ISAIA 59:20 - AMÜSÜH HÜM CL Bible (BSI)

²⁰ Rhokhitrü Zion ching, tüsho Jakob ching arü neak chingnü rholorü kilim api arübah, Atungpuhnü thachoh.

ISAIA 59:20 Iomraidhean Croise

JOB HU H T ANYU 19:25

Tümüde I Rhokhitrü rhangdung lah de inü mükheahlah tüsho akheam ching api alomi kheak zhipbah;

ISAIA 10:21

Jakob yamkhün aningkhi Wuto Thrünpuh kilim alodarübah.

ISAIA 10:22

Tümüde nü mihtsürü Israel keto loyi nangde lalashe arü aningkhi lang alodarübah. Adükheakshihpü ju thiyuro-lungkinü mide yakzan thsakhamlah.

ISAIA 40:9

Nü awung achang kheak yükihang, O Zion, thiyusheak atsü mükheahshang; nü düsheak sühmüh zahde shuhkihang, O Jirusalem, thiyusheak atsü mükheahshang, shuhkihang, dütre; Juda kiutobo ki thaang, “Ha ching nüsa Thrünpuh lah!”

ISAIA 60:16

Nünü trükshihbo kheaknü niuhke dukbah, nünü kiulongthsürübo niuh dukbah; tüsho I Atungpuh , nü Khümkhitbuh tüsho nü Rhokhitrü, Jakob yo Wuto Khülang ah de nünü amükheahbah.

ISAIA 62:11

Atungpuhnü alomi akheam khiungde zhiyukdo: Zion tsührübe ki thaang, “ Kheahang, nü khümkhitbuh arado; api thsambah anihbuh lung lah tüsho apinü bekhitrü api müngüh belah.”

DANIEL 9:13

Mosa yakzan ching thrüta lakhi nangde ha thsümütsü alala isa kheak arüdo, tütüshe isa neakbo chingnü rholode tüsho nü thiyuro anide isanü Atungpuh isa Thrünpuhnü amulongkhi müyim.

JOEL 2:32

Judüki sherünü Atungpuh mung jibanü akhümkhitbah; tümüde Atungpuhnü athakhi nangde, Zion Müzüng tüsho Jirusalem ching atsokhitrü labah, tüsho rhangdung larü bolung ching Atungpuhnü ajirü labah.

YUNIRÜBO RHIMO 26:20

tüshe akhuhde Damaska ching larü ki, jushu Jirusalem le Judea lomi alala ching, tüsho khiungkerü ki arünü mulong müthride Thrünpuh kilim rholobah ju thülünde rhimo rhimopü thsüde thsangyuthsangra.

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

YUNIRÜBO RHIMO 3:26

Thrünpuhnü api yamlarü mokhita, nüsa mihbüm aban amülimbo chingnü rholode müngühshihpü nüsa kilim akhuhde arüshih.”

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.