ISAIA 62:6 - AMÜSÜH HÜM CL Bible (BSI)

⁶ Nü rhübo kheak, O Jirusalem, inü aheangrü zojihlah; nimungroro tüsho tsüngreroro arünü zhikde müla. Nüsa sherü Atungpuh ki lümkhitloshihbanü zhikde düla,

ISAIA 62:6 Iomraidhean Croise

THRÜNTAN 32:12

Tümüde nünü tha, ‘Tsükjide inü nü tsüde akümbah, tüsho nü tsühsoniusobo mükhekhambe keto loyi nangde hihde akamshihbah.’ ”

THRÜNTAN 32:26

Tüsho apinü anihbuh ki tha, “I tsoshang, tümüde ayinkhipü thsüchoh.” Tüshe apinü tha, “Nünü I mümüngühjihsho inü nü mutsoshih!”

2 KIUTHSÜYUKHEAN 8:14

Abuh David yuzüng yande, apinü amükeamrübo chamnakkhi arü tankihpü thsungkheak, Levirü thsungkheak mungshi rhimo yambo tüsho nimung aban yihnüpü lakhi amükeamrü rungpü rhimobo, tüsho ripit aphuaphu thsungkheak ripit neakrü chamnakbo; tümütüsho junangde Thrünpuh mihtsürü Davidnü thiyukhüm jih.

MUNGSHIKHÜN 122:7

Nüsa chipi bukkhüp mungtsü lashang, nüsa kiulongthsürü-yambo ching lalim-atsü lashang.”

MUNGSHIKHÜN 74:18

O Atungpuh , thiririnü keangrümünechoh, tüsho makharü mihtsürünü nü mung mükhemükimdo de lümkhitang.

MUNGSHIKHÜN 74:2

Nünü adüsonü amokhitkhi nü borü, nü yamrüplurüp thsüpü rhokhitkhi lümkhitang! Nü lakhi Zion Müzüng lümkhitang.

KHÜNBOLUNGKHÜN 3:3

Kiuto aheangde atsahrünü I ngü. Inü arü ki keokhi, “Nüsanü I tsübuh ngünah?”

KHÜNBOLUNGKHÜN 5:7

Kiuto mükamde aheangrübonü I ngü; arünü I lak, tüsho I yurijih, chipi aheangrübonü I khimmihbo lude tso.

ISAIA 43:26

I ki lümkhitshang, isanü mahkhappung yüanü; nüsa lümkhi jihang, junangde nüsa alim mütsanbah.

ISAIA 49:16

Kheahang, inü nü I müyilung kheak thrütkihdo; nü chipibo mutuklode I miki lah.

ISAIA 52:8

Aniang! Nü chipi aheangrübonü arü düsheak shuhkihchoh, arü rukhühnü khün thsüde asühachihchoh; tümüde arü müknü Atungpuh Zion ching alodarükhi ngülah.

ISAIA 56:10

Israel aheangrübo mük tuka lah, arü alala amükheah müla; arü alala müchikhukbe aduh yihnubo ah; milim mide awuh-a yapde, yapnekudopü muzhochoh.

ISAIA 62:1

Anihbe akuk ngükhi yapsu nangde mütahyi khiungde, tüsho anihbe akhümkhit tsün nangde mütahyi khiungde, Zion thsungkheaknü inü zhikde müla, tüsho Jirusalem thsungkheaknü inü sühakhim mulu.

JEREMIA 14:21

Nü mung chingnü, isa düthranean; nü müretah kiulongthsü-binkiu wüntre müjihde düla; lümkhitang tüsho isa kheak trükshih tangzüng düthsümünim.

JEREMIA 6:17

Kheaküshe inü nüsa thsungkheak aheangrübo zojihlah: “Hulipungpung düsheak aniang!” Tüshe arünü tha, “ Isanü mani.”

TÜZHOKHI 5:1

O Atungpuh , isa kheak tümü keamkih-a lanü lümkhitjang; mürüngang, tüsho isa achih ngükhi kheahang!

TÜZHOKHI 5:20

Tümüde nünü isa shahde mih-a la? Tümüde nünü isa haruhroro bahyukkhea?

LUKNÜ ATHRÜTKHI THIYUSHEAK-ATSÜ HUHTANYU 18:39

Judüki mikhuh yürübonü api ki dalan de tha; tüshe apinü alü thsüde zhi, “David tsührü, I muzhoang!”

YUNIRÜBO RHIMO 10:31

tüsho tha, ‘Kornelia, Thrünpuhnü nü tamkhüntamnü sodo tüsho nünü jihchungkhi lümkhitdo.

YUNIRÜBO RHIMO 10:4

Apinü trede api kheak kheah, tüsho tha, “Ju tümü a, Atungpuh?” Tüsho apinü anihbuh ki tha, “Nü tamkhüntamnü tüsho arung-jihkhibo mümihbe thsüde Thrünpuh miki akihdo.

1 KORINT 12:28

Tüsho Thrünpuhnü borü ching akhuhde amüsüh-thsangyurübo moyuk, mahnepü wukihrübo, mahsampü thsangyurübo, jushu khinthiyinbe rhimorü, jushu athsüngurü, arungachihrü, kiuthsürü, thiyutha aphuaphu ching tharübo.

1 TESALONIKA 5:17

müdüchingde tamkhüntamnüang,

IBRI 13:17

Nüsa limberübo ki mihyuaniang tüsho arü yukhüm yanang; tümüde arünü me mütsanmüküh-a jihpü thsüde nüsa me kurungkheak aheangchoh. Arünü mulong tukthsüde yungde asühde rhimoshang, tümüde ju nüsa thsungkheak alü mülade akambah.

AMIKHEAKAKHIUKKHI 6:10

arünü düsheak achangnü zhi, “Wuto Atungpuh, amüsüh tüsho thiyuro, isa thiyih dün alomi ching larü kheak mahkhappü tüsho royimpü külokhüh laba?”