ISAIA 6:1 - AMÜSÜH HÜM CL Bible (BSI)

¹ Kiulongthsüpuh Uzzia shekhi kam ching, inü Atungpuh kiulongthsü-binkiu kheak binde, achang tüsho shuhkih-a ngü; tüsho api shulünkhimnü arüngyam mi.

ISAIA 6:1 Iomraidhean Croise

1 KIULONG THSÜRÜ 22:19

Judüki Mikaianü tha, “Jumonü Atungpuh yu aniang: Inü Atungpuh api kiulongthsü-binkiu kheak, tsülim tüsho huzulim yinmi aputungrü alala zhipbah abinkhi ngü.

2 KIULONG THSÜRÜ 15:7

Azaria nihbuh jipürü lung yap; arünü api nihbuh jipürü lung David kiuto ching kiuyukabah; api tsührü Jothamnü api müthri.

2 KIUTHSÜYUKHEAN 18:18

Judüki Mikaianü tha, “Jumonü Atungpuh yu aniang; Inü Atungpuh lung api yunirübo tsülim tüsho huzulim zhipbah api kiulongthsübinkiu kheak binde ngü.

JOB HU H T ANYU 42:5

I nükhünnü nü dünkheak sodo tüshe kheakü I müknü nü ngüchoh.

MUNGSHIKHÜN 108:5

O Thrünpuh, thüningbo kumung shuhkihang, tüsho nü müretah alomi alala kumung lashang;

MUNGSHIKHÜN 113:5

Shepü ju achang kheak lakhi Atungpuh isa Thrünpuh nangde la,

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

ABEKHIT 24:9

Judüki Mosa, Aron, Nadab, Abihu, tüsho Israel azothsürü 70 wutu,

ISAIA 1:1

Juda tüsho Jirusalem dünkheak, Juda kiulongthsürübo Uzzia, Jotham, Ahaz tüsho Hezekia kim ching ngükhi Amoz tsührü Isaia michih.

ISAIA 12:4

Tüsho nünü ju nimung thabah: Atungpuh kilim makshe jihang. Api mung ching jiang; trükshih bolung api rhimobo mükheahshang; api mung shuhkihdo de zhiyukjang.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 66:1

Atungpuhnü ha thachoh: Yinmi I kiulongthsü-binkiu tüsho alomi I jing dubopung; nüsanü I thsungkheak tümü yam thsüjihba, tüsho I sühakhimpung tümü a?

EZEKIEL 1:1

Kam samrüpü, khinu phüyi ching, nimung phüngü nipü, I Kebar Ayung ki ramtsorü bolung lachoki, yinmibo khimshuhkhi inü ngü, tüsho inü Thrünpuh michihbo ngü.

EZEKIEL 10:1

Inü kheah, tüsho cherubim kubo kurungkheak adüthrün kumung ju shotolung-bluk kiulongthsü-binkiu nangde ngü.

EZEKIEL 10:4

Judüki Atungpuh müretahkhi cherubim kumungnü wusu tüsho arüngyam ripit ki yü. Amonü arüngyam mide kam, tüsho Atungpuh müretahkhi zhingzhingnü khikzhakpung mide alakheah.

DANIEL 10:17

Küde thsah I tungpuh yamlarünü I tungpuh ki asukkhukpü? Tümüde I ajanchoh, I kheak sühmüh müla, tüsho I kheak sheak müla.”

DANIEL 7:9

Inü kheahde lachoki, kiulongthsübinkiubo adangpung ching zo tüsho lün labuhnü api binkiu kheak bin, api khimmih ju phürüm nangde müyedo la, tüsho api kuyü ju alamlam hing müthsün nangde; api binkiu ju mo trukhi lakheah, tüsho lolungbe-jingbo ju mo takkhi lakheah.

WÜHKHE 12:8

Jumonü inü api kheak mironü miro khipkhitde asukachih, neamneamde yung; tüsho apinü Atungpuh pang she ngüdo. Jumonü tümüde nükenü I yamlarü Mosa azhihde athapü mütrekhea?”

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 12:41

Harü Isaianü api müretah ngüchoki tüsho api dünkheak asukchoki thakheah.

1 TIMOTHI 6:16

api lang amüshebe tüsho mukhiungkhukbe ayin ching lah, shenü she müngü yungsho angüpü mukuk. Api kilim lünnü wüntre tüsho sühmüh lashang. Amen.

AMIKHEAKAKHIUKKHI 15:8

arüngyam ju Thrünpuh müretahkhi tüsho api wu ching yo mokhühnü mide kam, tüsho yunirü thüne yo arüm thüne mükheamyikia shenü she arüngyam ching müyüzahkhuk.

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.

AMIKHEAKAKHIUKKHI 4:10

azothsürü mukukheak phüyinü kiulongthsü-binkiu kheak binbuh miki khukning tüsho lünnü lün labuh kingaün; arünü kiulongthsübinkiu miki arü kuthranbo yihkhide khün thsü,

AMIKHEAKAKHIUKKHI 4:2

Judüakede I Me ching lakheah, tüsho kheahang, mihtsürü khülang binbah yinmi ching kiulongthsü-binkiu khülang akhiuk.

AMIKHEAKAKHIUKKHI 4:3

Tüsho ju kheak binbuh ju asherühü tüsho shotolung-thüyin nangde, tüsho kiulongthsü-binkiu mükamde shotolung-phüyak nangde mürechin khülang lakheah.

AMIKHEAKAKHIUKKHI 4:9

Tüsho küyimki arhang shiwühbo kiulongthsü-binkiu kheak binkhi, lünnü lün labuh kilim müretah, wüntre tüsho makshe jihbanü,

AMIKHEAKAKHIUKKHI 5:1

Tüsho kiulongthsü-binkiu kheak binbuh khah tsülim ching, thripkhüh thripkhüh thrütkhi küpqiu, mütsanyüm thünenü yümbah inü ngü;

AMIKHEAKAKHIUKKHI 5:7

tüsho apinü yübah kiulongthsübinkiu kheak binbuh khah tsülimnü küpqiu ju lu.

AMIKHEAKAKHIUKKHI 6:16

awungbo tüsho lungtobo ki ji, “Isa kheak keamang tüsho kiulongthsübinkiu kheak binkhi, tüsho Namfimihnunu bukakhiukkhi kheaknü isa jikshang;