ISAIA 6:2 - AMÜSÜH HÜM CL Bible (BSI)

² Api kumung seraphbo lakheah; arü abande ghidükeang thuruk kih-a lakheah: mahnenü arü miro lüpdo tüsho mahnenü arü jing lüpdo, tüsho mahnenü phinde alakheah.

ISAIA 6:2 Iomraidhean Croise

THRÜNTAN 17:3

Abramnü amiro mükhümbah khukning, tüsho Thrünpuhnü api ki tha:

1 KIULONG THSÜRÜ 19:13

Küyimki Elijanü ju sokhea, akhim aleangbenü ajak phudobah wukhiuk tüsho lungkhün ripit ki zhip. Judüki düsheak khülang api ki arü tüsho tha, “Nü ha ching tümü thsücho, Elija?”

1 KIULONG THSÜRÜ 22:19

Judüki Mikaianü tha, “Jumonü Atungpuh yu aniang: Inü Atungpuh api kiulongthsü-binkiu kheak, tsülim tüsho huzulim yinmi aputungrü alala zhipbah abinkhi ngü.

1 KIULONG THSÜRÜ 6:24

Cherub khülang ghi ashanglim ju khahnap 5 tüsho püpü cherub khülang ghi ashanglim khahnap 5; khülang ghi münkheam kheaknü püpü ghi münkheam khiungde khahnap 10 lakheah,

1 KIULONG THSÜRÜ 6:27

Apinü thüyam lung ching cherubim yuk; cherubim ghidükeangbo chutreak, jumonü khülang ghinü rhü khülang qiu, tüsho püpü cherub ghinü rhü püpü qiu; ane ghidükeang püpü thüyam phulung lim lakhi ju ghidükeangnü ghidükeang kheak qiuachih.

1 KIULONG THSÜRÜ 8:7

Tümüde cherubim ghidükeangbo ju sangdan zopung khiungde chutreak, junangde cherubimnü sangdan kumung tüsho akhrihbe-sangbo hüpdo.

NEHEMIA 9:6

Israelrünü hade tamkhüntamnü: Nü, Atungpuh , nü lang Atungpuh ah; nünü thüning, achangbe thüningbo tüsho chiningbo thrün. Nünü alo, keto tüsho ju ching mungjithürü bebah thrün; nünü alala kilim rhangdung jih. Thüningrü botonü khukningbah nü kingaün.

JOB HU H T ANYU 1:6

Nimung khülang yinmi mihtsürübo Atungpuh miki arü, tüsho Arimri she arü bolung arü.

JOB HU H T ANYU 15:15

Thrünpuhnü api yo amüsührü kheak she akin müla, tüsho yinmibo api mük ki amüsüh yung;

JOB HU H T ANYU 4:18

Api yamlarübo kheak she apinü akin müla, tüsho api yunirübo kheak apinü amülim jihde thachoh;

MUNGSHIKHÜN 103:20

Nüsa api yunirübo, sherü sühmüh hodakla, sherünü api yukhüm anicho, sherünü apinü athakhi anicho, Atungpuh shiang.

MUNGSHIKHÜN 104:4

Nünü apungbo nü yunithsürübo, tüsho chinchobe phürapkhi nü yamlarübo thsü.

MUNGSHIKHÜN 18:10

Apinü cherub kheak bin, tüsho phin; apinü apung ghidükeangbo kheaknü athride arü.

MUNGSHIKHÜN 89:7

Thrünpuh ju amüsührü mukhungkhi ching tode atrepü lah, tüsho api mükamde alarü alalanü wüntre jihpü lah.

ABEKHIT 25:20

Tüsho cherubimnü arü ghidükeangbo mihmüthsüm binkiu lüpdode akulim chungkihbah, tüsho ane miro kheahachihbah; cherubim mirobo ju mihmüthsüm binkiu lim abinbah.

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

ABEKHIT 37:9

Cherubimnü arü ghidükeangbo mihmüthsüm binkiu lüpdode akulim chungkih, tüsho ane miro kheahachih; cherubim mirobo ju mihmüthsüm binkiu lim abin.

ISAIA 6:6

Judüki seraph khülangnü kingaün sadam kheak yo mo kihkhi mokhih amüjipbenü shuhbah I kilim phinde arü.

