ISAIA 61:7 - AMÜSÜH HÜM CL Bible (BSI)

⁷ Tümütüsho arü khitode achih ngüdo, tüsho akinashu mülakhi arü shihcham nangde zhiyuk, jumonü arü shihcham alü thsüde alubah; akheam mülakhi asühachihpü arü yo thsübah.

ISAIA 61:7 Iomraidhean Croise

2 KIULONG THSÜRÜ 2:9

Küyimki ane hokhea, Elijanü Elisha ki tha, “I nü kheaknü bede mutsoyichokinü, nü thsungkheak inü tümü rhimobeanü I ki thaang.” Elishanü alo, “Muzhobah inü alü thsüde nü me yamrüplurüp luanü.”

JOB HU H T ANYU 42:10

Tüsho Jobnü api müyamrübo thsungkheak tamkhüntamnüchoki Atungpuhnü Job müngühmühi jihlo; tüsho Atungpuhnü Job kilim püpüki lakhi mahne dün jih.

MUNGSHIKHÜN 126:5

Sherünü chikebo ching hiuchonü asühkhi ching yimlubah.

MUNGSHIKHÜN 16:11

Nünü I ki rhangdung limro huhbah; nü lakhi ching khiukde asühachih lah; nü khah tsülimpeang lünnü reangkeampü lah.

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 51:11

Jumonü Atungpuhnü rhokhitrü rholobah tüsho khün thsüde Zion lim arübah; akheam müla asühachihkhi arü ku kheak labah; arünü asühachih tüsho asühakokhi labah, tüsho mulong rozhak le masühkhi tsoabahbah.

ISAIA 54:4

Dütre, tümüde nü achih müngü; mulong dünini, tümüde nü achih ngüde müküpkhuk; nü athunu achihahean nünü amihbah, tüsho nü khimokhi achihahean nünü mülümkhitlo.

ISAIA 60:15

Nü bahyuka tüsho thraneana shenü mütsahhode lalashe, inü nü lünnü wüntre-müretah kamshihbah, lün alala ching asühachihshihbah.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 65:13

Jumonü Atungpuh Thrünpuhnü thachoh: I yamlarübo atsühbah, tüshe nüsa akhümbah; I yamlarübo ayungbah, tüshe nüsa kethüribah; I yamlarübo asühachihbah, tüshe nüsa achih ngüshihbah;

ZEPHANIA 3:19

Inü ju kim ching nü junorü alala ki rhimobah. Tüsho inü jingkikrü khümkhitbah tüsho hiumüzüta larü bemukhungbah, tüsho inü arü achih ngükhi ju mungshi müthrijihbah tüsho alomi alala ching mungthu labah.

ZEKARIA 8:12

Tümütüsho judüki mungtsü yangkhi labah; kurungasonü aso asobah, alonü amukhuhshihbah, tüsho thüningbonü ayinke jihbah; tüsho inü ha mihtsürü aningkhi ki harü alala yamrüplurüp lushihbah.

ZEKARIA 9:12

Nüsa chipi lim rholoang, O mulonglamkhi aramrübo; khihni nüsa alü thsüde laloshihpü inü khipkhitchoh.

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

YUZÜNGTHALO 21:17

Tüshe apinü mümuzhokhi niuberü kheak yo tsührü adüjibuh kilim api lakhi shihcham mahne kinü alü jihde mütsanmükhibeah, tümüde api ju anihbuh sühmüh atankih ah; adüjibuh yo alim ju api yo.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,