ISAIA 59:4 - AMÜSÜH HÜM CL Bible (BSI)

⁴ Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

ISAIA 59:4 Iomraidhean Croise

JOB HU H T ANYU 15:31

Apinü nihbuh thsungyukde, akeangkeang ching dükinshih; tümüde api akeangkeang ngülobah.

JOB HU H T ANYU 15:35

Arünü küpkhuk mihlachoh tüsho amütsü-rhimo zübechoh; tüsho arü nuyamnü mulomülap thsakhamchoh. Job.

MUNGSHIKHÜN 12:3

Atungpuhnü münjipjip tüsho kükheangkhi mulo aban zhikde kamshang,

MUNGSHIKHÜN 62:10

Junokhi ching akin düla, yungsho jangkhijangra ching akeangkeang mulong dülam; alarübo rünkihsho arü kheak nü mulong düzo.

MUNGSHIKHÜN 62:4

Nüsanü api achang chingnü abekhipü lang mulonglah; nüsanü akeangyu thapü ching reangkeamchoh. Nüsanü müngühmühi yubo asukchoh, tüshe nüsa mulong ching a api athruchoh.

MUNGSHIKHÜN 7:15

Sherünü alokhün kiuchonü arünü akiukhi shingkung ching keamyukchoh.

MÜCHITMUDU 4:16

Tümüde arünü amütsü mürhimoyikia arü müyapchoh; arünü khürü mükeamshihyikia arü yapshede müyü.

ISAIA 10:1

Nüsa shepünü thiyuro mülakhi yakzan thsüchonü are, shepünü ajunobe yuzüng thrütcho,

ISAIA 26:18

isa khungarü hanbah thsünüde alakheah, tüshe isanü apung lang zübedo. Isanü alomi kheak tümü akuk müngü, tüsho sheshe alomiküp ching lapü müzübe.

ISAIA 28:15

Tümütüsho nüsanü tha, “ Isanü ashekhi kheak tangzüng khülang thsüdo, tüsho Ashe-lomi kheak thiyuchihchim khülang lah; küyimki thsümütsü arübanü, ju isa kheak marü; tümüde isa jikpung isanü akeangyu thsakhamdo, tüsho akeangyu ching isa jika lah”;

ISAIA 29:20

Tümüde mihlungchihrü mülade akambah, tüsho lülüshishirü akheam thsübah; amütsü rhimopü athrirü alala kheamshihbah–

ISAIA 30:12

Jumonü Israel yo Amüsühbuh Khülangnü ha thachoh: Tümütüsho nüsanü ha yu bahyukchoh, tüsho nüsa kinkhi ju junokhi tüsho arükchih ching lah, tüsho arü kheak angükihchoh;

ISAIA 30:9

Tümüde arübo azhihrü mihtsürü, akin mülakhi tsührübo, Atungpuhnü thsangdankhi manipü lakhi tsührübo;

ISAIA 33:11

Nünü hitsüt zahshihchoh, nünü müneang zübechoh; nü sheak ju nü aniuabahbe mo lah.

ISAIA 44:20

Apinü awahbo tsühchoh; rükaki lümkhinü api bephülapdo, tüsho apinü anihbuh mükhümkhitkhuk yungsho müthakhuk, “ I khah tsülim ching lakhi kukruk ha arükchih yung de?”

ISAIA 47:10

Tümüde mihbukmuyuk ching nünü kindo; nünü tha, “Shenü I müngü.” Nü lümlung tüsho nü mükheahnü nü bephülapdo, tüsho nünü mulong ching tha, “ I ah tüsho I hobah she müla.”

ISAIA 5:18

Nüsa shepü akeangyu liubo yande amülim müshamcho, shepünü lolungbe liubo yande neak müshamchonü are,

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 59:15

Thiyuro mülatsan, tüsho amütsü chingnü rholorü thsümünima lah. Atungpuhnü ha ngüdo, tüsho api masühde kamshih, junangde thiyuro mülakheah.

ISAIA 59:16

Apinü ju ching sheshe mülakhi ngü, tüsho arungkhirü mülakhi müyinsah; jumonü anihbuh khahnü api kilim akuk ngükhi handarü, tüsho api thiyuro-lungkinü api tholo.

ISAIA 59:3

Tümüde nüsa khahbo thiyihnü tüsho nüsa yingkhingbo amülimnü müneana lah; nüsa münküpnü akeangyu asukdo, nüsa mulonü mihbukmuyuk kolahdo.

ISAIA 64:7

Nü mung jirü she müla, yungsho nü ramlopü mürangrü müla; tümüde nünü nü miro isa kheaknü jikabah, tüsho isa neak dünkheaknü isa bahyuk.

ISAIA 9:15

azothsürübo tüsho atorübo ju aku, tüsho akeangyu thsangyurü wukihrübo ju amo;

JEREMIA 48:7

Tümütüsho nünü nü sühmüh tüsho nü lakhitbo kheak kindo, nü she bede atsobah; nü thrünpuh Kemosh ramtso ching, api yo amükeamrübo tüsho yakzanshuhrübo bede dükde ayübah.

JEREMIA 5:1

Jirusalem kiudunglimrobo hode yüla arüla de alihang, mükamde kheahang tüsho mütsanang! Wungdobo ching yimang tüsho nünü thiyuro rhimorü tüsho thiyuro yimrü mihtsürü khülang lang she ngünahnü kheahang– junangde inü Jirusalem neak bahjihanü.

JEREMIA 7:4

Harü mülapyukbe yubo ching dükin: “Ha Atungpuh arüngyam, Atungpuh arüngyam, Atungpuh arüngyam.”

JEREMIA 7:8

Kheahang nüsanü alü mülakhi akeangyubo ching kinchoh.

HOSEA 4:1

Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

MIKA 2:1

Sherünü arü yapkiu kheaknü mihbukmuyuk tüsho amütsü rhimo lümkhi thsüchonü ayokhe! Küyimki yinkhibanü, arünü ju asahchoh, tümütüsho ju arü wu ching lah.

YUNIRÜBO RHIMO 24:9

Tüsho Jihudarünü she harü thiyuro ah de lümbah amüdamkhi lung berung.

JAKOB 1:15

Amütsü künkhi küyimki mihlabanü neak zübejihchoh; tüsho küyimki neak azorü kambanü ashepü handarüchoh.