ISAIA 59:6 - AMÜSÜH HÜM CL Bible (BSI)

⁶ Arü azheangliubonü khim nangde müthsükhuk; arünü athsükhinü arü muphudori. Arü rhimobo ju amülim rhimobo lah, tüsho thiyih bukkhi rhimobo arü khah ching lah.

ISAIA 59:6 Iomraidhean Croise

THRÜNTAN 6:11

Alomi ju Thrünpuh miki amütsü tüsho athsümünimnü mide alakheah.

JOB HU H T ANYU 16:17

I khah ching thiyih bukkhi mülalashe, tüsho I tamkhüntamnü tsangkhitde lalashe.

MUNGSHIKHÜN 55:11

Athsümünimbe ju bolung lah; mülapmüji tüsho amülim kiudunglimrobo chingnü müchamachih.

MUNGSHIKHÜN 58:2

Yung, nüsa mulong ching mihbukmuyuk rhimochoh; alomi ching nüsa khahnü thiyih bukpü akhualochoh.

ISAIA 30:1

O, azhihrü tsührübo, Atungpuhnü thachoh, shepünü lümkhi thsücho, tüshe I yo yung; shepünü arihcho, tüshe I lümkhi azhihkhi la, neak ching neak yukajakcho;

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 57:12

Inü nü thiyuro-lungki tüsho nü rhimobo lahkhita huhbah, tüshe arünü nü murung.

ISAIA 58:4

Kheahang, nünü rukachihpü tüsho shochihpü tüsho mihbukmuyuk khah-zhimpungkhi kheak shangpü lang khümkeak thsüchoh. Khihni ha ruk khümkeak thsükhinü nü düsheak achang kheak musoshih.

ISAIA 64:6

Isa alala mümüsührü nangde kamdo, tüsho isa thiyurolungki rhimo alala amüneankhi khim nangde lah. Isa alala sangyü nangde kamshihchoh, tüsho isa amülimnü apung nangde isa yünde tsochoh.

JEREMIA 6:7

Kekhipnü ke bukkhitkhi nangde, anihbenü mihbukmuyuk bukkhitchoh; thiyih bukkhi tüsho athsümünim anihbe kheaknü sochoh; tukthsü tüsho mübo I miki judü lang lah.

EZEKIEL 18:12

Apinü zhochihrü tüsho müthsümülarü junochoh. Apinü jangkhijangra rhimochoh. Apinü thiyuchihchimde alukhi müjihlo, apinü sangthsübo kilim kheahchoh. Apinü athraneanbebo rhimochoh.

EZEKIEL 7:11

Athsümünimnü mihbukmuyuk alü kamshihchoh; arü sheshe, lakhit amo-achak tümü maning.

EZEKIEL 7:23

Yinchiliubo tsanglungang, tümütüsho alomi ju thiyih bukkhinü milah tüsho kiuto athsümünimnü milah.

EZEKIEL 9:9

Apinü I ki alo, “ Israel tüsho Juda yamkhün neak khide tolah; alomi ju thiyih bukkhinü milah tüsho kiuto thiyuro mülakhinü milah. Arünü thachoh, ‘Atungpuhnü alomi bahyukdo; Atungpuhnü mükheah.’

AMOS 3:10

Atungpuhnü ha thachoh, Sherünü thiyih bukde tüsho ahüh-a arü lapung ching zochonü, arünü alim rhimopü mümükheah.

AMOS 6:3

Thsümütsü arüpü nimung nüsanü reanglo, tüshe nüsa rhimonü ju nimung phünide hande arüchoh.

MIKA 2:8

Tüshe nüsanü thiriri nangde I mihtsürü azhihde wusudo; nüsanü thirithsüpü tümü mülümde atsahrü kheaknü shulünkhim züngkhia ludo.

MIKA 6:12

Anihbe alarübo athsümünimrü ah; anihbe mihtsürübo akeangyu tharü ah, tüsho arü mulonü mülapmüjide thachoh.

ZEPHANIA 1:9

Ju nimung inü amükinrü nangde kingaünrü, sherünü arü putungrü yam athsümünim tüsho rük mütsünü mishihchonü arü thsümüchibah.

ZEPHANIA 3:1

Ayokhe, athsümünimkhi, amüneankhi, junokhi kiuto!

MALAKI 2:16

Tümüde niuberü bahkhi inü thraneanlah, Atungpuh Israel Thrünpuhnü thachoh, tüsho athsümünimnü nihbuh khimmih lüpdokhi thraneanlah, Wuto Atungpuhnü thachoh. Jumonü nüsanü kümkangang tüsho akin mülade dürhimo.