ISAIA 60:4 - AMÜSÜH HÜM CL Bible (BSI)

⁴ Nü mükbo züngkihang tüsho mükamde kheahang; arü alala rukhüh mukhungchoh, arübo nü kilim arüchoh; nü tsührübo limshu chingnü arübah, tüsho nü tsührübebo arü mütrürü bin kheak shuhbah.

ISAIA 60:4 Iomraidhean Croise

ISAIA 11:12

Apinü trükshihbo thsungkheak amütsan riphin khülang shuhkihbah, tüsho müzüta lakhi Israel tüsho hiumüzüta lakhi Juda alomi mühit phüyi chingnü bemukhungbah.

ISAIA 14:2

Tüsho trükshihbonü arübo arü lapung ching bedarübah, tüsho arübo Atungpuh khah ching Israel yo athrürü tüsho aliberü azhorü thsübah; arünü arü ramrü rama lubah, tüsho arü junorü kurungkheak yakzan shuhbah.

ISAIA 42:6

I Atungpuh , inü thiyuro-lungki ching jikheah, nü I khahnü bea lu tüsho zo; inü nü mihtsürübo kilim tangzüng khülang, trükshihbo kilim ayin nangde jih,

ISAIA 43:6

Inü dukulim thabah, “Tsoshang,” tüsho düjinglim, “Dütholo; I tsührübo limshu chingnü tüsho I tsührübebo alomi akheam chingnü bedarang–

ISAIA 49:12

Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

ISAIA 49:17

Nü tsührübo athride arado, tüsho sherünü thsümünima yapshihkheanü nü kheaknü tsoabahdo.

ISAIA 49:18

Nü mük züngkihang tüsho mühide kheahang; arü alala mukhungchoh, arübo nü kilim arüchoh. I lale, Atungpuhnü thachoh, zülu nangde arü alala nünü ayihbah, tüsho arhangberü nangde nünü arü yihbah.

ISAIA 66:20

Arünü nüsa keoniorü alala trükshih alala chingnü A TU N GPU H kilim kingaün nangde, khorabo, khora-lolungbe, atho-lolungbe, khoranunu, tüsho kemelbo kheaknü Jirusalem ching I yo amüsüh wung kheak handarübah, Atungpuhnü thachoh, Israelrünü amüsüh yukpung chingnü hi kingaün Atungpuh yam ching handarükhi nangde alabah.

JEREMIA 30:10

Tüshe nü thsungkheak a, dütre, I yamlarü Jakob, Atungpuhnü thachoh, tüsho mulong dübah, O Israel; tümüde inü nü limshu chingnü akhümkhitbah, tüsho nü tsührübo arübo ramde ayükhi lomi chingnü akhümkhitbah. Jakob alodarübah tüsho mungtsü le keamramkhi labah, tüshe shenü api mümüyinsahshih.

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

MIKA 7:12

Ju nimung arünü Asiria chingnü Ijip, tüsho Ijip chingnü Ayung, keto chingnü keto tüsho müzüng chingnü müzüng nü kilim arübah.

HAGGAI 2:7

tüsho inü trükshih alala niukbah, junangde trükshih rahpungbo arübah, tüsho lakhitnü ha yam inü amishihbah, Wuto Atungpuhnü thachoh.

MATHI 8:11

Tüsho aniakhiuklim le aniyüzahlimnü ahihdo arübah yinmi kiulongthsü ching Abraham, Isak, tüsho Jakob ki binbah de inü nüsa ki thachoh.

JOHAN 4:35

Kheaküshe yimlupü khinu phüyi lah de nüsanü thachoh yung de? Kheahang, inü nüsa ki thachoh, nüsa mükbo rheakbah thulubo kheahang, tümüde yimlupü müna lah!

YUNIRÜBO RHIMO 13:44

Ju khin Amuni kiuto abümnü Thrünpuh yu anipü rukhüh mukhung.