde atsahchoki adüso nimungbo ching anihbe shoto kukruk alala Jirusalemnü lümkhitchoh. Küyimki anihbe mihtsürü thiriri khah ching yüzahkhea, tüsho anihbe rungpü she mülakhea, thiririnü anihbe keamkhi kheahbah münejih.

TÜZHOKHI 2:1

Künangde Atungpuhnü abukakhiukkhi amonü Zion tsührübe liudola! Apinü Israel tsakamkhi yinmi chingnü alomi ching jipkhido; apinü api bukakhiukkhi nimung ajing thrümpung mülümkhit.

TÜZHOKHI 2:7

Atungpuhnü api kingaün sadam tüsho api arüngyam bahyukdo; apinü kiulongthsürü-yam chipibo thiriri khah ching jihdo; thünio nimung nangde Atungpuh yam ching düsheak khülang zhikihdo.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

EZEKIEL 24:25

Tüsho mihtsürü tsührü, küyimki inü arü kheaknü arü chipibo, arü asühachih tüsho müretah, arü mük asühkhi tüsho arü mulong amuzho, tüsho arü tsührübo le tsührübebo she lukhambanü,

ZEKARIA 1:12

Judüki Atungpuh yunirünü tha, “ O Wuto Atungpuh , nünü kam nerü bukakhiukkhi Jirusalem tüsho Juda kiutobo kheaknü külokhüh nünü mihmüthsüm tholoba?”

MATHI 24:2

Tüsho Jisunü arü ki tha, “Nüsanü harü alala müngü de? Atsütsü inü nüsa ki thachoh: ha dangpung ching lung khülang she maningde keamabahbah.”

YUZÜNGTHALO 29:23

‘ Alo athrünkhi kelülü lung, thimi tüsho atak ah; ha ching mümükhean, yungsho maso tüsho rim tümü she mumukhuh, ha Atungpuhnü abukakhiukchoki thsümünimkhi Sodom tüsho Gomorra, Adma, tüsho Zeboiim nangde alabah.’