ISAIA 59:18 - AMÜSÜH HÜM CL Bible (BSI)

¹⁸ Arü rhimobo yande apinü ju ruk jihlobah; api azhihrübo kilim bukakhiukbah, api riribo kilim athrihlobah; keyean lomibo ching apinü athrihlobah.

ISAIA 59:18 Iomraidhean Croise

JOB HU H T ANYU 34:11

Tümüde apinü mihtsürü kuhi api rhimobo yande jihlochoh, tüsho api limrobo yande apinü api thsambah khülang ngüshihchoh.

MUNGSHIKHÜN 62:12

O Atungpuh , mihmüthsüm she nü yo; tümüde nünü mihbüm aban nihbuh rhimo yande thsambah jihchoh.

ISAIA 1:24

Jumonü Wuto Atungpuh , Israel yo Wutonü thachoh: Ah, inü I riribo kheak I bukakhiukkhi dungkihbah, tüsho I riri kheak I royimbah!

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 40:10

Kheahang, Atungpuh nüsa Thrünpuh wulade arüchoh, tüsho api binnü api thsungkheak yakzan shuhchoh; api thsambah api lung lah tüsho apinü bekhitkhi api müngüh lah.

ISAIA 49:4

Tüshe inü tha, “ I akeangkeang ching rhimodo, tümü mülakhi tüsho akeangkeang ching I sühmüh bahdo; tüshe I ngüpü lakhi Atungpuh lung lah, I thsambah I Thrünpuh lung lah.”

ISAIA 63:3

“ I langzünü kurungaso nitdo tüsho mihtsürü bolungnü sheshe I lung mülakheah; inü I bukakhiukkhi chingnü arü nit tüsho I bukmüshakkhi ching inü arü jung; akebo I khimmih kheak yükih, tüsho I züt alala pang.

ISAIA 63:6

I bukakhiukkhi ching inü mihtsürübo thrümthünak, I bukakhiukkhi ching inü arü zünak, tüsho inü arü rhangdung thiyih alomi kheak dungabah.”

ISAIA 65:6

Kheahang, I miki ha thrüta lah: Inü zhikde müla, tüshe inü athrihlobah; atsütsü inü nü ki samde athrihlobah,

ISAIA 65:7

arü mülimkhibo tüsho arü jipürü mülimkhibo rukhühnü, Atungpuhnü thachoh; tümütüsho arünü awungbo kheak rhümthüneabe tak, tüsho awung mujukbo kheak I azhihde tha, jumonü ahokhi rhimobo thülünde inü arü thsümüchibah.

ISAIA 66:14

Nüsanü angübah tüsho nüsa mulong asühbah; nüsa robo rimkiu nangde shih kihbah; tüsho Atungpuh khah api yamlarübo kheak lah de mükheahbah, tüsho abukakhiukkhi api riribo azhihde lah.

ISAIA 66:15

Tümüde Atungpuh mo ching, tüsho api khora-lolungbebo chitmühean nangde, api bukakhiukkhi jihlopü bukmüshakkhi ching, tüsho apinü thürühkhi motru ching arübah.

ISAIA 66:6

Aniang, kiuto ching arhunganimkhi! Arüngyam ching düsheak! Atungpuh düsheak, api riri athrihlochoh!

JEREMIA 17:10

I Atungpuhnü alala kilim arü limrobo ayannü, arü rhimobo ayannü ajihpü rükakichoh tüsho mulong yimchoh.

JEREMIA 32:19

lümthiyan ching ato tüsho rhimo ching wuto; tümüde arü limro alala tüsho arü rhimokhi sangaso yande thsambah jihpü mihtsürü limro alala lim nü mükbo khimshuhlah.

JEREMIA 50:15

Thrip alala chingnü anihbe azhihde ahoang, “Anihbenü khah shuhkihabahdo; anihbe khimtanbo keamdo, anihbe chipibo thokheamdo.” Tümüde ha Atungpuh royimkhi lah: anihbe kheak royimang, anihbenü rhimokhi nangde anihbe ki rhimoang.

