ISAIA 60:18 - AMÜSÜH HÜM CL Bible (BSI)

¹⁸ Thiyih bukkhi nüsa lomi ching kheaküa muso, thsünimthsüshi nüsa aredung ching müla; nünü nü chipibo ki Akhümkhit tüsho nü chipiripitbo ki Mungshi de ajibah.

ISAIA 60:18 Iomraidhean Croise

2 SAMUEL 7:10

Tüsho inü I mihtsürü Israel thsungkheak dangpung khülang mokhitbah arü lashihbah, junangde arübo nihbuh lapung ching tümü kimlak mülade alabah; tüsho püpüki nangde amütsü rhimorübonü arü kheak küpkhuk müjih,

MUNGSHIKHÜN 147:14

Apinü nüsa aredungyeanbo ching mungtsü thsüchoh, tüsho wheat hi atsüdaknü nüsa reangkeamshihchoh.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 26:1

Ju nimung ha khün Juda lomi ching thsübah: Isa kiuto amüküp lah; apinü rhü tüsho chipi tsunglochoh.

ISAIA 26:2

Chipiripitbo khimshuhang, junangde thiyuro-lungki trükshihbo akin larünü ayüzahbah.

ISAIA 51:19

Thsümütsü mahne nü kheak yükihdo –shenü nü lung mulong rozhakba?– thsümünima yapkhi tüsho athsümünimkhi khümzung tüsho nukshang– shenü nü shukheamba?

ISAIA 54:14

Thiyuro-lungki ching nü rünkihbah; nü junopü chingnü limshude alabah, tümüde nü mütrede alabah, tüsho atrebe müla, tümüde ju nü phünide marü.

ISAIA 56:5

inü I yam tüsho I chipibo ching tsührübo tüsho tsührübebo kheaknü mung atsüdakbe zojihbah; inü arü kilim akheam mülakhi mung jihbah, ju kheamamübah.

ISAIA 60:11

Nü chipiripitbo kamruhroro khimshuh-a labah; animung tüsho are mürihde alabah, junangde trükshihbonü arü lakhit nü kilim handarübah, arü kiulongthsürübonü bebah dungde arübah.

ISAIA 60:17

Müwayinchi müthri inü suna handarübah, yinchi müthri shotoyinchi handarübah; sang müthri sunalung, lung müthri yinchi labah. Nü kheahrü thsüde inü Mungtsü lashihbah tüsho nü rhimo-putungrü thsüde thiyuro-lungki lashihbah.

ISAIA 61:11

Tümüde alonü adübit chinshihkhi nangde, tüsho ayündo ching yangkhi mukhuhkhi nangde, junangde Atungpuh Thrünpuhnü thiyuro-lungki tüsho mungshi ju trükshih alala miki mukhuhshihbah.

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.

ISAIA 62:4

Kheaküa nü Amihkhi de müji tüsho nü lomi Azhikkhi de müji; tüshe I Asühkhi Anihbe kheak lah de nü ki jibah, tüsho nü lomi rhangdo de ajibah; tümüde Atungpuhnü nü kheak asühchoh tüsho nü lomi arhangbah.

ISAIA 62:7

tüsho Jirusalem mülaloyi khiungde tüsho alominü müshijihyi khiungde, api sühakhim müjihbeah.

EZEKIEL 42:20

Apinü thrip phüyi ake. Ju mükamde amümüsüh chingnü amüsüh chamnakpü lakhi rhü ju ashanglim khahnap 500 tüsho atolim 500 lakheah.

MIKA 4:3

Apinü mihtsürü ahihdo dükeak mahkhapbah, tüsho limshu ching sühmüh lakhi trükshihbo dükeak alim-amülim mokhitbah; arünü nukshangbonü thuwuhbo kingbah, tüsho arü thsühbonü hirhüpbe kingbah; trükshihnü trükshih azhihde nukshang mushuhkih, arünü kheaküa thirithsüpü mümükheahde alabah;

ZEPHANIA 3:19

Inü ju kim ching nü junorü alala ki rhimobah. Tüsho inü jingkikrü khümkhitbah tüsho hiumüzüta larü bemukhungbah, tüsho inü arü achih ngükhi ju mungshi müthrijihbah tüsho alomi alala ching mungthu labah.

ZEKARIA 2:5

Tümüde ju alala mükamde I ju mo chipi labah, Atungpuhnü thachoh, tüsho ju ching I müretahkhi labah.”

ZEKARIA 2:9

Kheakü kheahang, inü arü azhihde I khah shuhkihbah, tüsho arübo ju arü nihbuh azhorübonü yankhia lupü kambah. Judüki Wuto Atungpuhnü thiyido de nüsanü mükheahbah.

ZEKARIA 9:8

Judüki I ju aheangrü nangde I yam ching labah, junangde shenü yüla arüla de müthsü; junorü shenü she arü kurungkheak malihho, tümüde kheakü I müknü ngüdo.