ISAIA 62:8 - AMÜSÜH HÜM CL Bible (BSI)

⁸ Atungpuhnü api khah tsülim tüsho Wuto khahnü thiyuchihchimdo: Inü kheaküa nü hi nüsa riri jim thsüpü müjih, tüsho nü khisahkhi chingnü khiungkerünü yukhu muyung;

ISAIA 62:8 Iomraidhean Croise

ISAIA 1:7

Nüsa lomi zhikrangkhündo lah, nüsa kiutobo monü taka lah; nüsa mikinü khiungkerünü nüsa lo thsümünimdo; khiungkerünü lahyuka bahkhinü zhikrangkhündo lah.

ISAIA 45:23

Inü thiyuchihchimdo, I mün chingnü thiyuro-lungki yu khülang malodarüpü thsüde wukhiukdo: “ I ki mukhuk alalanü khukningbah, mulo alalanü thiyuchihchimbah.”

ISAIA 54:9

Ha I ki Noa nimungbo nangde lah: Inü thiyuchihchimkhi nangde Noa kebo küyimkishe alomi kheak müyü, junangde nü kheak bukmakhiuk tüsho nü müthürüh de inü thiyuchihchim.

ISAIA 55:2

Tümüde nünü yikhap yungde püpü thsungkheak sho bahcho, tüsho reangmükeampü thsungkheak nünü rhimocho? Kümkangde I ki aniang, tüsho tümü atsüanü tsühang, tüsho birikhi tsühyungpü ching nü me asühang.

ISAIA 59:16

Apinü ju ching sheshe mülakhi ngü, tüsho arungkhirü mülakhi müyinsah; jumonü anihbuh khahnü api kilim akuk ngükhi handarü, tüsho api thiyuro-lungkinü api tholo.

JEREMIA 31:5

Kheaküshe nünü Samaria wungbo kheak kurungasolu thsübah; ayangrünü ayangbah tüsho aso tsühbah.

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

EZEKIEL 20:5

tüsho arü ki thaang: Wuto Atungpuhnü ha thachoh: Inü Israel mokhit nimung, inü I khah shuhkihde Jakob yamkhün tsühsoniuso ki thiyuchihchim thsü tüsho Ijip ching arü ki I akhiuka huh. I khah shuhkihde inü arü ki tha, “ I Atungpuh nüsa Thrünpuh.”

LEVI 26:16

inü nüsa kheak ha rhimobah: Inü nüsa kheak zukleangnü atrebe handarübah; nüsa mük tukshihpü tüsho rhangdung dükheakshihpü thsüde amungube tukthsü tüsho phütsak arüshihbah. Nüsanü müjih akeangkeang ching hiubah, tümüde nüsa riribonü jurü tsühbah.

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

YUZÜNGTHALO 28:30

“Nünü aliberü khülang neakbah tüshe khürünü anihbe lubah; nünü thüyam khülang thsübah tüshe nü ju ching müla; nünü kurungasolu thsübah tüshe aso rhoa mütsüh.

YUZÜNGTHALO 28:31

Nü moshipung nü mük kinü alaksahbah, tüshe nünü ashih mütsüh; nü yo donki nü mikinü jangkhia lubah atsobah, tüsho nü kilim müjihlo; nü yo namfimihnu nü riribo kilim jihbah, tüsho jurü bekhitpü thsüde nü ki sheshe alapü yung.

YUZÜNGTHALO 28:33

Nünü mümükheahkhi trükshihnü nü lo chingnü akhiukkhi sangaso tüsho nünü arhimokhitkhi tsühbah, tüsho nüsa mutuklode ajunobah tüsho azünakbah.

YUZÜNGTHALO 32:40

Tümüde inü I khah thüning lim shuhkihbah thiyuchihchim: I lünnü lah,