ISAIA 61:1 - AMÜSÜH HÜM CL Bible (BSI)

¹ Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

ISAIA 61:1 Iomraidhean Croise

MUNGSHIKHÜN 102:20

aramrü ashekhi anipü, ashepü akhua larü trünkhipü,

MUNGSHIKHÜN 147:3

Apinü mulong tukthsürü thsünguchoh tüsho arü mübo rümjihchoh.

MUNGSHIKHÜN 149:4

Tümüde Atungpuhnü api mihtsürü kheak asühlah; apinü azhihayihrü ju akuk ngükhinü akhamshihbah.

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 22:26

Zhochihrünü atsühbah tüsho reangkeambah; sherünü api yimchonü Atungpuh shijihbah. Arü kamruhroro latsühlayung lashang!

MUNGSHIKHÜN 25:9

Apinü azhihayih ju alungki ching bechoh, tüsho api limro thsangyuchoh.

MUNGSHIKHÜN 34:18

Atungpuh ju mulong tukthsürü thüninde lah, tüsho me thsümünima larü khümkhitchoh.

MUNGSHIKHÜN 45:7

Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

MUNGSHIKHÜN 51:17

Thrünpuh kilim shuhmülanga jihpü ju azhihayih me lah; azhihayih tüsho arholokhi mulong, O Thrünpuh, nünü ju mübahyuk.

MUNGSHIKHÜN 68:7

O Thrünpuh, küyimki nü mihtsürü müngüh, sunglo hode nü yükhea,

MUNGSHIKHÜN 69:32

Junoa larünü ha ngübah tüsho asühbah; nüsa sherü Thrünpuh yimchonü nüsa mulong thsüphuloang.

ABEKHIT 28:41

Junangde harü nünü nü khiung Aron tüsho atsührübo kheak khümjang. I ki amükeamrübo thsüde I tankihpü nünü arü mujude tsangkhitang.

ABEKHIT 29:7

Amujube müdangke luang tüsho aku kheak yihkihde mujude-müsühkhitang.

ISAIA 29:19

Azhihayihrünü Atungpuh kheak asühachihkhi rünkihbah, tüsho küpkhukrü mihtsürünü Israel Amüsühbuh Khülang kheak asühkhi labah.

ISAIA 30:19

Atsütsü, O Zion ching mihtsürübo, Jirusalem ching larübo, nüsa kheaküa mütrip. Nüsanü azhikhi düsheak ching apinü tsükjide nüsa ki müthsümbah; küyimki apinü asoba, apinü nüsa ki alobah.

ISAIA 30:26

Kheaküshe Atungpuhnü api mihtsürü yurikhi rümjihkhi tüsho apinü ashikkhi mübo thsünguchoki nimung khinu ayin ju ani ayin nangde alabah, tüsho ani ayin ju thüne ki ayinatrüm, nimung thüne ayin nangde alabah.

ISAIA 32:7

Amütsü mihtsürü lümkhi amütsübo ju rhimo amütsü lah; küpkhukrünü amushuchoki alungki lachoki thsüthsü she arünü akeangyubo thade zhochihrü thsümünimpü lümkhi thsüchoh,

ISAIA 40:9

Nü awung achang kheak yükihang, O Zion, thiyusheak atsü mükheahshang; nü düsheak sühmüh zahde shuhkihang, O Jirusalem, thiyusheak atsü mükheahshang, shuhkihang, dütre; Juda kiutobo ki thaang, “Ha ching nüsa Thrünpuh lah!”

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 42:7

müktukrü mük khimshuhpü, amiting rihyam chingnü aramrü bekhitpü.

ISAIA 48:16

I ki phünide arang, ha aniang! Atankih chingnü inü ramde masuk, ha dünjipü lachoki I lakheah. Tüsho kheakü Atungpuh Thrünpuhnü api me bede I thiyikheah.

