ISAIA 59:15 - AMÜSÜH HÜM CL Bible (BSI)

¹⁵ Thiyuro mülatsan, tüsho amütsü chingnü rholorü thsümünima lah. Atungpuhnü ha ngüdo, tüsho api masühde kamshih, junangde thiyuro mülakheah.

ISAIA 59:15 Iomraidhean Croise

THRÜNTAN 38:10

Tüsho apinü arhimokhi ju Atungpuh miki mihbukmuyuk lakheah; jumonü apinü anihbuh she sheshih.

2 SAMUEL 11:27

Küyimki yapsu hokhea, Davidnü yüshihbah alibe ayam ching bebah arü, tüsho anihbe api niube kam, tüsho api kilim tsührü athrürü khülang zübejih. Tüshe Davidnü arhimokhinü Atungpuh masühde kam.

2 KIULONG THSÜRÜ 9:11

Küyimki Jehunü nihbuh putungrü yo atorü kilim alode arükhea, arünü api ki tha, “Alala dükde la shi? Tümüde abünrü mihtsürü nü kilim arükhea?” Apinü arü ki alo, “Mihtsürü tüsho apinü dapdaprarakhi nüsanü mükheahlah.”

2 KIUTHSÜYUKHEAN 21:7

Tümütüsho apinü David kheak tangzüngkhinü Atungpuhnü David yamkhün müdükheakshih, tümütüsho apinü api le api tsühsoniusobo kilim lünnü tsünpung khülang jihpü alokhi.

MUNGSHIKHÜN 5:9

Tümüde arü mün ching thiyuro müla; arü mulong athsümünimnü milah; arü thrukeang ju khimshuh-a lakhi kiuyuk ah; arü mulonü mülapmüjichoh.

ISAIA 1:21

Küdükhüh she athülünkhi kiuto müzammüramrü kama la! Anihbe kheak thiyuro lakheah, thiyuro-lungki anihbe kheak lakheah, tüshe kheaküa mihlaksahrü ah!

ISAIA 10:2

küpkhukrü thiyuro chingnü beakhinpü tüsho I mihtsürü zhochihrü alim bephülappü, junangde khimoberübo nüsa yo ayankhikhi kukruk thsübah, tüsho mürerübo nüsa shih thsübah!

ISAIA 29:21

sherünü mihtsürübo amülim kamshihcho, shepünü chipiripit ching mahkhaprü thsungkheak azheang zocho, tüsho mütsanmükhi mülade alungki ching larü thiyuro rahlocho.

ISAIA 32:7

Amütsü mihtsürü lümkhi amütsübo ju rhimo amütsü lah; küpkhukrünü amushuchoki alungki lachoki thsüthsü she arünü akeangyubo thade zhochihrü thsümünimpü lümkhi thsüchoh,

ISAIA 46:12

I ki aniang, nüsa mulong müküprü, nüsa sherü abekhitpü chingnü limshude la:

ISAIA 48:1

Ha aniang, O Jakob yamkhün, sherü Israel mungnü jia la, tüsho shepü Juda tsühsoniuso chingnü arükhea; shepünü Atungpuh tamde thiyuchihchimkhea, tüsho Israel Thrünpuh jikhea, tüshe thiyuro yungsho alungki ching yung.

ISAIA 5:23

shepü buknim khülang thsungkheaknü amülim ngücho, tüsho amülim mülarü ki arü alimbo junocho!

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

ISAIA 65:12

inü nukshang kilim nüsa sangkhik thsüjihbah, tüsho nüsa alalanü alaksahpü ki mükhümbah; tümütüsho, küyimki inü ajikhea, nüsanü malo, küyimki inü asukkhea, nüsanü mani, tüshe I miki amütsü tümüanü nüsanü rhimodo, tüsho inü tümü masühnü mokhitdo.

ISAIA 66:4

inü she arü keangrüpü mokhitbah, tüsho arünü atrekhi arü kheak handarübah; tümütüsho inü ajichoki, shenü malo, inü asukchoki arünü mani; tüshe I mük ki arünü amütsü rhimodo, tüsho inü masühkhi mokhit.

JEREMIA 29:26

Atungpuhnü aküdah thsüde amükeambuh Jehoiada müthri nü amükeambuh kamshih, junangde makharü mihtsürünü wukihrü nangde ahorichoki, anihbuh yinchiliu ching yukde, yinchi-hunghingbe yukjihpü Atungpuh yam ching atorü labah.

JEREMIA 7:28

Nünü arü ki thabah: Ha Atungpuh arü Thrünpuh yu manikhi trükshih tüsho yakli danyukkhi müleangkhi; thiyuro dükheakdo; ha arünü müthadebah.

TÜZHOKHI 3:36

küyimki khürü thiyuro lakhi bephülapbanü, Atungpuhnü ju müngü de?

HOSEA 9:7

Thsümüchi nimungbo arüdo, royimpü nimungbo arüdo; Israelnü zhichoh, “ Wukihrü amülim ah, me lakhi mihtsürü makharü ah!” Tümütüsho nü mülimkhi tokhinü, nü mükthsü tode lah.

AMOS 5:10

Arünü chipimurung ching thiyuro mülakhi azhihrü thraneanchoh, tüsho arünü thiyuro asukrü thraneanchoh.

MIKA 7:2

Athülünkhi alomi chingnü kheamabahdo tüsho alungki larü sheshe müla; arü alalanü thiyih bukpü aleangde binchoh, tüsho arünü keang lubah jimachihchoh.

MARK 3:21

Tüshe küyimki api betsührübonü ha dünkheak sokhea, arünü api tholopü wukhiuk, tümüde arünü tha, “Api yingyinga lah.”

JOHAN 10:20

Tüsho arü ahihkhühnü tha, “Api amünean me lah tüsho bünchoh. Tümüde nüsanü api ki anicho?”

JOHAN 8:52

Judüki Jihudarünü api ki tha, “Kheakü nü amünean me lah de isanü mükheahlah! Abraham tüsho wukihrübo shedo; tüsho nünü thachoh, ‘Khürünü I yu anisho apinü küyimkishe ashepü müngü.’

YUNIRÜBO RHIMO 26:24

Tüsho apinü hanangde chiloshu, Festanü düsheak achangnü tha, “Paul, nü abünrü ah; nü mükheah atonü nü abünrü kamshihchoh.”

YUNIRÜBO RHIMO 9:1

Tüshe Saulnü judü lang Atungpuh jingyanrübo thsümüchide laksahde alakheah. Apinü achangbe amükeambuh ki yü

YUNIRÜBO RHIMO 9:23

Nimung ahihkhüh ho dunglim, Jihudarübonü api laksahpü rük yim,

ROMRÜ KILIM PAULNÜ ATHRÜTKHI KIHÜM HUHTANYU 8:36

Ha thrüta lah, “Nü dünkheaknü isa nimung amuyung laksah; isa ju alaksahpü lakhi namfimihnunu nangde khejih.”

2 KORINT 5:13

Tümütüsho isa ju isa tsangde lasho, ju Thrünpuh thsungkheak lah; isa ju isa lümkhi alungki ching lasho, ju nüsa thsungkheak lah.