ISAIA 61:3 - AMÜSÜH HÜM CL Bible (BSI)

³ Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

ISAIA 61:3 Iomraidhean Croise

ESTER 8:15

Mordekainü kiulongthsü khim biyi le amüye, khimthünak yih tüsho suna kuthran thranbah kiulongthsü yam chingnü tsahmusu. Tüsho Susa kiuto ju asühkhi düsheaknü mide kam.

ESTER 9:22

Harü nimungbo ju Jihudarübo arü riri kheaknü lümyinkhi; tüsho mulong thsümünimkhi adükheakbe chingnü asühpü nimung müthrikhi khinu lakheah. Harü nimungbo ching boto tsühyungachihde, tsühyungbenü thsambah khülangnü khülang ki jihachihde tüsho zhochihrü kilim thsambahbo jihshihpü arü ki thrüt.

MUNGSHIKHÜN 104:15

tüsho mihtsürü mulong asühshihpü yukhu, api miro zhingzhingshihpü müdangke, tüsho mihtsürü mulong düküngshihpü yikhap.

MUNGSHIKHÜN 149:4

Tümüde Atungpuhnü api mihtsürü kheak asühlah; apinü azhihayihrü ju akuk ngükhinü akhamshihbah.

MUNGSHIKHÜN 23:5

Nünü I riri miki dükhüm khülang thsakhamchoh, nünü I ku kheak müdangke muju; I pung mikhiukde lah.

MUNGSHIKHÜN 30:11

Nünü I thsungkheak I tüzhokhi ju atsünpü kamshih; nünü I shungliukhim yihkhita bahjih tüsho asühpü phuyujih.

MUNGSHIKHÜN 30:12

Junangde I menü nü shijihbah tüsho zhikde müla. O Atungpuh I Thrünpuh, inü lünnü nü ki makshe jihbah.

MUNGSHIKHÜN 45:7

Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

T H S AN GYU T H S AN GR ARÜ 9:8

Nü khimmihbo kamruhroro müyeshang; nü ku kheak müdangke mujuang.

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 26:2

Chipiripitbo khimshuhang, junangde thiyuro-lungki trükshihbo akin larünü ayüzahbah.

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 46:13

Inü abekhitpü phünide handarüchoh, limshude yung, tüsho I akhümkhit mülakma; inü Zion ching akhümkhit yukbah, Israel thsungkheak müretahkhi labah.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

JEREMIA 31:13

Judüki anünürübonü asühde atsünbah, tüsho athrününgtsüng le azobuhrünü asüharabah. Inü arü tüzhokhi asühpü kamshihbah, inü arü shukheambah tüsho mulong rozhak thsungkheak arü ki asühpü jihbah.

EZEKIEL 34:29

Inü hibo thsungkheak athukhi lo khülang arü kilim jihbah, tüsho arü küruhkhüh lomi ching khümzungnü müthsünü yungsho trükshihbonü mükhemürangkhi mühan.

EZEKIEL 47:7

I alode arüchoki, ayung khülang münküp kheak thripkhüh tüsho püpü thrip sangdung ahihdo inü ngü.

ZEKARIA 3:5

Tüsho inü tha, “Arünü api ku kheak kuhingbe amüsüh yihkihshang.” Jumonü arünü api ku kheak kuhingbe amüsüh yihkihjih tüsho api kheak khimmihbo phuyujih; tüsho Atungpuh yunirü ju ki zhipde alakheah.

MATHI 15:13

Tüshe apinü alo, “Yinmi ching I Buhnü mükhimkhi sangrung aban rukkhitbah.

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

LUKNÜ ATHRÜTKHI THIYUSHEAK-ATSÜ HUHTANYU 15:22

Tüshe abuhnü yamlarübo ki tha, ‘Nahnah shulünkhim atsübe lude akhiukbah api kheak phuyujang, akhah ching khahrih yukjang tüsho ajing ching jingkhümpü yukjang.

JOHAN 15:8

Nüsanü aso hihde asokhinü I Buh müretahbah; junangde nüsa I jingyanrübo thsübah.

JOHAN 16:20

Atsütsü inü nüsa ki thachoh, nüsa atripbah tüsho atüzhobah, tüshe alomi a asühachihbah; nüsa mulong rozhakbah, tüshe nüsa mulong rozhak ju asühachihpü ching müthribah.

1 KORINT 3:9

Tümüde isa ju Thrünpuh thsungkheak rukhüh rhimorü ah; nüsa ju Thrünpuh lu, Thrünpuh yam ah.

1 KORINT 6:20

nüsa ju amo jihbah athulokheah. Jumonü nüsa pang ching Thrünpuh müretahshang.

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

2 TESALONIKA 1:10

ju api yo amüsührübo kheak api müretahpü nimung api arüchoki tüsho akinrübo alala kheak amüyinsahpü lachoki labah, tümütüsho isanü nüsa ki thiyusheak thakhi kindo.

IBRI 1:9

Nünü thiyuro-lungki muzhodo tüsho amülim thraneando; jumonü nü Thrünpuhnü nü müyamrübo kheaknü alü thsüde asühkhi müdangkenü nü mujujihdo.”

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 PETER 4:14

Khrista mung dünkheaknü nüsa mükhemükimsho, nüsa müngühmühi ah, tümüde müretahkhi Thrünpuh Me nüsa kheak lah.