ISAIA 60:6 - AMÜSÜH HÜM CL Bible (BSI)

⁶ Mükhebinkhi kemelbonü nü lomi zündobah, Midia tüsho Epha kemel nunubo; Sheba ching yo alala arübah. Arünü suna tüsho jinjinlak handarübah, tüsho Atungpuh mung shikhi zhiyukjihbah.

ISAIA 60:6 Iomraidhean Croise

THRÜNTAN 10:7

Kush tsührübo: Sheba, Havila, Sabta, Raama tüsho Sabteka. Raama tsührübo: Sheba tüsho Dedan.

THRÜNTAN 25:13

Arü zübekhi ayannü atsührü mungbo: Nebaioth, Kedar, Adbeel, Mibsam,

1 KIULONG THSÜRÜ 10:2

Alibenü maba-thsürü ahihdo lung mungji aphuaphu hankhi kemelbo, suna ahihdo, tüsho amo-achak lungbo hanbah Jirusalem lim arü; tüsho küyimki alibe ju Solomon ki arükhea, alibenü alüm ching lakhi alala api ki tha.

2 KIULONG THSÜRÜ 8:9

Jumonü Hazaelnü Damaska kukruk thsambah lubah anihbuh shorupü yü. Küyimki api yüzahbah anihbuh miki zhipkhea, apinü tha, “Nü tsührü Siria kiulongthsüpuh Ben-hadadnü I nü kilim arüshihde tha, ‘I ha tukthsü chingnü anguba shi?’”

1 KIUTHSÜYUKHEAN 1:33

Midian tsührübo: Epha, Epher, Hanok, Abida, tüsho Eldaa.

2 KIUTHSÜYUKHEAN 9:1

Küyimki Sheba kiulongthsübenü Solomon mungthukhi sokhea, alibenü api rük tsühpü akeokhikhi amüküpbo, boto ato tüsho arhümthünea hankhi kemelbo, suna ahihdo tüsho shotolungbo lubah Jirusalem ching arü. Küyimki alibe Solomon ki arükhea, anihbe lümkhi ching lakhi alala api ki asukachih.

MUNGSHIKHÜN 67:4

Trükshihbo asühshang tüsho asühachihde khün thsüshang, tümüde nünü thiyuro-lungkinü mihtsürü mahkhapchoh tüsho alomi trükshihbo bechoh.

MUNGSHIKHÜN 72:10

Tarshish tüsho kekung-lo kiulongthsürübonü thsambahbo hande arübah; Sheba tüsho Seba kiulongthsürübonü thsambahbo jihbah.

MUNGSHIKHÜN 72:15

Tüsho api alabah; Sheba suna api kilim jihbah; api kilim tamkhüntamnü she mutukzhakde athsübah, tüsho nimung aban api shijihbah.

ISAIA 30:6

Negeb shiwühbo dünkheak thiyusheak. Küpkhuk tüsho lümthsünü lomi hode, kekhüzü dre tüsho arungkhi kekhüzü, phuruto tüsho aphinkhi phuruto, arünü arü lakhitbo donkibo kheak hanchoh, tüsho arü rahpungbo kemelbo ngam kheaknü hanbah arü kilim alü müthsüjihrü mihtsürü kilim yüchoh.

ISAIA 42:10

Atungpuh ki khün aso khülang thsang, keto tüsho ju ching lakhi alalanü, keyean lomibo tüsho ju ching larübonü alomi akheam chingnü api shiang!

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 60:9

Tümüde keyean lomibonü I aleangbah, Tarshish sangkungbo akhuhlah, nü tsührübo limshu chingnü bedarüpü, arü lung shotoyinchi tüsho suna, Atungpuh nü Thrünpuh tüsho Israel Amüsüh Thrünpuh mung thsungkheak, tümütüsho apinü nü müretahshihdo.

ISAIA 61:6

Tüshe nüsa Atungpuh amükeamrübo de ajibah, isa Thrünpuh tankihrübo de nüsa jibah; nüsanü trükshih lakhitbo tsühbah tüsho arü lakhitbo ching nü müretahbah.

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

EZEKIEL 27:22

Sheba tüsho Raama shothsümolorünü nü lung yinzüyindo; arünü nü ki rhümthüneabe mungji alala, tüsho shoto lungbo alala tüsho suna müthriachihde shothsümolo.

ZEPHANIA 3:10

Ethiopia ayungbo hode alakhi chingnü, I kingaünrübo inü hiumüzütshihrünü I kilim kingaün hande arübah.

ZEKARIA 14:16

Judüki rhangdung larü trükshih alala Jirusalem azhihde arürünü kam aban Wuto Atungpuh , kiulongthsüpuh kingaünpü, tüsho arüngkhimyam thünio mungpü wutubah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MATHI 2:11

Tüsho küyimki arü thüyam ching yüzahkhea, arünü azürü ju abe Mari lung ngü, tüsho mükhümbah api kingaün. Tüsho arünü thsambah düm trünbah api kilim suna, jinjinlak, tüsho rhümthüneabe thsambahbo jih.

ROMRÜ KILIM PAULNÜ ATHRÜTKHI KIHÜM HUHTANYU 15:9

tüsho junangde khiungkerünü api amüthsüm thsungkheak Thrünpuh müretahpü lakheah. Ha thrüta lah, “Jumonü inü khiungkerü bolung nü shijihbah, tüsho nü shide khün thsübah”;

YUZÜNGTHALO 32:43

O trükbo, Atungpuh mihtsürübo shiang; tümüde api yamlarübo laksahrü alala kheak apinü royimchoh, tüsho api riri kheak royimchoh, tüsho api lo le amihtsürü neak bahjihchoh.

FILIPI 2:17

Tüshe nüsa akinnü Thrünpuh kilim jihkhi shuhmülanga kingaünkhi kheak I thiyih bukkihkih she, inü nüsa alala kheak asühlah tüsho asühachihchoh.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

MAHKHAPRÜ 6:5

Tümüde arünü arü shiwühbo tüsho khimyambo lubah tangkhobo nangde chitthulungbah atu; tüsho arü le kemelbo mükhebin; junangde arü azahchoki alo ju thsümünimjih.

MAHKHAPRÜ 7:12

Tüsho Midiarü le Amalekrü tüsho aniakhiuklim mihtsürü alala tangkhobo nangde hihdakde jindükhün ching bin; arü kemelbo ju keyean loyi nangde mükhebinbe lakheah.