ISAIA 59:17 - AMÜSÜH HÜM CL Bible (BSI)

¹⁷ Treangkhümbe nangde apinü thiyuro-lungki yih, tüsho api ku kheak akhümkhit kuthran thran; apinü khimmih thsungkheak royimkhi khimmih phuyu, tüsho khimniuniu ching nangde bukakhiukkhi ching hingthülang.

ISAIA 59:17 Iomraidhean Croise

JOB HU H T ANYU 29:14

Inü thiyuro-lungki yih tüsho junü I phuyujih; thiyuro ju shulünkhim tüsho kuhingbe khülang nangde alakheah.

MUNGSHIKHÜN 69:9

Nü arüngyam mürheangkhinü I aniuabahdo, tüsho nü mükhemükimrünü mükhemükimkhi I kheak akihdo.

MUNGSHIKHÜN 94:1

O Atungpuh , Thrünpuh shepünü royimcho, O Thrünpuh shepünü royimcho, tah-a yüshang.

ISAIA 11:5

Thiyuro-lungki api shahmo-rümbe thsübah, tüsho athülünkhinü api chimrümbe thsübah.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

ISAIA 37:32

tümüde Jirusalem chingnü aningkhi wukhiukbah, tüsho Zion Müzüng chingnü atsokhitrü bokhüh labah. Wuto Atungpuh künkhinü ha thsübah.

ISAIA 42:13

Atungpuhnü bonungrü nangde mikhuhlim yüchoh, thirithsü khülang nangde api bukakhiukkhi rhumusuchoh. Apinü zhichoh, apinü achangnü ahochoh, apinü anihbuh riribo azhihde Wuto huhchoh.

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

ISAIA 63:15

Yinmi chingnü, nü yo amüsüh tüsho müretahkhi lapung chingnü abinkhia kheahang. Nü künkhi tüsho nü wu-sühmüh küching la? Nü amuzho tüsho nü lümrhihkhi thsü küching la? Arübo isa kheaknü tukloa lah.

ISAIA 63:2

“Tümü thsükhi nü züt thsükhibo mürümla, tüsho nü khimmihbo kurungaso-nitrü yo nangde la?”

ISAIA 63:3

“ I langzünü kurungaso nitdo tüsho mihtsürü bolungnü sheshe I lung mülakheah; inü I bukakhiukkhi chingnü arü nit tüsho I bukmüshakkhi ching inü arü jung; akebo I khimmih kheak yükih, tüsho I züt alala pang.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

EZEKIEL 5:13

I reangmükeamyi khiungde nünü I bukakhiukkhi tüsho I mulong zhipzhipkhi amüküp alala mütsanbah. Küyimki ha alala dünjibanü, nü thiyuro mülakhinü I Atungpuhnü bukakhiukde nü ki asukdo de nünü mükheahbah.

ZEKARIA 1:14

Jumonü I ki asukachihbuh yunirünü I ki tha, Ha yusheak zhiyukang: Wuto Atungpuhnü ha thachoh: inü Jirusalem tüsho Zion thsungkheak khide mükthsülah.

JOHAN 2:17

Judüki api jingyanrübonü ha thrüta lakhi lümkhit, “Nü yam mürheangkhinü I aniuabahdo.”

2 KORINT 6:7

thiyuro thakhi, tüsho Thrünpuh wu; khah tsülim tüsho huzulim ching thiyurolungki thsühnuk lade;

EFISIA 6:14

Jumonü thiyuronü nü chim rümang, tüsho thiyuro-lungki treangkhümbe yukbah zhipang,

EFISIA 6:17

Akhümkhit kuthran luang, tüsho küpü Thrünpuh yu lanü, Me nukshang luang.

1 TESALONIKA 5:8

Tüshe isa ju animung yo a le, isanü rhüngrhünganü, tüsho akin tüsho amuzho treangkhümbe yihanü, tüshe akhümkhit mulonglam thsungkheak yinchikuthran thrananü.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

IBRI 10:30

Tümüde shepünü athakheanü isanü mükheahlah, “Royimpü I yo, inü athrihlobah.” Tüsho kheaküshe, “Atungpuhnü api mihtsürü mahkhapbah.”

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.