EZEKIEL 1:11

Ha ruk arü mirobo lakheah. Arü ghidükeangbo mutuhlim chutreaka lakheah; arü abande ghidükeang mahne, khülangnü püpü shiwühbo ghidükeang thrip aban qiu, tüsho ghidükeang mahnenü pangbo lüpdo.

EZEKIEL 1:24

Küyimki shiwühbo aphapkhea, inü arü ghidükeangbo, ke bukkhi, Wuto düsheak, bonungrü adanasünkhi nangde so. Küyimki arü zhikde azhipbanü, arünü arü ghidükeangbo keamkhi.

EZEKIEL 1:4

Inü kheah, tüsho dukulim tsüngpungtsüngpung khülang arükhi ngü–amo ato ching chinchobe phürapde tüsho atahkihkhi ayinnü mükamdoa lakheah. Aphulungbe mo ju müwayinchi taklamlamkhi nangde lakheah,

EZEKIEL 1:6

tüshe arü mihbüm abande miro phüyi tüsho ghidükeang phüyi lakheah.

EZEKIEL 1:9

tüsho arü ghidükeangbonü khülangnü khülang kheak qiuachih. Mihbüm aban mikhuhlim langde yü; arü aphapchoki arünü murholo.

EZEKIEL 10:16

Küyimki cherubim aphapkheanü, arü rheang ki lolungbe-jingbo aphap; tüsho cherubimnü alo kheaknü asürüpü arü ghi chutreakchoki, lolungbe-jingbonü arü lung yü.

EZEKIEL 10:21

Arü aban miro phüyi tüsho ghidükeang phüyi lakheah, tüsho arü ghidükeangbo khüp ju mihtsürü khah nangde lakheah.

DANIEL 7:10

Mo ayung khülang bukde la tüsho api kinü bukkhit. Chithürü kheak chithürübonü api tankih, tüsho chithürü thürü kinü chithürü thürü api ki zhip. Mahkhappü kim tankih, tüsho hümbo khimshuh-a lakheah.

DANIEL 9:21

I tamkhüntamnüde alachoki, akhuh ngükhi michih ching inü angübuh mihtsürü Gabriel arelim kingaünkhi kim ching I ki phinde aki.

ZEKARIA 3:4

Yunirünü api miki zhiprübo ki tha, “Amüneankhi khimmihbo ju api kheaknü yihkhitjang.” Tüsho apinü anihbuh ki tha, “ Kheahang, inü nü mülimkhi nü kheaknü hande tsochoh, tüsho inü nü khimmih aso phuyujihbah.”

LUKNÜ ATHRÜTKHI THIYUSHEAK-ATSÜ HUHTANYU 1:10

Tüsho jinjinlak takkhi kim ching mihtsürü boto alala wungdo tamkhüntamnüde alakheah.

IBRI 1:7

Yunirübo dünkheak apinü tha, “Shepünü api yunirübo apungbo, tüsho api yamlarübo motrubo thsücho.”

AMIKHEAKAKHIUKKHI 14:6

Judüki yunirü püpü thüning phulung alomi kheak larü trükshih, trük, thiyutha tüsho mihtsürü aban ki akheam müla thiyusheak-atsü zhiyukde phinde inü ngü;

AMIKHEAKAKHIUKKHI 4:8

Tüsho arhang shiwühbo aban arü ghidükeang thuruk alunglim tüsho aleanglim mükjibonü lüpchimbah, animung tüsho are khün thsüpü küyimkishe mutuklo, “Atungpuh Wuto Thrünpuh ju, amüsüh, amüsüh, amüsüh lah, Shepü alakhea, tüsho la, tüsho arüpü la.”

AMIKHEAKAKHIUKKHI 7:11

Tüsho yunirü alalanü kiulongthsü-binkiu, azothsürübo tüsho arhang shiwüh phüyi mükamde zhip, tüsho kiulongthsü-binkiu miki arü miro mükhüm tüsho Thrünpuh kingaünde

AMIKHEAKAKHIUKKHI 8:13

Judüki inü kheah, tüsho müleangnü thüning phulung phinde achangnü akhungkhi inü so, “Yunirü püpü mahsamnü hulipungpung mütpü lakhi dünkheak alomi ching larübo Are! Are! Are!”