ISAIA 62:1 - AMÜSÜH HÜM CL Bible (BSI)

¹ Anihbe akuk ngükhi yapsu nangde mütahyi khiungde, tüsho anihbe akhümkhit tsün nangde mütahyi khiungde, Zion thsungkheaknü inü zhikde müla, tüsho Jirusalem thsungkheaknü inü sühakhim mulu.

ISAIA 62:1 Iomraidhean Croise

MUNGSHIKHÜN 137:6

Inü nü mülümkhitsho, inü Jirusalem ju I achangbe asühkhi mükhejihsho, I mulo I khühlüh kheak dakkihshang.

MUNGSHIKHÜN 51:18

O Thrünpuh, Zion muzhoang tüsho rungang; Jirusalem chipibo thsülojang.

MÜCHITMUDU 4:18

Tüshe alungki tsahpung ju ani akhiukde animuro alü yinde atahkhi nangde lah.

ISAIA 26:2

Chipiripitbo khimshuhang, junangde thiyuro-lungki trükshihbo akin larünü ayüzahbah.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 48:18

O nünü I yukhümbo anido dükhülaa! junangde nü müngühmühi ju ayung nangde alabah, tüsho nü thiyuro-lungki ju keto abükkhi nangde alabah.

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 54:14

Thiyuro-lungki ching nü rünkihbah; nü junopü chingnü limshude alabah, tümüde nü mütrede alabah, tüsho atrebe müla, tümüde ju nü phünide marü.

ISAIA 58:8

Judüki nü yo ayin yapsu nangde atahbah, tüsho nahde nü thsüngubah; nü thiyuro-lungki nü müngüh yübah, Atungpuh müretahkhinü nü dunglim aheangbah.

ISAIA 60:1

Asürang, yinshang; tümüde nü yo ayin arüdo, tüsho Atungpuh müretahkhi nü kheak asürüdo.

ISAIA 60:2

Kheahang, amitingnü alomi lüpdobah, tüsho kheahde amitingkhinü mihtsürübo yihdobah; tüshe Atungpuh nü kheak asürübah, tüshe api müretahkhi nü kheak labah.

JEREMIA 33:9

Tüsho inü arü thsungkheak atsü rhimokhi alala sopü larü lomi trükshihbo alala miki ha kiuto I ki asühkhi mung, mungshi tüsho müretahkhi labah; inü ha thsungkheak atsü tüsho lalim atsü alala jihkhi dünkheak arünü atrebah tüsho ajanbah.

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

ZEKARIA 2:12

Atungpuhnü Juda ju amüsüh lomi ching api shihcham thsüde yamrüplurüp lubah, tüsho Jirusalem mokhitlobah.

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

LUKNÜ ATHRÜTKHI THIYUSHEAK-ATSÜ HUHTANYU 10:2

Judüki apinü arü ki tha, “Yimlupü tode lah, tüshe rhimorü nüklah; jumonü yimlupü ching rhimorü thiyishihpü yimlu putungpuh ki tamkhüntamnüang.

2 TESALONIKA 3:1

Akheam ching keoniorübo, isa thsungkheak tamkhüntamnüjang, junangde nüsa lung rhimokhi nangde Atungpuh yu nahnahde abubah tüsho wüntrede akambah,

IBRI 7:25

Jumonü api hode Thrünpuh thüninde arürü apinü kim alala ching arü khümkhitpü kuklah, tümütüsho arü thsungkheak mushujihpü api kamruhroro lah.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.