JEREMIA 50:29

Babilon azhihde hühzo-kiprü, sanglüh hünrü alala jimukhungang. Anihbe mükamde alala binang; sheshe dütsokhishih. Anihbe rhimobo yande anihbe ki jihloang; anihbenü arhimokhi nangde, anihbe ki rhimoang–tümüde anihbenü bukakhiukde Atungpuh , Israel Amüsühbuh ki keochihdo.

TÜZHOKHI 4:11

Atungpuhnü abukakhiukkhi dünjishih; apinü bukakhiukkhi thurukhit tüsho Zion ching mo takkih, junü akhimtanbo aniuabah.

EZEKIEL 23:49

Nükenü makhamaleak yakli thsungkheak shaklobah, tüsho nükenü sangthsü kingaünkhi amülim neak hanbah; tüsho I Atungpuh T H RÜ NPU H de nükenü amükheahbah.

EZEKIEL 38:18

Ju nimung, küyimki Gognü Israel lomi azhihde arübanü, Atungpuh Thrünpuhnü thachoh, I mulong zhipzhipbah.

EZEKIEL 5:13

I reangmükeamyi khiungde nünü I bukakhiukkhi tüsho I mulong zhipzhipkhi amüküp alala mütsanbah. Küyimki ha alala dünjibanü, nü thiyuro mülakhinü I Atungpuhnü bukakhiukde nü ki asukdo de nünü mükheahbah.

EZEKIEL 6:12

Api shepü limshude lanü arümnü ashebah, tüsho shepü phünide lanü nukshangnü akeambah, tüsho shepü rhangdung lanü tüsho aninga lanü khümzungnü ashebah. Junangde I mulong zhipzhip arü kheak labah.

JOEL 3:4

O Tair tüsho Sidon, tüsho Filistia kewungbo alala, nüsa ju I ki tümü a? Tümükhüh thsungkheak nüsanü I kilim jihlocho de? Nüsanü I kilim jihlosho, inü nüsa ku kheak nüsa rhimobo nahde tüsho niokheamde ajihlobah.

LEVI 26:28

inü she I bukakhiukde nüsa kheak mükthsübah; tüsho nüsa neak dünkheaknü thüne ki thsümüchibah.

NAHUM 1:2

Mükthsükhi tüsho royimkhi Thrünpuh ju Atungpuh ah, royimpü tüsho mulong zhipzhip ju Atungpuh ah; Atungpuhnü api azhihrü kheak royimchoh tüsho api riribo azhihde bukakhiukchoh.

MATHI 16:27

Tümütüsho Mihtsürü Tsührü ju Abuh müretahkhi ching api yunirübo lung arübah, tüsho apinü mihbüm aban nihbuh rhimobo ayannü thsambah jihbah.

LUKNÜ ATHRÜTKHI THIYUSHEAK-ATSÜ HUHTANYU 19:27

Tüshe inü arü kurungkheak kiulong müthsüshihnekhi I riribo ha ching bede arang tüsho arübo I mikinü laksahang.’ ”

LUKNÜ ATHRÜTKHI THIYUSHEAK-ATSÜ HUHTANYU 21:22

Tümüde harü ju royimkhi nimungbo lah, junangde thrüta lakhi alala dünjibah.

ROMRÜ KILIM PAULNÜ ATHRÜTKHI KIHÜM HUHTANYU 2:6

Tümüde mihtsürü aban apinü arhimokhi yande Thrünpuhnü thsambah jihbah.

YUZÜNGTHALO 32:41

Küyimki inü I nukshang zhingzhingde azükhitba, tüsho I khahnü mahkhapkhi kheak ramloba; inü I riri kheak royimbah tüsho I thraneanrü kheak athrihlobah.

YUZÜNGTHALO 7:10

tüshe api thraneanrü thsümüchipü apinü mudukiuhlo.

AMIKHEAKAKHIUKKHI 16:19

Ato kiuto ju mahsam thsüde chamnak, trükshih kiutobo lungabah, tüsho Thrünpuhnü api bukakhiukkhi pung mütrüna yungshihpü ato Babilon lümkhit.

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.