ISAIA 60:2 - AMÜSÜH HÜM CL Bible (BSI)

² Kheahang, amitingnü alomi lüpdobah, tüsho kheahde amitingkhinü mihtsürübo yihdobah; tüshe Atungpuh nü kheak asürübah, tüshe api müretahkhi nü kheak labah.

ISAIA 60:2 Iomraidhean Croise

1 KIULONG THSÜRÜ 8:11

Junangde amo lakhinü amükeamrübonü tankihpü müzhipkhukde kam; tümüde Atungpuh müretahkhinü api arüngyam mide kam.

MUNGSHIKHÜN 102:16

Tümüde Atungpuhnü Zion thsülobah; anihbuh müretahkhi ching api akhiukbah.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

ISAIA 2:5

O Jakob yamkhün, arang, isanü Atungpuh ayin ching tsahanü!

ISAIA 4:5

Zion Müzüng tüsho ju ching mukhunga larü alala kumung, Atungpuhnü animung amo le mokhüh tüsho are motru zhingzhing yüshihbah. Thrünpuh müretahkhinü kiuto abümnü alüpdobah tüsho alamdobah.

ISAIA 58:10

nünü tsühyungpü akhümrü kilim jihsho tüsho thsünürü yihnüpü reangkeamshihsho, nü yo ayin amiting ching tahbah tüsho nü yo amiting ju animuro nangde alabah.

ISAIA 58:8

Judüki nü yo ayin yapsu nangde atahbah, tüsho nahde nü thsüngubah; nü thiyuro-lungki nü müngüh yübah, Atungpuh müretahkhinü nü dunglim aheangbah.

ISAIA 62:1

Anihbe akuk ngükhi yapsu nangde mütahyi khiungde, tüsho anihbe akhümkhit tsün nangde mütahyi khiungde, Zion thsungkheaknü inü zhikde müla, tüsho Jirusalem thsungkheaknü inü sühakhim mulu.

ISAIA 66:11

Junangde nü mütrübah tüsho mulong shukheamkhi khüh kheak reangkeambah; junangde anihbe müretahkhi khüh chingnü asühde duka yungbah.

ISAIA 8:22

yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

EZEKIEL 10:4

Judüki Atungpuh müretahkhi cherubim kumungnü wusu tüsho arüngyam ripit ki yü. Amonü arüngyam mide kam, tüsho Atungpuh müretahkhi zhingzhingnü khikzhakpung mide alakheah.

LEVI 9:23

Mosa tüsho Aron ane Atungpuh shorupung yam ching yüzah, tüsho küyimki ane akhiukkheanü anenü mihtsürübo müngühjih, tüsho mihtsürübo ki Atungpuh müretahkhi akhiuka huh.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

WÜHKHE 16:19

Tüsho Koranü arü azhihde alala arüngkhimyam ripit ki bemukhung, tüsho Atungpuh müretahkhi boto alala ki akhiuka huh.

MATHI 15:14

Arü küdah thsüshang. Arübo a müktukrü limberübo müktukrübo ah. Tüsho müktukrünü müktukrü limbesho, ane chido shingkung ching keamyukbah.”

MATHI 23:19

Nüsa müktukrübo! Suna le thsambah müsühkhitkhi kingaün sadam shepü atobe a?

MATHI 23:24

Nüsa müktukrü limberübo! Nüsanü somünak changkhitchoh tüshe kemel a muyuchoh.

JOHAN 1:1

Atankih ching Thiyu lakheah, Thiyu ju Thrünpuh lung lakheah tüsho Thiyu ju Thrünpuh lakheah.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 8:55

Tütüshe nüsanü api mümükheah, tüshe inü api mükheahlah. Tüsho inü, ‘Inü api mümükheah,’ de thasho nüsa nangde I ju akeangyu tharü thsübah; inü api mükheahlah tüsho api yu zochoh.

YUNIRÜBO RHIMO 14:16

Ahokhi lünbo ching apinü trükshih alala arü limrobo ching tsahpü mülüjih;

YUNIRÜBO RHIMO 17:23

Tümüde I tsahhochoki nüsanü kingaünkhi kukrukbo inü kheahyuk, tüsho kingaün sadam kheak hade thrütkih-a ngü, ‘Mümükheahkhi thrünpuh kilim.’ Jumonü nüsanü tümü kingaünchonü mümükheahkhi ah de inü nüsa ki zhiyukchoh.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

KOLOSI 1:13

Apinü amiting yakzan shuhkhi chingnü isa bekhit tüsho apinü muzhokhi tsührü kiulongthsü ching beakhinjih,

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.