ISAIA 60:14 - AMÜSÜH HÜM CL Bible (BSI)

¹⁴ Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

ISAIA 60:14 Iomraidhean Croise

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

THRÜNTAN 42:6

Kheakü Josep ju alomi kurungkheak kovünor lakheah; tüsho lomi mihtsürü alala kilim apinü yinjih. Tüsho Josep keoniorübonü arübah alo lim arü miro thsübah api miki khukning.

MUNGSHIKHÜN 46:4

Thrünpuh kiuto, Khide Achangbuh amüsüh yam ching asühpü hande arükhi ayung khülang lah.

MUNGSHIKHÜN 48:2

Thrünpuh wung Zion ju achang tüsho akheahakhamlah; ato kiulongthsüpuh kiutonü alomi alala ching asühpü hande arüchoh.

MUNGSHIKHÜN 87:3

Müretahkhibo ju nü dünkheak thakhi lah, O Thrünpuh kiuto!

MÜCHITMUDU 14:19

Amütsünü atsü miki mükhümbah, tüsho mihbukmuyuk ju thiyurolungkirü chipiripitbo ki labah.

ISAIA 1:26

Tüsho inü nü yo mahkhaprübo akhuhlim nangde akamshihbah, tüsho nü yo lümthiyan-jihrübo atankih nangde akamshihbah. Ju dunglim nü thiyuro-lungki, athülünkhi kiuto de ajibah.

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 45:23

Inü thiyuchihchimdo, I mün chingnü thiyuro-lungki yu khülang malodarüpü thsüde wukhiukdo: “ I ki mukhuk alalanü khukningbah, mulo alalanü thiyuchihchimbah.”

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 62:12

Arübo ki “Amüsüh Mihtsürü, Atungpuhnü Rhokhitkhi” de ajibah; tüsho nü ki “Ayimkhitkhi, Mübahyukkhi Kiuto” de ajibah.

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

EZEKIEL 36:15

tüsho trükshihbonü mükhemükimkhi inü nüsanü musoshih, mihtsürübo achihahean nüsanü kheaküa mühan; tüsho kheaküa nüsanü nüsa trükshihbo jing mümükheshih, Atungpuh Thrünpuhnü thachoh.

EZEKIEL 39:7

Inü I mihtsürü Israel bolung I mung amüsüh mükheahshihbah; tüsho inü kheaküa I mung amüsüh mümüneanshih; tüsho trükshihbonü I Atungpuh Israel ching Amüsüh Khülang de mükheahbah.

JOEL 3:8

Inü nüsa tsührübo tüsho tsührübebo Juda mihtsürü ki yinbah, tüsho arünü arübo ju limshude alakhi trükshih khülang, Sabeanrü ki yinbah; tümüde Atungpuhnü asukdo.

ZEPHANIA 3:19

Inü ju kim ching nü junorü alala ki rhimobah. Tüsho inü jingkikrü khümkhitbah tüsho hiumüzüta larü bemukhungbah, tüsho inü arü achih ngükhi ju mungshi müthrijihbah tüsho alomi alala ching mungthu labah.

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

IBRI 12:22

Tüshe nüsa Zion Müzüng, yinmi Jirusalem arhang Thrünpuh kiuto ching, tüsho mükhebinkhi yunirü mukhungpung arüa lah,

AMIKHEAKAKHIUKKHI 14:1

Judüki inü kheah, tüsho Zion Müzüng kheak Namfimihnunu zhipde alakheah; api lung anihbuh mung tüsho Abuh mung arü kingkang kheak thrütkhi mihtsürübo 144,000 lakheah.

AMIKHEAKAKHIUKKHI 3:12

Shepünü akuk ngüchonü, inü I Thrünpuh arüngyam ching dungto kamshihbah; küyimkishe api yu chingnü muwukhiuk, tüsho inü api kheak I Thrünpuh mung, tüsho yinmi chingnü akikhi Jirusalem aso I Thrünpuh kiuto mung tüsho I mung aso thrütkihbah.

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.