ISAIA 60:3 - AMÜSÜH HÜM CL Bible (BSI)

³ Trükshihbonü nü yo ayin lim arübah, tüsho khiungkerübonü nü yo yapsu ayinatrüm lim arübah.

ISAIA 60:3 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

MUNGSHIKHÜN 102:16

Tümüde Atungpuhnü Zion thsülobah; anihbuh müretahkhi ching api akhiukbah.

MUNGSHIKHÜN 102:22

mihtsürübo tüsho kiulongthsübo Atungpuh tankihpü rukhüh mukhungchoki ah.

MUNGSHIKHÜN 138:4

Küyimki arünü nü mün ching nü yubo sobanü, alomi kiulongthsürü alalanü nü shijihbah, O Atungpuh .

MUNGSHIKHÜN 2:10

Jumonü kheakü, O kiulongthsürübo, lümlung laang; kurhangang, O alomi yakzanshuhrübo.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

MUNGSHIKHÜN 68:29

Jirusalem ching nü arüngyam dünkheaknü, kiulongthsürübonü nü kilim thsambahbo handarübah.

MUNGSHIKHÜN 72:11

Kiulongthsürü alalanü api miki mükhümbah; trükshih alalanü api tankihbah.

ISAIA 11:10

Ju nimung Jesse ying kheaknü mihtsürübo kilim amütsan khülang nangde alabah; trükshihbonü api ki shomukhungbah, tüsho api lapung müretahde alabah.

ISAIA 42:6

I Atungpuh , inü thiyuro-lungki ching jikheah, nü I khahnü bea lu tüsho zo; inü nü mihtsürübo kilim tangzüng khülang, trükshihbo kilim ayin nangde jih,

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 49:12

Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 56:8

Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.

ISAIA 60:10

Khiungkerübonü nü chipibo thsüjihbah, tüsho arü kiulongthsürübonü nü tankihbah; tümüde I bukakhiukkhi ching inü nü kingmülün, tüshe I mung chingnü nü kheak I amüthsüm lakheah.

ISAIA 60:16

Nünü trükshihbo kheaknü niuhke dukbah, nünü kiulongthsürübo niuh dukbah; tüsho I Atungpuh , nü Khümkhitbuh tüsho nü Rhokhitrü, Jakob yo Wuto Khülang ah de nünü amükheahbah.

ISAIA 62:2

Trükshihbonü nü thiyuro-lungki tüsho kiulongthsürü alalanü nü müretahkhi ngübah; tüsho nü mung asonü ajibah, ju Atungpuh münnü ajibah.

ISAIA 66:12

Tümüde Atungpuhnü ha thachoh: Inü anihbe kilim lalim atsü ayung nangde akamshihbah, tüsho trükshihbo lakhit kenü müleamde abukkhi nangde akamshihbah; nüsa mütrübah tüsho anihbe bin kheak shuhbah tüsho anihbe mukhuk kheak zobah.

AMOS 9:12

junangde arünü Edom aningkhi tüsho I mung tamde ajikhi trükshihbo alala kuka lubah, ha rhimobuh Atungpuhnü thachoh.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

MATHI 28:19

Jumonü yüang tüsho Abuh, Atsührü tüsho Amüsüh Me mung chingnü baptide trükshih alala jingyanrübo kamshang,

LUKNÜ ATHRÜTKHI THIYUSHEAK-ATSÜ HUHTANYU 24:47

junangde mulong müthripü tüsho neak bahpü api mung chingnü Jirusalem chingnü tankihbah trükshih alala ki thsangyuthsangrabah.

JOHAN 12:32

Tüsho alomi chingnü I bekihsho, mihtsürü alala I kilim bea lubah.”

YUNIRÜBO RHIMO 13:47

Tümüde Atungpuhnü thiyukhüm jihde isa ki tha, ‘Inü nüsa ju khiungkerü khilim tsün kamshih, junangde nüsanü alomi alala ching akhümkhit hande arübah.’ ”

YUNIRÜBO RHIMO 15:17

junangde aningkhi mihtsürübo, I mung chingnü jia larü khiungkerünü Atungpuh yimbah,

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”

AMIKHEAKAKHIUKKHI 21:24

Ha ayin hode trükshihbonü atsahbah; tüsho alomi kiulongthsürübonü arü müretah ju ching lude arübah,