ISAIA 60:21 - AMÜSÜH HÜM CL Bible (BSI)

²¹ Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 60:21 Iomraidhean Croise

2 SAMUEL 7:10

Tüsho inü I mihtsürü Israel thsungkheak dangpung khülang mokhitbah arü lashihbah, junangde arübo nihbuh lapung ching tümü kimlak mülade alabah; tüsho püpüki nangde amütsü rhimorübonü arü kheak küpkhuk müjih,

MUNGSHIKHÜN 37:11

azhihayihrünü lomi lubah tüsho latsühlayung le mungtsü ching asühachihbah.

MUNGSHIKHÜN 37:18

Atungpuhnü alungkirü nimungbo mükheahlah, tüsho arü yamrüplurüp lünnü alabah.

MUNGSHIKHÜN 37:22

Atungpuhnü müngühjihrünü lomi yamrüplurüp lubah, tüshe apinü muthrumüneanrü a yankhita bahbah.

MUNGSHIKHÜN 37:29

Thiyuro-lungkirünü lomi yamrüplurüp lubah, tüsho ju ching lünnü alabah.

MUNGSHIKHÜN 92:13

Sherü Atungpuh yam ching khima lanü isa Thrünpuh khikzhakpung ching tsüde alabah.

ISAIA 19:25

sherübo ki Wuto Atungpuhnü müngühjihde tha, “ I mihtsürü Ijip müngühmühi thsang, tüsho I khahnü rhimokhi ju Asiria, tüsho I yamrüplurüp ju Israel.”

ISAIA 24:16

Alomi akheam chingnü isanü mungshikhünbo, Thiyuro-labuh Khülang müretahkhi shikhün isanü sochoh. Tüshe inü thachoh, I mülatsan, I mülatsan, I are! Mülapmüjirünü mülapmüjichoh, atsütsü mülapmüjirünü khide mülapmüjide rhimodo.

ISAIA 26:2

Chipiripitbo khimshuhang, junangde thiyuro-lungki trükshihbo akin larünü ayüzahbah.

ISAIA 29:23

Tümüde küyimki apinü api lung inü ajihkhi tsührübo ngübanü, arünü I mung müsühkhitbah; arünü Jakob yo Amüsühbuh Khülang müsühkhitbah, tüsho Israel Thrünpuh wüntrekhi ching zhipbah.

ISAIA 43:21

mihtsürü sherü I thsungkheak kamshihkhea, junangde arünü I mung shikhi khipkhitbah.

ISAIA 43:7

Sherübo I mung chingnü jia la, sherü I müretahpü inü thrün, sherü inü kamshih tüsho thrün.”

ISAIA 44:23

Khün thsang O thüningbo, tümüde Atungpuhnü ha thsükheah; zhiang, O alomi asükbo; khün thsüde ahoang, O awungbo, O murung, tüsho ju ching sangdungbo! Tümüde Atungpuhnü Jakob rhokhitdo tüsho Israel ching müretahbah.

ISAIA 45:11

Atungpuhnü ha thachoh, Israel Amüsüh Thrünpuh, tüsho Athrünrü: I tsührü yungsho I khah rhimo dünkheak nünü I ki keokhiba de?

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

ISAIA 45:25

Atungpuh kheak Israel tsührü alala alim kambah tüsho müretahbah.

ISAIA 45:8

Tsüng arang, O yinmibo, akulimnü, tüsho thüningbonü thiyuro-lungki tsüng akishang; alominü khimshuhang, junangde akhümkhit mukhuhde akhiukbah, tüsho hanü thiyuro-lungki she pungkhitshang; I Atungpuhnü ha thrünkheah.

ISAIA 49:3

Tüsho apinü I ki tha, “ Nü a I yamlarü, Israel, shepü kheaknü I müretahpü la.”

ISAIA 51:2

Nü buh Abraham tüsho nü zübebe Sara kilim kheahang; tümüde inü api zangrü jikheah, tüshe inü api müngühjih tüsho api hihde kamshih.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 54:17

Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

ISAIA 57:13

Küyimki nünü azhibanü, nünü akümukhungkhi sangthsübonü nü bekhitshang! Apungnü arü yünde atsobah, sheak khülangnü arü yünde atsobah. Tüshe sherünü I kheak tsoyukbanü alomi lubah tüsho I yo amüsüh awung yamrüplurüp lubah.

