ISAIA 60:11 - AMÜSÜH HÜM CL Bible (BSI)

¹¹ Nü chipiripitbo kamruhroro khimshuh-a labah; animung tüsho are mürihde alabah, junangde trükshihbonü arü lakhit nü kilim handarübah, arü kiulongthsürübonü bebah dungde arübah.

ISAIA 60:11 Iomraidhean Croise

NEHEMIA 13:19

Jumonü arelim kamde Amuni tankih aban, chipiripitbo rihpü, tüsho Amuni muhoyichokia mükhimshuhpü inü thiyukhüm jih. Tüsho inü I yamlarü khürü chipiripitbo ching binshih, junangde Amunimung tümü hah she mühanyuk.

MUNGSHIKHÜN 149:8

arü kiulongthsürübo wuhrünliubonü, tüsho arü limberübo yinchiliubonü arhükpü;

ISAIA 24:21

Ju nimung Atungpuhnü yinmi ching aputungrübo tüsho alomi kiulongthsürübo thsümüchibah.

ISAIA 26:2

Chipiripitbo khimshuhang, junangde thiyuro-lungki trükshihbo akin larünü ayüzahbah.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 56:7

harü inü I yo amüsüh wung ching bedarübah, tüsho I tamkhüntamnü yam ching arü asühde kamshihbah; arünü taka kingaünkhi tüsho arünü shuhmülanga jihkhibo I kingaün sadam kheak leangkhibah; tümüde I yam ju trükshih mihtsürü alala thsungkheak tamkhüntamnü yam de ajibah.

ISAIA 60:18

Thiyih bukkhi nüsa lomi ching kheaküa muso, thsünimthsüshi nüsa aredung ching müla; nünü nü chipibo ki Akhümkhit tüsho nü chipiripitbo ki Mungshi de ajibah.

ISAIA 60:5

Judüki nünü akheahbah, tüsho zhingzhingde alabah; nü mulong ajanbah tüsho asühachihbah, tümütüsho müthangmüsünkhi keto nü kheak handarübah, trükshihbo lakhit nü kilim arübah.

ISAIA 61:6

Tüshe nüsa Atungpuh amükeamrübo de ajibah, isa Thrünpuh tankihrübo de nüsa jibah; nüsanü trükshih lakhitbo tsühbah tüsho arü lakhitbo ching nü müretahbah.

ISAIA 62:10

Hode yüang, chipiripitbo hode yüang, mihtsürübo thsungkheak limro thsakhamang; zünang, limtobo zünang, lungbo moa bahang, mihtsürübo kurungkheak amütsan shuhkihang.