ISAIA 60:5 - AMÜSÜH HÜM CL Bible (BSI)

⁵ Judüki nünü akheahbah, tüsho zhingzhingde alabah; nü mulong ajanbah tüsho asühachihbah, tümütüsho müthangmüsünkhi keto nü kheak handarübah, trükshihbo lakhit nü kilim arübah.

ISAIA 60:5 Iomraidhean Croise

MUNGSHIKHÜN 119:32

Inü mulongde nü yukhümbo anibah, tümütüsho nünü anikhitkhi alü I kilim jihbah.

MUNGSHIKHÜN 34:5

Junoa larübonü api kheah tüsho zhingzhingde kam, tüsho arü miro achih müngü.

ISAIA 23:18

Anihbenü shothsümolokhi tüsho mihkhah mulokhibo Atungpuh kilim müsühkhitbah; anihbenü alü thsükhibo ju muzomukhung yungsho rama muzo, tüshe anihbenü amulokhi ju Atungpuh miki larü thsungkheak tsühyungpü tüsho khimmih suhdahde ahiuh-a jihbah.

ISAIA 54:2

Nü khimyam lopung jashang tüsho nü lapung zhindokhibo thoshangang; düzünglo; nü liu shangshang tüsho ashungdung düküngshang.

ISAIA 60:11

Nü chipiripitbo kamruhroro khimshuh-a labah; animung tüsho are mürihde alabah, junangde trükshihbonü arü lakhit nü kilim handarübah, arü kiulongthsürübonü bebah dungde arübah.

ISAIA 61:6

Tüshe nüsa Atungpuh amükeamrübo de ajibah, isa Thrünpuh tankihrübo de nüsa jibah; nüsanü trükshih lakhitbo tsühbah tüsho arü lakhitbo ching nü müretahbah.

ISAIA 66:12

Tümüde Atungpuhnü ha thachoh: Inü anihbe kilim lalim atsü ayung nangde akamshihbah, tüsho trükshihbo lakhit kenü müleamde abukkhi nangde akamshihbah; nüsa mütrübah tüsho anihbe bin kheak shuhbah tüsho anihbe mukhuk kheak zobah.

JEREMIA 33:9

Tüsho inü arü thsungkheak atsü rhimokhi alala sopü larü lomi trükshihbo alala miki ha kiuto I ki asühkhi mung, mungshi tüsho müretahkhi labah; inü ha thsungkheak atsü tüsho lalim atsü alala jihkhi dünkheak arünü atrebah tüsho ajanbah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

MATHI 25:16

Judüki suna shonak 5000 leangkhibuhnü yübah jurünü shothsübu, tüsho püpü alü 5000 kamshih.

YUNIRÜBO RHIMO 10:45

Tüsho Peter lung arükhi tsütabahrü bolung akinrübonü müyinsah, tümütüsho khiungkerü kheak she Amüsüh Me dungkih.

YUNIRÜBO RHIMO 11:17

Jumonü isanü Atungpuh Jisu Khrista kinchoki isa kilim jihkhi thsambah Thrünpuhnü arü kilim jih-a lasho, Thrünpuh yanlokhukpü thsüde I she lakhea?”

YUNIRÜBO RHIMO 24:17

Kam anükhüh dunglim inü I yo trükshih kilim arung tüsho kingaün jihpü arü.

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

ROMRÜ KILIM PAULNÜ ATHRÜTKHI KIHÜM HUHTANYU 15:26

Tümütüsho Macedonia tüsho Akaiarünü Jirusalem ching amüsührü bolung zhochihrü thsungkheak asühde arung jihpü rhimo;

2 KORINT 10:15

Akhukhi hode isanü püpürü rhimokhi ching mükükheangchoh; tüshe nüsa akin zokihsho, nüsa bolung lakhi isa lu khide ato kambah de isa mulonglam lah,

YUZÜNGTHALO 33:19

Arünü mihtsürübo arü müzüng ching jiyukbah; ju ching arünü thiyuro kingaünbo jihchoh; tümüde arünü kekim lakhit tüsho rama lakhi loyi lakhit dukchoh.” @SP ACE=

AMIKHEAKAKHIUKKHI 21:24

Ha ayin hode trükshihbonü atsahbah; tüsho alomi kiulongthsürübonü arü müretah ju ching lude arübah,

AMIKHEAKAKHIUKKHI 21:26

arünü ju ching trükshihbo müretah tüsho wüntre lude arübah.

1 SAMUEL 2:1

Hannanü tamkhüntamnü tüsho tha, “I mulongnü Atungpuh lung asühchoh; I sühmüh Atungpuh lung shuhkihdo. Inü I riri ki münejihchoh, tümütüsho inü akukkhi ching I asühchoh. @SP ACE=