ISAIA 59:8 - AMÜSÜH HÜM CL Bible (BSI)

⁸ Arünü mungtsü limro mümükheah, tüsho arü limro ching thiyuro müla. Arünü akiukhi limrobo khürangdo lah; ju ching tsahrü shenü she mungtsü mümükheah.

ISAIA 59:8 Iomraidhean Croise

MUNGSHIKHÜN 125:5

Tüshe sherü akhürang limrobo lim rholode tsochonü Atungpuhnü amülim rhimorü lung yana bahbah. Israel kheak mungtsü lashang!

MÜCHITMUDU 2:13

amiting limrobo ching tsahpü alungki limro bahkhirü kheaknü;

MÜCHITMUDU 2:15

sherü limrobo khürangla, tüsho arü limrobo ching rük-thsükhi la;

MÜCHITMUDU 21:8

Amülim mihtsürü limro khüranglah; tüshe amülim mülarü rhimo alungki lah.

MÜCHITMUDU 28:18

Shepü mungchih mülade tsahchonü akhümkhitbah, tüshe shepü nihbuh limrobo ching mülapmüji lanü zukleangnü alungbah.

MÜCHITMUDU 3:17

Anihbe limrobo ju abünazün tüsho anihbe tsahpungbo mungtsü lah.

ISAIA 48:22

Atungpuhnü thachoh, “Mihbukmuyuk thsungkheaknü mungtsü müla.”

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 59:11

Isa alala kuto nangde ahukchoh; müthrithrümpü nangde isanü ashede tüzhochoh. Isanü thiyuro aleangchoh, tüshe ju ching tümü müla; akhümkhit aleangchoh, tüshe isa kheaknü limshude lah.

ISAIA 59:9

Jumonü thiyuro isa kheaknü limshude lah, tüsho thiyurolungkinü isa mukhiung; isanü ayin aleangchoh, tüsho kheahang! ju ching amiting lah; tüsho ayinatrüm aleangchoh, tüshe amiting ching isa tsahchoh.

ISAIA 65:2

Inü nimung amuyung mihtsürü azhihrü kilim I khah chungkih, shepü limro amütsü ching nihbuh lümkhi yande tsahcho;

JEREMIA 5:1

Jirusalem kiudunglimrobo hode yüla arüla de alihang, mükamde kheahang tüsho mütsanang! Wungdobo ching yimang tüsho nünü thiyuro rhimorü tüsho thiyuro yimrü mihtsürü khülang lang she ngünahnü kheahang– junangde inü Jirusalem neak bahjihanü.

MATHI 23:23

“Nüsa yakzan thsangyurübo tüsho Pharisirü, yiuhkhaprübo, are! Nüsanü rhümthünea wokephüyak, ningpürang tüsho khiungün thürü shihcham jihchoh, tüshe nüsanü adungtobe yakzan thiyuro, mihmüthsüm tüsho akin bahyuk. Püpü ju she mübahyukde nüsanü harü rhimopü lado.

LUKNÜ ATHRÜTKHI THIYUSHEAK-ATSÜ HUHTANYU 1:79

amiting ching larü yinshihpü tüsho ashe alamme ching larü kheak yinshihpü, isa jingdükü mungtsü limro ching bepü lah.”

ROMRÜ KILIM PAULNÜ ATHRÜTKHI KIHÜM HUHTANYU 3:17

tüsho arünü mungtsü limro mümükheah.