ISAIA 60:19 - AMÜSÜH HÜM CL Bible (BSI)

¹⁹ Kheaküa animuro ani ju nü yo ayin müthsü yungsho azhing ching khinunü nü kilim ayin mütah; tüshe Atungpuh lang akheam mülakhi nü yo ayin labah, nü Thrünpuh ju nü müretahkhi labah.

ISAIA 60:19 Iomraidhean Croise

MUNGSHIKHÜN 3:3

Tüshe O Atungpuh , nü I tsungdojihrü, I müretah, tüsho ku dukoshihrü ah.

MUNGSHIKHÜN 36:9

Tümüde nü kheak rhangdung ke bukpung lah; nü ayinatrüm ching isanü ayin ngüchoh.

MUNGSHIKHÜN 4:2

O nüsa mihtsürü tsührübo, külokhüh nüsanü I müretahkhi achihbe kamshihba? Külokhüh nüsanü amo-mülakhi muzhoba tüsho akeangyu yimba?

MUNGSHIKHÜN 62:7

Thrünpuh kheak I akhümkhit tüsho I müretah lah; I sühmüh lungto, tüsho I tsoyukpung Thrünpuh kheak lah.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MUNGSHIKHÜN 84:12

O Wuto Atungpuh , mihtsürü shepü nü kheak kinchonü müngühmühi!

ISAIA 2:5

O Jakob yamkhün, arang, isanü Atungpuh ayin ching tsahanü!

ISAIA 24:23

Judüki khinu mitingdo akambah, tüsho aninü ayin mütah; tümüde Wuto Atungpuhnü Zion Müzüng kheak tüsho Jirusalem ching kiulongthsübah, tüsho api yo azothsürü miki api müretahkhi akhiukbah.

ISAIA 28:5

Ju nimung Wuto Atungpuh ju müretah kuthran khülang labah, tüsho aningkhi api mihtsürü kilim akheahakham zhingzhing labah;

ISAIA 30:26

Kheaküshe Atungpuhnü api mihtsürü yurikhi rümjihkhi tüsho apinü ashikkhi mübo thsünguchoki nimung khinu ayin ju ani ayin nangde alabah, tüsho ani ayin ju thüne ki ayinatrüm, nimung thüne ayin nangde alabah.

ISAIA 41:16

Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 45:25

Atungpuh kheak Israel tsührü alala alim kambah tüsho müretahbah.

ISAIA 51:11

Jumonü Atungpuhnü rhokhitrü rholobah tüsho khün thsüde Zion lim arübah; akheam müla asühachihkhi arü ku kheak labah; arünü asühachih tüsho asühakokhi labah, tüsho mulong rozhak le masühkhi tsoabahbah.

ISAIA 60:1

Asürang, yinshang; tümüde nü yo ayin arüdo, tüsho Atungpuh müretahkhi nü kheak asürüdo.

ISAIA 9:2

Amiting ching tsahrü mihtsürünü ayin ato khülang ngüdo; amiting lomi ching larü kheak ayin tahkihdo.

ZEKARIA 2:5

Tümüde ju alala mükamde I ju mo chipi labah, Atungpuhnü thachoh, tüsho ju ching I müretahkhi labah.”

ZEKARIA 2:9

Kheakü kheahang, inü arü azhihde I khah shuhkihbah, tüsho arübo ju arü nihbuh azhorübonü yankhia lupü kambah. Judüki Wuto Atungpuhnü thiyido de nüsanü mükheahbah.

LUKNÜ ATHRÜTKHI THIYUSHEAK-ATSÜ HUHTANYU 2:32

khiungkerü ki akhiuka huhpü ayin khülang, tüsho nü mihtsürü Israel müretah thsungkheak.”

YUZÜNGTHALO 10:21

Api ju nünü mungshi jihpü lah, tüsho api ju harü ato tüsho atrebe rhimobo nü müknü ngüde arhimokhi nü Thrünpuh ah.

AMIKHEAKAKHIUKKHI 21:23

Tüsho kiuto yinpü ani yungsho khinu yihnüpü müla, tümüde Thrünpuh müretahkhi ju ayin, tüsho Namfimihnunu ju tsün ah.

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.