ISAIA 64:1 - AMÜSÜH HÜM CL Bible (BSI)

¹ O nünü yinmi chakashungbah akikhülaa, junangde awungbonü nü miki niukbah–

ISAIA 64:1 Iomraidhean Croise

MUNGSHIKHÜN 46:6

Trükshihbo müyinnimdo, kiulongthsübo niukdo; Thrünpuhnü tsüngmukchoh, tüsho alomi niuthünakchoh.

MUNGSHIKHÜN 68:8

alomi ajan; thüningbonü she Thrünpuh miki tsüng akishih; Sinai she Israel Thrünpuh miki aphap.

MUNGSHIKHÜN 79:10

“Arü Thrünpuh küching la” de tümü thsüpü trükshihbonü athashihpü? Nü yamlarübo thiyih bukkhi royimkhi isa mikinü trükshih bolung mükheahshang.

ABEKHIT 19:11

Tüsho arübo mahsam nipü thsungkheak thsakhamshang. Tümütüsho mahsam nipü Sinai Müzüng kheak mihtsürü alala miki Atungpuh akibah.

ABEKHIT 3:8

Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ISAIA 41:15

Kheakü, inü nü hinitpung yinchibeak, ayiuk, aso, tüsho ahü kihde kamshihbah; nünü awungbo nitnakbah tüsho zünakbah, tüsho nünü awung mujukbo hitsüt nangde kamshihbah.

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

ISAIA 63:19

Isa ashangkhüh nünü yakzan mushuhkhi nangde, nü mungnü müjirü nangde lado.

AMOS 9:13

Nimungbo arümuroh, Atungpuhnü thachoh, küyimki wochakrünü yimlurü alihhoba tüsho kurungaso-nitrünü müjih yangrü alihhoba; müzüngbonü yukhu aniung atsamkhibah tüsho junü awungbo alala bukbah.

AMOS 9:5

Atungpuh , Wuto T H RÜ NPU H , shepünü alomi qiucho tüsho ju niucho, tüsho ju ching larü alala tüzhocho, tüsho ju alala Nile nangde akihcho, tüsho Ijip ching Nile nangde keamyuklocho;

ZEKARIA 14:4

Ju nimung api jing Jirusalem miki aniakhiuklim kheak lakhi Oliv Müzüng kheak zhipbah; tüsho Oliv Müzüng ju aniakhiuklimnü aniyüzahlim jindükhün khide mülihde mahne kamde achambah; junangde müzüng chamkhüh ju dukulim tüsho püpü chamkhüh ju düjinglim anguhbah.

MARK 1:10

Jisu ke chingnü akhiukde alachoki, thüning khimshuhbah müthrithrümpü nangde api kheak Me akikhi ngü.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.