ISAIA 61:11

Tümüde alonü adübit chinshihkhi nangde, tüsho ayündo ching yangkhi mukhuhkhi nangde, junangde Atungpuh Thrünpuhnü thiyuro-lungki tüsho mungshi ju trükshih alala miki mukhuhshihbah.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

ISAIA 61:7

Tümütüsho arü khitode achih ngüdo, tüsho akinashu mülakhi arü shihcham nangde zhiyuk, jumonü arü shihcham alü thsüde alubah; akheam mülakhi asühachihpü arü yo thsübah.

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

ISAIA 64:8

Tütüshe, O Atungpuh , nü a isa Abuh; isa ju alo, tüsho nü isa phühdamrü; isa alala nü khah rhimo ah.

ISAIA 65:9

Inü Jakob kheaknü tsühsoniuso, tüsho I wungbo yamrüplurüp lurü Juda chingnü handarübah; inü mokhitkhinü ju yamrüplurüp lubah, tüsho I yamlarübo ju ching labah.

JEREMIA 24:6

Atsü thsungkheaknü arü kheak I mük zobah, tüsho ha lomi ching inü arü belodarübah. Inü arü thsükihbah, tüsho arü müthokheam; inü arü khimbah, tüsho arü mürukkhit.

JEREMIA 32:41

Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

EZEKIEL 11:17

Jumonü thaang: Wuto Atungpuhnü ha thachoh: Trükshihbo chingnü inü nüsa bemukhungbah tüsho nüsa hiumüzütkhi lomibo chingnü belodarübah, tüsho nüsa kilim inü Israel lomi jihlobah.

EZEKIEL 34:29

Inü hibo thsungkheak athukhi lo khülang arü kilim jihbah, tüsho arü küruhkhüh lomi ching khümzungnü müthsünü yungsho trükshihbonü mükhemürangkhi mühan.

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

EZEKIEL 47:7

I alode arüchoki, ayung khülang münküp kheak thripkhüh tüsho püpü thrip sangdung ahihdo inü ngü.

AMOS 9:15

Inü I mihtsürübo lomi kheak khimbah, tüsho inü arü kilim jihkhi lo chingnü küyimkishe arübo mürukkhitlo, Atungpuh nüsa Thrünpuhnü thachoh.

OBADIA 1:17

Tüshe Zion Müzüng kheak atsokhitrü labah tüsho ju amüsüh labah; tüsho Jakob yamkhünnü arü yankhita bahrü yamalo lubah.

ZEPHANIA 3:13

aningkhi Israel; arünü amülim tümü mürhimo, tüsho akeangyu mütha, yungsho arü mün ching mülapyukkhi mulo müngü. Judüki arünü mihnu boto yimkipbah, tüsho zuhyuka yapbah, tüsho shenü arü mütreshih.

MATHI 15:13

Tüshe apinü alo, “Yinmi ching I Buhnü mükhimkhi sangrung aban rukkhitbah.

MATHI 5:5

Tsüyihrübo asühpü, tümüde arünü alomi yamrüplurüp lubah.

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.

EFISIA 1:12

junangde isa akhuhde Khrista kheak kinrü ju api müretah shijihpü thsungkheak labah.

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

EFISIA 2:7

junangde arübe lün ching Jisu Khrista ching isa muzhokhi makekhukbe api amüthsüm lakhitbo huhbah.

2 TESALONIKA 1:10

ju api yo amüsührübo kheak api müretahpü nimung api arüchoki tüsho akinrübo alala kheak amüyinsahpü lachoki labah, tümütüsho isanü nüsa ki thiyusheak thakhi kindo.

2 PETER 3:13

Tüshe apinü alokhikhi zode isanü yinmi aso tüsho alomi aso, thiyurolungkirü lapung kheahchoh.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.

AMIKHEAKAKHIUKKHI 5:10

tüsho isa Thrünpuh kilim arübo kiulongthsü tüsho amükeamrübo kamshih, tüsho arünü alomi kheak kiulongthsübah.”