ISAIA 63:11 - AMÜSÜH HÜM CL Bible (BSI)

¹¹ Judüki apinü Mosa tüsho api mihtsürü awün nimungbo lümkhit; api namfimihnu neakrübonü bebah keto chingnü arü bekhitbuh küching la? Arü bolung memüsüh yukjihbuh küching la,

ISAIA 63:11 Iomraidhean Croise

NEHEMIA 9:20

Nü tsüyihkhi chingnü tümü rhimobeanü nünü arü ki tha; nünü arü mün chingnü manna mutuklojih tüsho ayungpü ke jih.

MUNGSHIKHÜN 106:44

Judüalalashe apinü arü zhikhi sochoki arü dukmüsüpkhi lümrhihde kam;

MUNGSHIKHÜN 106:45

tüsho arü dünkheaknü apinü api tangzüng lümkhit, tüsho mükhebinkhi api amüthsümbo yande lümalo.

MUNGSHIKHÜN 106:9

Apinü Amürüm Keto she thürüh, tüsho ju ngahabah; junangde apinü arü asükbo hode, sunglo hode be.

MUNGSHIKHÜN 143:5

Inü awün nimungbo lümkhitchoh; inü nü rhimobo kheak lümakheahchoh; inü nü khah rhimobo lümzülümdochoh.

MUNGSHIKHÜN 25:6

O Atungpuh , nü amüthsüm tüsho nü muzhodakkhi lümkhitang, tümüde jurübo adüsonü lah.

MUNGSHIKHÜN 51:11

Nü mikinü I yana dütsoshih, tüsho I kheaknü me amüsüh lude dütsojih.

MUNGSHIKHÜN 77:12

Inü nü rhimo alala lümakheahbah, tüsho nünü arhimokhibo thabah.

MUNGSHIKHÜN 77:20

Nünü nü mihtsürübo namfimihnu boto nangde Mosa tüsho Aron khah hode be.

MUNGSHIKHÜN 78:52

Tüshe apinü anihbuh mihtsürü namfimihnunu nangde mikhuh yüshih, tüsho mihnu boto nangde sunglo ching be;

ABEKHIT 14:22

Jumonü Israelrünü kero phulung alo kheak yüzah, tüsho kebo ju arü khah tsülim tüsho huzulim rhü nangde alakheah.

ABEKHIT 14:30

Jumonü Atungpuhnü ju nimung Ijiprü khah chingnü Israel khümkhit, tüsho Ijiprübo keyean shea lakhi Israelnü ngü.

ISAIA 43:16

Atungpuhnü ha thachoh, shepünü keto ching limro thsücho tüsho ke amülak ching tsahpung thsücho,

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

JEREMIA 2:6

“Atungpuh küching la, shepünü isa Ijip chingnü bede atukhea, shepünü isa sunglo ching bede yükhea, loshelo tüsho alokhünbo lakhi lomi ching, akung tüsho khide amiting lomi ching, shenü mütsahhokhi lomi ching, küching sheshe mülakhea?” de arünü mütha.

DANIEL 4:8

Akheam ching Daniel I miki azah–shepü I thrünpuh mung yande Belteshazzar de ajikhea, tüsho shepü kheak amüsüh Thrünpuh me lakhea–tüsho inü api ki milim tha,

HOSEA 12:13

Wukihrü hode Atungpuhnü Israel Ijip chingnü bede atu, tüsho wukihrünü api aheang.

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

HAGGAI 2:5

nüsa Ijip chingnü akhiukchoki inü nüsa ki alokhikhi nangde. I me nüsa lung lah; dütre.

ZEKARIA 4:6

Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

WÜHKHE 11:17

Tüsho I akibahle ju ching inü nü kheak asukachihbah, tüsho nü kheak lakhi me khürü inü lubah arü kheak yukjihbah; tüsho arünü mihtsürü hahmülang nü lung hanrungbah, junangde nü zangrünü lang mühan.

WÜHKHE 11:25

Tüsho Atungpuhnü amo ching akibahle api ki asukachih, tüsho api kheak lakhi me khürü lubah azothsürü nerü kheak yukjih; tüsho küyimki me ju arü kheak keamkhea, arünü müchitmudupü tankih. Tüshe kim ashang thsungkheaknü yung.

WÜHKHE 11:29

Tüshe Mosanü alo, “Nünü I dünkheak mükthsücho shi? Atungpuhnü amihtsürü alala kheak ame yükihshihbah wukihrübo nangde zhishang shi de inü lümlah!”

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

MAHKHAPRÜ 6:13

Tüsho Gideonnü api ki tha, “O I tungpuh, Atungpuh isa lung lasho, küde thsah hadürü isa kheak dünjikhea? Tüsho api amüyinsahbebo alala küching la, küpü isa bebuhrübonü isa ki tha, ‘Atungpuhnü isa Ijip chingnü bede atukhi yung de?’ Tüshe kheakü Atungpuhnü isa bahyuk tüsho Midiarü khah ching jih.”