ISAIA 61:6 - AMÜSÜH HÜM CL Bible (BSI)

⁶ Tüshe nüsa Atungpuh amükeamrübo de ajibah, isa Thrünpuh tankihrübo de nüsa jibah; nüsanü trükshih lakhitbo tsühbah tüsho arü lakhitbo ching nü müretahbah.

ISAIA 61:6 Iomraidhean Croise

ABEKHIT 19:6

Tüsho nüsa ju I kilim amükeamrü kiulongthsü tüsho amüsüh trükshih khülang thsübah. Harü yubo ha nünü Israelrü ki thaang.”

ISAIA 23:18

Anihbenü shothsümolokhi tüsho mihkhah mulokhibo Atungpuh kilim müsühkhitbah; anihbenü alü thsükhibo ju muzomukhung yungsho rama muzo, tüshe anihbenü amulokhi ju Atungpuh miki larü thsungkheak tsühyungpü tüsho khimmih suhdahde ahiuh-a jihbah.

ISAIA 54:3

Tümüde nü tsülim tüsho huzulim bude ayübah, tüsho nü tsühsoniusobonü trükshihbo lubah tüsho abahkhitkhi kiutobo ching labah.

ISAIA 56:6

Tüsho khiungkerübo sherünü Atungpuh lung arihcho, api tankihpü, Atungpuh mung muzhopü, tüsho api yamlarü thsüpü, amuni mungrü alala tüsho ju mümüneanjihcho, tüsho I yo tangzüng dükde ramlocho–

ISAIA 66:12

Tümüde Atungpuhnü ha thachoh: Inü anihbe kilim lalim atsü ayung nangde akamshihbah, tüsho trükshihbo lakhit kenü müleamde abukkhi nangde akamshihbah; nüsa mütrübah tüsho anihbe bin kheak shuhbah tüsho anihbe mukhuk kheak zobah.

ISAIA 66:21

Tüsho inü arübo khürü amükeamrü tüsho Levirü nangde alubah, Atungpuhnü thachoh.

JEREMIA 33:18

tüsho I miki taka kingaünpü, hi kingaünpü, tüsho kim alala ching shuhmülanga jihpü thsüde Levirü amükeamrübo thsungkheak mihtsürü khülang müladüa müla.

EZEKIEL 14:11

Judüki Israel mihtsürünü kheaküa I kheaknü mutso, yungsho arü neakbo alala hode arü müneana mulu. Arübo I mihtsürü thsübah, tüsho I arü Thrünpuh thsübah, Wuto Atungpuhnü thachoh.

ROMRÜ KILIM PAULNÜ ATHRÜTKHI KIHÜM HUHTANYU 12:1

Jumonü keoniorübo, Thrünpuh mihmüthsüm hode inü nüsa ki tuthsukchoh: Api tankihkhi ching tsangkhitde tüsho api asühshihde Thrünpuh kilim nüsa rhangdung kingaün jihang. Ha nüsanü ajihpü lakhi thiyuro kingaün ah.

1 KORINT 3:5

Dale tüsho Apollo ju tümü a? Paul ju tümü a? Atungpuhnü mihbüm aban thiyikhi nüsanü arü hode akinkhi tankihrübo lang ah.

1 KORINT 4:1

Hanangde mihtsürübonü isa ju Khrista yamlarü tüsho Thrünpuh aramyu atoathüprü khejihbeah.

2 KORINT 11:23

Arü Khrista yamlarübo a de? Makharü nangde inü thachoh– tüshe arü kheaknü I a yamlarü atsü ah. Inü alü mürangde rhimodo, ahihdo ki rihyam ching lado, ahihdo ki shika tsühdo, tüsho ahihdo ki shemüchihdo.

2 KORINT 6:4

tüshe Thrünpuh tankihrü thsükhinü limro aban ching isa küdahnü tsülah de lümchoh: arümkheam ato hode, thsünü ching, küpkhukbo, thsümütsübo,

YUZÜNGTHALO 18:2

Jumonü keoniorü lung arü yamrüplurüp müla; apinü arü ki thakhi nangde Atungpuh ju arü yamrüplurüp thsübah.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 1:6

tüsho isa kiulongthsü tüsho amükeamrübo kamshihde, api Thrünpuh tüsho Abuh tankihpü lünnü lün müretah tüsho wu laang. Amen.

AMIKHEAKAKHIUKKHI 20:6

Shepü akhuhbe arhang kamlokhi ching shihcham luchonü müngühmühi tüsho amüsüh! Arü kurungkheak mahnekipü shepü wu müla, tüshe arübo Thrünpuh tüsho Khrista amükeamrübo labah, tüsho arünü api lung kam chithürü kiulongthsübah.

AMIKHEAKAKHIUKKHI 5:10

tüsho isa Thrünpuh kilim arübo kiulongthsü tüsho amükeamrübo kamshih, tüsho arünü alomi kheak kiulongthsübah.”