ISAIA 6:8 - AMÜSÜH HÜM CL Bible (BSI)

⁸ Judüki Atungpuhnü athakhi düsheak inü so, “ Inü shepü yüshihba, tüsho isa thsungkheak shepü yüba?” Tüsho inü tha, “ I ha ching lah; I yüshang!”

ISAIA 6:8 Iomraidhean Croise

THRÜNTAN 1:26

Judüki Thrünpuhnü tha, “Isanü isa kiphahkhi ching mihtsürü thrünanü; tüsho keto ngüh, thüning wuhnubo, akam-shiwüh tüsho mütüm shiwüh tüsho alo kheak abübe alala kurungkheak arü atungrü thsüshihanü.”

THRÜNTAN 11:7

Arang, isanü yükianü tüsho arü yutha yingyingde kamshihanü, junangde arü khülangnü khülang manikhitachihde alabah.”

THRÜNTAN 22:1

Kim anükhüh dunglim Thrünpuhnü Abraham ki rükakide tha, “Abraham!” Apinü alo, “I ha ching lah.”

THRÜNTAN 22:11

Tüshe Atungpuh yunirünü yinmi chingnü api ji tüsho tha, “Abraham, Abraham!” Tüsho apinü alo, “I ha ching lah.”

THRÜNTAN 3:22

Judüki Atungpuh Thrünpuhnü tha, “Kheahang, mihtsürü ju atsü tüsho amütsü mükheahpü isa nangde kamdo; api khah chungde rhangdung sangdung chingnü rhoa tsühbah lünnü api rhangdung lapü mümülübeah.”

2 SAMUEL 1:7

Küyimki apinü I rholoa kheahkhea, apinü I ngü, tüsho I ji. Inü alo, ‘I ha ching lah.’

1 KIULONG THSÜRÜ 22:20

Tüsho Atungpuhnü tha, ‘ Shepünü Ahab mülomülapba, junangde api wutubah tüsho Ramoth-gilead ching lungbah?’ Judüki khülangnü khülang ha tha, tüsho püpürünü ju tha,

ISAIA 65:1

I mükeokhirünü I yimde alakheah, I müyimrünü I ngükhit. I mung müjirü trükshih kilim inü tha, “ I ha ching lah, I ha ching lah.”

EZEKIEL 1:24

Küyimki shiwühbo aphapkhea, inü arü ghidükeangbo, ke bukkhi, Wuto düsheak, bonungrü adanasünkhi nangde so. Küyimki arü zhikde azhipbanü, arünü arü ghidükeangbo keamkhi.

EZEKIEL 10:5

Cherubim ghidükeangbo düsheak ju Wuto Atungpuhnü asukchoki düsheak nangde, khikzhakpung aleangbe limshu chingnü so.

EZEKIEL 9:1

Judüki apinü düsheak achangnü ajikhi inü so, “Mihbüm aban khah ching thsühnuk shuhbah ha kiuto aheangrübo bebah arang.”

YUNIRÜBO RHIMO 20:24

Tütüshe, inü alihpü bansho tüsho Atungpuh Jisunü I kilim jihkhi rhimo Thrünpuh amüthsüm thiyusheak-atsü lang she bansho, inü I rhangdung tümü thülünde mülüm.

YUNIRÜBO RHIMO 22:21

Tüsho apinü I ki tha, ‘Chamachihang; tümüde inü nü hurü khiungkerü kilim yüshihbah.’ ”

YUNIRÜBO RHIMO 26:19

“Jumonü, O kiulongthsüpuh Agrippa, inü yinmi michih ki manide müla,

YUNIRÜBO RHIMO 9:4

Judüki api alo kheak keam, tüsho api ki thakhi düsheak so, “Saul, Saul, tümüde nünü I thsümüchicho?”

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

1 SAMUEL 3:4

Judüki Atungpuhnü ji, “Samuel! Samuel!” tüsho apinü alo, “I ha ching lah!”