ISAIA 49:9

aramrübo ki thachoh, “Akhiukang,” amiting ching larü ki, “ Nüsa huhang.” Arübo limro mungyean yimtsühbah, achang arakrak alala arü yimtsühpung labah;

ISAIA 52:7

Awungbo kheak mungtsü zhiyukrü jing küdükhüh she akhamla, shepünü thiyusheak atsü handarücho, shepünü akhümkhit zhiyukcho, shepünü Zion ki thacho, “ Nü Thrünpuhnü kiulongthsüchoh.”

ISAIA 52:9

Rukhühnü khün thsüde zhiang, nü athsümünimkhi Jirusalem; tümüde Atungpuhnü api mihtsürü shukheamdo, apinü Jirusalem rhokhitdo.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 57:18

Inü arü limrobo ngüdo, tüshe inü arü thsüngubah; inü arü bebah tüsho mulong shukheam jihlobah, Israel ching mihtsürü mün kheak mungshi lashihbah:

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

ISAIA 66:2

Harü alala I khahnü thrün, jumonü ha alala I yo, Atungpuhnü thachoh. Tüshe azhihayih tüsho mulong rholokhi, tüsho I yu sobah ajanrü kheak inü akheahbah.

JEREMIA 34:8

Kiulongthsüpuh Zedekianü Jirusalem ching mihtsürü alala zuzu zhiyukpü mihtsürü alala ki tangzüng khülang thsüshu, Atungpuh yu Jeremia kilim arü,

JEREMIA 52:33

Jumonü Jehoiakinnü api rihyam khimmihbo müthri, tüsho api rhangdung ching nimung aban kiulongthsüpuh dükhüm kheak yimtsüh.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

LEVI 7:35

Ha Mosanü arübo amükeamrü thsüde Atungpuh tankihshihpü jih nimung Atungpuh kilim taka kingaünkhi chingnü Aron tüsho atsührübo kilim amüsüh shihcham.

MIKA 3:8

Tüshe I thsungkheak a, Jakob ki apinü alakmihkhi tüsho Israel ki api neak thapü, I kheak wu, Atungpuh me, thiyuro tüsho sühmühnü mide lah.

MATHI 11:5

Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

MATHI 3:16

Küyimki Jisu baptikhea, apinü ke chingnü nahde akhiuk; tüsho kheahang, api kilim yinmibo khimshuh, tüsho Thrünpuh Me müthrithrümpü nangde api kheak aki keamde apinü ngü.

LUKNÜ ATHRÜTKHI THIYUSHEAK-ATSÜ HUHTANYU 7:22

Tüsho apinü arü ki tha, “Yüang tüsho nüsanü tümü ngüde tüsho sodünü Johan ki thaang: müktukrünü ngüchoh, jingkikrünü tsahchoh, aphamrü müsüh-a lah, nükhünpeangrünü sochoh, asherü arhang kamlodo, zhochihrü ki thiyusheak atsü thsangyudo.

JOHAN 1:41

Apinü akhuhde akhiung Simon ngübah api ki tha, “Isanü Messia ngüdo” (amütsan Khrista).

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

YUNIRÜBO RHIMO 10:38

Nüsanü Nazarethrü Jisu kheak Thrünpuhnü Amüsüh Me tüsho wu dungkihkhi mükheahlah. Apinü lüpdükhi atsü rhimode tüsho Arimri wu bukkhüp lakhi alala thsüngude yü, tümüde api lung Thrünpuh lakheah.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

YUNIRÜBO RHIMO 4:27

Tümütüsho ha kiuto ching nünü mujude-müsühkhitkhi, amüsüh nü yamlarü Jisu azhihde khiungkerü tüsho Israel mihtsürü lungnü Herod tüsho Pontia Pilat ane chido mukhung,

2 KORINT 3:17

Kheakü Atungpuh ju Me, tüsho küching Atungpuh Me lanü ju ching zuzu lah.

2 KORINT 7:6

Tüshe akheamkhibe ching larü mulong shukheamrü Thrünpuhnü Tita arüshihde isa mulong shukheam,

IBRI 1:9

Nünü thiyuro-lungki muzhodo tüsho amülim thraneando; jumonü nü Thrünpuhnü nü müyamrübo kheaknü alü thsüde asühkhi müdangkenü nü mujujihdo.”