ISAIA 59:14 - AMÜSÜH HÜM CL Bible (BSI)

¹⁴ Thiyuro rholode tsodo, tüsho thiyuro-lungki limshu ching zhiplah; tümüde thiyuro ju kiudunglimro ching lunga lah, tüsho alungkikhi mazahkhuk.

ISAIA 59:14 Iomraidhean Croise

1 KIULONG THSÜRÜ 21:10

api mikhuh mihtsürü mahne binshang, tüsho api azhihde thashang, ‘Nünü Thrünpuh tüsho Kiulongthsüpuh athrudo.’ Judüki api bekhitang, tüsho api rusahang.”

1 KIULONG THSÜRÜ 21:11

Api kiuto mihtsürübo azothsürübo tüsho amükeamrübo api kiuto ching larünü arü kilim Jezebelnü arüshihkhi yu yande rhimo. Alibenü arü kilim mühahkhi kihümbo ching thrütkhi nangde,

MUNGSHIKHÜN 119:150

Mihbukmuyuk rük asahrü phünide lah, tüshe arübo nü yakzan kheaknü limshulah.

T H S AN GYU T H S AN GR ARÜ 3:16

Kheaküshe alomiküp ching thiyuro lapung ching mihbukmuyuk lakhi inü ngü, tüsho thiyuro-lungki ching she mihbukmuyuk lakheah.

ISAIA 1:21

Küdükhüh she athülünkhi kiuto müzammüramrü kama la! Anihbe kheak thiyuro lakheah, thiyuro-lungki anihbe kheak lakheah, tüshe kheaküa mihlaksahrü ah!

ISAIA 46:12

I ki aniang, nüsa mulong müküprü, nüsa sherü abekhitpü chingnü limshude la:

ISAIA 5:23

shepü buknim khülang thsungkheaknü amülim ngücho, tüsho amülim mülarü ki arü alimbo junocho!

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 59:11

Isa alala kuto nangde ahukchoh; müthrithrümpü nangde isanü ashede tüzhochoh. Isanü thiyuro aleangchoh, tüshe ju ching tümü müla; akhümkhit aleangchoh, tüshe isa kheaknü limshude lah.

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

ISAIA 59:9

Jumonü thiyuro isa kheaknü limshude lah, tüsho thiyurolungkinü isa mukhiung; isanü ayin aleangchoh, tüsho kheahang! ju ching amiting lah; tüsho ayinatrüm aleangchoh, tüshe amiting ching isa tsahchoh.

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

JEREMIA 7:28

Nünü arü ki thabah: Ha Atungpuh arü Thrünpuh yu manikhi trükshih tüsho yakli danyukkhi müleangkhi; thiyuro dükheakdo; ha arünü müthadebah.

DANIEL 8:12

Nimung aban dükde kingaünpü müthri mihtsürünü neak yihbeak, tüsho thiyuro kingaün ju alo kheak jipkhi. Rhimo lüpdükhi ching akuk ngüde alakheah.

HOSEA 7:1

Küyimki inü Israel thsüngupü lümbanü, Ephraimnü athsümünimkhi, tüsho Samarianü mihbukmuyuk rhimokhi akhiuka huhchoh; tümüde arünü mülimde rhimochoh, ahührünü chakashungde yüzahchoh, tüsho khukshikrünü wungdo ahühchoh.

AMOS 5:11

Jumonü nüsanü zhochihrü kheak thrüm tüsho arü kheaknü hi jangkhia lu, nüsanü lung phukkhinü thüyambo thsü, tüshe nüsa jurü ching müla; nüsanü kurungaso atsü yangdo tüshe nüsanü jurü yukhu muyung.

AMOS 5:7

Nüsa thiyuro akhühsang kamshihrü, tüsho thiyuro-lungki alo kheak jipkhia bahrü ayokhe!

AMOS 6:12

Khorabonü lungbo kheak alihcho de? Khürünü moshipungbo bebah keto mülapcho de? Tüshe nüsanü thiyuro ju müzüm kamshihdo thiyuro-lungki sangaso ju akhüh kamshihdo.

HABAKKUK 1:4

Jumonü yakzan niukniukabahdo tüsho thiyuro mürhimo. Mihbukmuyuknü thiyurolungkirü mükamdolah–jumonü thiyuro mahkhapkhi bephülapdo.